Kɨrara gɨ daa (Exode) 15:2 - Maktubu dɨnə Mãr̰ĩduwa gɨ bii gɨ chibne

² Aba dama gɨ dɨrəw bɨr̰ɨn̰ da, i dwana ni me, i gun gɨ nə ha tow diri bwaw sɨwə me, dara an̰ji kɨdən daa. An̰ji i Mãr̰ĩ ni, nə ha bwaw sɨwə! An̰ji i Mãr̰ĩ gɨnə aban duwa, nə ha ꞌwagaw gɨ jilay dara gasɨnani duwa.

Kɨrara gɨ daa (Exode) 15:2 Referans Kwoze

Kɨrara gɨ daa (Exode) 3:6

Ɨndi di, nə i Mãr̰ĩ gɨnə abam duwa. Nə i Mãr̰ĩ gɨnə Abɨraham duwa me, gɨnə Isak duwa me, gɨnə Jakob duwa me ca.» Me Moyis di budɨ dɨrəw le, dara lán̰a àlɨwe, an̰ji nem ꞌwoo dɨrəw daa yara gɨ Mãr̰ĩ bədə.

Kɨrara gɨ daa (Exode) 14:13

Ɨr̰ɨ Moyis waygɨ da: «Lán̰ɨna bədə! Ɗɨbɨnə wayna le mana mɨn jang me, anə ha yara kɨdə gɨ Aba dama gɨ dɨrəw bɨr̰ɨn̰ ha kɨdəng daa laba di! Nare nə Ejibtɨ nə anə yərgɨ laba ka di, ɗan̰ anə ha yaragɨ ɗang bədə bɨr̰ɨn̰!

Kɨrara gɨ daa (Exode) 4:22

Mə ha wayaw dole di ba da: “Doy gwale gɨ Aba dama gɨ dɨrəw bɨr̰ɨn̰ wayɨw di me i ta: Nare nə Israyel di, i ya gorndɨn de, i gorndɨn gɨ man̰jɨli.

Epes 2:22

I dara ɓamara dan gɨ Kris di daa mɨn dɨ me an̰ji ilə dáyang nɨm daa mɨn gɨ nare nə kal dusɨrəgɨ Aba ciri dɨwə nə ɗang, dara ba nə gɨdɨnə ya kulu gɨnə Mãr̰ĩ duwa gɨ an̰ji dam lə gɨ bɨrmə gɨnə dúndi duwa dɨra di.

Kɨrara gɨ daa (Exode) 40:34

Ɨr̰ɨ sawe di mu kundi gaba ɓamara gɨ Mãr̰ĩ di daa gwam me, ꞌywagda gɨnə Aba dama gɨ dɨrəw bɨr̰ɨn̰ duwa kaw ꞌwon kundi duwa di dalaw daa me ca.

Maana dɨnə Jesu duwa dɨ Luk jangɨdɨ 2:30

Dara dɨrən yər aba bɨlə nare gɨ mə giyəw di ɗɨm.

Maana dɨnə Jesu duwa dɨ Luk jangɨdɨ 1:77

Me mə ha gɨləgɨ nare duwa ba ꞌwacn̰ana an̰ji ba ha kala dusɨw hɨlala àcn̰a day dɨwə me ba ha ꞌyàgɨ́ bɨlə me ca.

Kɨrara gɨ daa (Exode) 6:7

Nə ha layang cwang nare ni me, nə ha ꞌya i Mãr̰ĩ dan me ca. I ta di me anə ha ꞌwacn̰a nɨm dara ɨndi di, ba nə i Aba dama gɨ dɨrən bɨr̰ɨn̰ gɨ nə i Mãr̰ĩ dan di, an̰ju gaba kɨdəng daa mana gɨ giyə gɨ wome gɨ nare nə Ejibtɨ chə́ng gandɨw dɨdəngə di dalawə.