Maana dɨnə Jesu duwa dɨ Luk jangɨdɨ 7:37 - Maktubu dɨnə Mãr̰ĩduwa gɨ bii gɨ chibne

³⁷ Ɨr̰ɨ deme mɨn dɨ nare pad ꞌwocn̰ɨdɨ dara mani dɨra nə àla nə àcn̰e ilə ciri dɨ ta lə di. Mana gɨ tandi dwaya dara Jesu ba dam lə wama bɨwə kɨrə nə abe gɨ Parise di lə da, jisgɨ yande tandi ꞌwoo mɨrda gɨ lade ɨsədɨ lə me hára nɨm. Mɨrda gɨ ta di, swani gɨ habda gɨ bii ꞌyol nan̰ ꞌwon daa.

Maana dɨnə Jesu duwa dɨ Luk jangɨdɨ 7:37 Referans Kwoze

Maana dɨnə Jesu duwa dɨ Luk jangɨdɨ 5:32

Ɨndi da, hára ni gɨ sɨn̰a dɨdə ka da, i dara ꞌwaga gɨ nare nə ꞌwocn̰ dusɨrəgɨ lə ba gɨ i nare nə àcn̰e ba kalna àcn̰a day di bam me ba hane ꞌywana Mãr̰ĩ. Me nare nə ɨrɨm dusɨrəgɨ lə ba gɨ i nə tɨba Mãr̰ĩ dɨrəwə da, nə hára i dara ꞌwagagɨ cendi bədə.»

Matiyə 21:31

Jesu ùr nare di ba da: «Dine nə sɨr ta di dwar̰agɨ lə da, i gɨ we me yɨ gwale abəw di bɨwə mo?» Cendi cow lə diiyə ba da: «I gɨ pii ta di.» Mwom da, an̰ji waygɨ ba da: «Dwayna, nə wayang i gwale sɨw: Nare woni salaw dole gɨ geche gɨ Rom mani me nare woni kaya me da, ha ganda hára mana gɨ ciri dɨnə Mãr̰ĩyə di dɨrəngə pii cendi.

1 Timote 1:9

Mani nə gun ha ꞌwacn̰agɨ dara bii gɨ ꞌwoo gɨnə Mãr̰ĩ duwa di me i ta: Mãr̰ĩ kal bii gɨ ꞌwoo di i dara nare woni àla mani nə tɨba dɨdəgɨ bədə, me i dara nare woni myanda bii gɨ ꞌwoo di bam dɨdəgɨ me, woni dwaya gwale bədə dɨdəgɨ me ca. An̰ji kal bii duwa gɨ ꞌwoo i dara nare woni lán̰aw bədə dɨdəgɨ me, dara nare woni àla mani nə àcn̰e me dɨdəgɨ, dara woni cadɨba Mãr̰ĩ me woni piyə mani duwa baya dɨdəgɨ me ca. An̰ji kal bii duwa gɨ ꞌwoo di, i dara woni ꞌyáa abɨragɨ me idəgɨ me, dara woni ꞌyáa kwandagɨ nare gɨ ùrə day dɨdəgɨ me ca.

Maana dɨnə Jesu duwa dɨ Luk jangɨdɨ 18:13

Ɨr̰ɨ aba salaw dole gɨ geche gɨ Rom mani di ɗɨbə bam hin̰e, an̰ji lán̰ ꞌwoo gɨ dɨrəw yara daa. An̰ji gobɨ nudəw me way dusɨwə ba da: “Mãr̰ĩ ni, yər n̰agɨni ni ɗe! Nə i gun gɨ àcn̰e.”»

Maana dɨnə Jesu duwa dɨ Luk jangɨdɨ 5:30

Nare nə gɨ ꞌwogɨgɨ̀ Parise me, nare day nə mɨn nə i woni gɨlə bii gɨ ꞌwoo gɨnə Moyis duwa me, n̰amdɨ gwale dodə me so waygɨ woni gɨrsə gwale gɨnə Jesu duwaba da: «ꞌYeni da, anə wom mani me chə̀ mani me gɨ nare woni salaw dole gɨ geche gɨ Rom mani me nare nə àcn̰e nə ɗang me mɨn, man man mo?»

1 Timote 1:15

Gwale gɨ nə ilə wayawə ka di, i gwale sɨw, me ladni duwa da, kal nare pad yɨnəw gɨ dusɨrəgɨ dɨ mɨn. Nə way da: Jesu Kris gɨra sɨn̰a lə ka dara bɨlə gɨ nare woni àla àcn̰a. Cor àcn̰a gɨ ni da, ɗoy gɨ day bam pad.

Maana dɨnə Jesu duwa dɨ Luk jangɨdɨ 19:7

Mana gɨ nare di ba gɨ yər yande mwom da, pad dayyə pad n̰amdɨ gwale dodə ba da: «An̰ji ha ꞌya wála kɨrə nə gun gɨ àcn̰eyə!»

Maana dɨnə Jesu duwa dɨ Luk jangɨdɨ 7:34

Me mana gɨ ɨndi gɨ Gun gorndɨw, nə gɨra da, nə wom mani me, nə chə̀ gani me ca da, cor anə way ba nə dam i dara wama me chàa gɨ gani me bɨr̰ɨn̰ ɗɨm, ba nə yɨ mɨlan i gɨ woni salaw dole gɨ geche gɨ Rom mani me, nare nə àcn̰e nə ɗang me ca.

Maana dɨnə Jesu duwa dɨ Luk jangɨdɨ 7:36

Abe mɨn gɨ Parise ꞌwogɨ Jesu ba hana wamna mani nə wama gandɨw. An̰ji dɨm kɨrə duwa lə me damgɨ wama bɨwə.