Maana dɨnə Jesu duwa dɨ Luk jangɨdɨ 6:35 - Maktubu dɨnə Mãr̰ĩduwa gɨ bii gɨ chibne

³⁵ Ɨr̰ɨ ꞌyeni da, ùrnə woni mar̰ande danne me àlna gandagɨ ladni me ca. Anə ꞌwánaw gun mani da, ɨrmɨnə dara ba cwanang daa bá bədə. Anə àlna yande mwom da, Mãr̰ĩ ha ꞌywagang gwayni dan nan̰a le, me anə ha ꞌya i Mãr̰ĩ gaba dama mani dɨdəgɨ lə pad dɨndaw, dara an̰ji kaw i aba àla ladni gɨ nare nə gun ꞌyàgɨ́ mani kaw nem àláw dóche bədə me, nə dusɨrəgɨ ur̰in̰ me ca.

Maana dɨnə Jesu duwa dɨ Luk jangɨdɨ 6:35 Referans Kwoze

Maana dɨnə Jesu duwa dɨ Luk jangɨdɨ 1:32

An̰ji ha ꞌya i gun gɨ geche me, gɨ ha ꞌwagaw Mãr̰ĩ gaba dama mani pad dɨdəgɨ lə gorndɨw, me Aba ciri gɨ Mãr̰ĩ ha chə́w gage gɨ dwãr̰ĩ gɨnə mwáw gɨ Dabid duwa dɨwə me ca.

Markɨ 5:7

Mwom da, Jesu waydɨ dúndi dɨ àcn̰e di ba da: «Dɨm bam abe di sɨwə!» Me dúndi dɨ àcn̰e di soy mar̰ɨjadɨ daa nan̰ ba da: «Ɨjɨm Jesu gɨnə Mãr̰ĩ gaba dama mani pad dɨdəgɨ lə gorndɨw, mə ùr i na sɨnnə mo? Nə wayɨm gɨ Mãr̰ĩ sumɨw: Gɨlɨn dɨrən bədə!»

Matiyə 5:9

Nare woni ɗangr̰a kwandagɨ nə i gɨ gwale bulə dayyə dara ba damna gɨ labiya da, dam i gɨ sii ꞌywala dara Mãr̰ĩ ha ꞌwagagɨ cendi ba i dɨndaw.

Maana dɨnə Jesu duwa dɨ Luk jangɨdɨ 6:36

Yarna nare n̰agɨni day, ya Abɨrang gɨ Mãr̰ĩ ba a yər gɨ nare n̰agɨni day de me ca.»