Maana dɨnə Jesu duwa dɨ Luk jangɨdɨ 3:19 - Maktubu dɨnə Mãr̰ĩduwa gɨ bii gɨ chibne

¹⁹ Me dole gɨ Erod chəbɨ chendɨw dyaməw dɨ Erodiyad me, àl mani nə ɗang nə àcn̰e nan̰ me, mwom da, Jã wayɨw an̰ju ba àl mani nə ta di da, ba ꞌyolɨw Mãr̰ĩ bədə.

Maana dɨnə Jesu duwa dɨ Luk jangɨdɨ 3:19 Referans Kwoze

Maana dɨnə Jesu duwa dɨ Luk jangɨdɨ 3:1

Wála mɨn, Mãr̰ĩ wayɨw Jã gɨnə Jakari gorndɨw gwale bam dɨn dwar̰ɨ lə. I aliya gɨ mwaj bii jii gɨ dole gɨ geche gɨ Rom gɨ gɨ ꞌwogɨw Tiber lam gɨ dwãr̰ĩ duwa me, Pons Pilat lam duwa dwãr̰ĩ mana gɨ wama gɨ Judeyə, me Erod lam duwa dwãr̰ĩ mana gɨ wama gɨ Galileyə me, chendɨw gɨ Pilip lam duwa dwãr̰ĩ mana gɨ wama gɨ Iture me Tɨrakoni me, Lisanas lam duwa dwãr̰ĩ mana gɨ wama gɨ Abilennə me ca. Aliya gɨ ta lə di da, i Han day gɨ Kayip me i woni bwasa Mãr̰ĩ gechide day cendi.

Matiyə 11:2

Jã Batis duwa da, i dangeyə. An̰ji dwaya mani nə Jesu Kris àlgɨ di, me an̰ji giyə woni gɨrsə gwale duwa nə yab dara ba hane ùrnəw ba da:

Matiyə 14:1

Wála gɨ ta lə da, Erod gɨ i dole gɨ wama gɨ Galileyə di, doy Jesu sumɨw gɨ ꞌwogɨ nan̰ di,

Matiyə 14:6

Cor wála mɨn, Erod àl sii ꞌywala gɨnə yàa duwa di me an̰ji ꞌwogɨ nare nan̰. Mwom da, Erodiyad durmədɨ n̰ar̰ɨ mana gɨ nare nə gɨ ꞌwagagɨ di dɨrəgɨ lə me, n̰ar̰a dɨra di ꞌyolɨw Erod di nan̰e.

Maana dɨnə Jesu duwa dɨ Luk jangɨdɨ 3:18

Ɨr̰ɨ, Jã gɨsɨ nare gɨ gwale gɨ ɗang nan̰ me an̰ji waygɨ Nõ dɨ lade me ca.