Maana dɨnə Jesu duwa dɨ Luk jangɨdɨ 4:18 - Maktubu dɨnə Mãr̰ĩduwa gɨ bii gɨ chibne

¹⁸ «Dúndi dɨnə Aba ciri gɨ Mãr̰ĩ duwa ilə gandɨn, dara an̰ji biyən tidɨrɨn swani dɨnnə dara ba nə waynagɨ nare nə bugɨr nõ dɨ lade. An̰ji giyən dara ba nə hane waynagɨ kòy nə gɨ layagɨ sayyə cendi ba ha kɨrara i daa ɗɨm me, an̰ji giyən dara ba nə hane waynagɨ nare nə dɨrəgɨ bu, cendi ba ha yara mana me, nare nə kwandagɨ gɨlgɨ dɨrəgɨ kaw, ba nə ha kɨdəgɨ daa me ca.

Maana dɨnə Jesu duwa dɨ Luk jangɨdɨ 4:18 Referans Kwoze

Matiyə 11:5

Nare nə dɨrəgɨ bu kaw, cor yər mana me, nə majɨgəndɨ kaw, ha daa tɨba tɨba me, nare nə cagɨm àlgɨ kaw, cagɨm sɨr̰ɨbɨ bam sɨdəgɨ lə me, nə sumdəgɨ ɗugɨr kaw, doy gwale me, nare nə mare kaw, bɨdəgɨ agdɨ daa me, nare nə bugɨr kaw, gɨ waygɨ Nõ dɨ lade me ca.

Maana dɨnə Jesu duwa dɨ Luk jangɨdɨ 7:22

Ɨr̰ɨ, an̰ji cogɨ waygɨ nare nə Jã kɨjəgɨ di ba da: «Cwarna hana waynaw Jã di mani nə anə yərgɨ gɨ dɨrəng me, anə doygɨ gɨ sumdəng me di: Nare nə dɨrəgɨ bu kaw, cor yər mana me, nə majɨgəndɨ kaw, ha daa tɨba tɨba me, nare nə cagɨm àlgɨ kaw, cagɨm sɨr̰ɨbɨ bam sɨdəgɨ lə me, nə sumdəgɨ ɗugɨr kaw, doy gwale me, nə mare kaw, bɨdəgɨ agdɨ daa me, nare nə bugɨr kaw, gɨ waygɨ Nõ dɨ lade me ca.

Matiyə 4:16

ꞌYeni nare woni dama dɨban ꞌwacn̰a gɨ Mãr̰ĩ da, Mãr̰ĩ ha gɨləng bɨrmə gaba ꞌywaa bɨlə. ꞌYeni nare woni dama mana gɨ made ɨsədɨ lə da, Mãr̰ĩ ha kɨdəng daa.»

Matiyə 5:3

«Nare nə ꞌwocn̰ dusɨrəgɨ lə dara ba gɨ i nə bugɨr pəgɨn̰ Mãr̰ĩ dɨrəwə da, dam i gɨ sii ꞌywala, dara ciri dɨ daa da, i day cendi.

Maana dɨnə Jesu duwa dɨ Luk jangɨdɨ 6:20

Ɨr̰ɨ Jesu co dɨrəw yər woni gɨrsə gwale duwa me waygɨ ba da: «ꞌYeni nare nə bugɨr da, anə dam i gɨ sii ꞌywala, dara anə nem dɨmə hára ciri dɨnə Mãr̰ĩyə ꞌyeni.

Maktubu dɨnə Jak duwa 2:5

Dwayna, chamran nə nə ùrgɨ nan̰: I nare nə kwandagɨ nə sɨn̰a dɨdə ka yərgɨ ba i burgədə woni ꞌywaa mani bədə me, Mãr̰ĩ an̰jirɨgɨ cendi ba kɨdɨnə woni ꞌywaa mani mana gɨ dusi day dɨ kala lə me ba dɨmnə hana ciri duwa dɨ an̰ji u bɨw way ba a ha ꞌyàgɨ́ woni ùrɨw di lə me ca.

Matiyə 12:20

Dɨrwa gɨ kojəre kaw, an̰ji ha aw bam bədə. Lamba dɨ ina lə ꞌywaa lə ɓani hin̰e kaw, an̰ji ha budədɨ bam bədə me ca. An̰ji ha àla yande di bɨraa dara mani pad àlalna gɨ bɨrmə day tɨba bá.

Matiyə 12:18

Yarna aba àlan giyə ni, nə biyəw me, dusɨn ùrɨw nan̰e. Nə chɨ́w Dúndi ni mana gɨ dɨwə, me an̰ji ha gɨləgɨ nare nə sɨn̰a gɨndɨdɨ lə pad bɨrmə gɨ lade tɨba.

Maana dɨnə Jesu duwa dɨ Luk jangɨdɨ 4:17

Gɨ u maktubu dɨnə aba cɨmə Mãr̰ĩ bɨw gɨ Esayi duwa dɨ gɨ legɨrɨdɨ daa ꞌyàw ɨsəwə, mwom da, an̰ji awrɨdɨ bam me ꞌyo i mana gɨ gɨ jangɨ lə ba da: