Kɨrara gɨ daa (Exode) 11:6 - Maktubu dɨnə Mãr̰ĩduwa gɨ bii gɨ chibne

⁶ Mana gɨ sɨn̰a dɨ Ejibtɨ dɨdə da, gɨ ha bwaa gura lə nan̰e. Gura gɨ ta di, dii mɨn kaw, gun dwayaw bədə sɨn̰ me, ɗan̰ kaw, ha ꞌya lə bədə bɨr̰ɨn̰ me ca.

Kɨrara gɨ daa (Exode) 11:6 Referans Kwoze

Kɨrara gɨ daa (Exode) 12:30

Changa dɨ ta lə di, dole gɨ Ejibtɨ me, woni àla gandɨw giyə me, nare pad nə Ejibtɨ me, ɓɨr̰in̰ɨgɨ daa bo gura, dara ciri dɨnə nare nə Ejibtɨ day dɨ made ilə dwar̰ɨ lə bədə da, ilə bədə.

Maana dɨnə Jesu duwa dɨ Luk jangɨdɨ 13:28

Mana gɨ ta lə di, anə ha yara Abɨraham me Isak me Jakob me woni cɨmə Mãr̰ĩ bɨw pad me mana gɨ ciri dɨnə Mãr̰ĩ duwa lə, me ꞌyeni dan da, gɨ ha ꞌywarang bwang bam iche. Mana gɨ ta di i mana gaba nulə gura me yɨdɨbə sande lə me ca.

Kɨrara gɨ daa (Exode) 3:7

Ɨr̰ɨ Aba dama gɨ dɨrəw bɨr̰ɨn̰ wayaw Moyis ɗang bi ba da: «Nə yər nare ni nə Israyel gɨlə day gɨ dɨrɨn̰ mana gɨ sɨn̰a dɨ Ejibtɨ lə me, nə doy gura day gɨ cendi bo dara gwaba gɨ nare nə Ejibtɨ gobɨgɨ di me ca. Wamani day di, nə ꞌwocn̰ com.

Kɨrara gɨ daa (Exode) 11:7

Ɗɨm da, nare nə Israyel ciri dayyə da, gɨ ha dwaya dogdə gurə gɨ gunnə bədə me, gurə gɨ mani nə paga lə bədə me ca. Ta di me anə ha ꞌwacn̰a dara ɨndi Gaba dama gɨ dɨrən bɨr̰ɨn̰ di ba nə àlang ꞌyeni nare nə Ejibtɨ mani nə jiga me, ba nə àlgɨ nare nə Israyel kaw mani nə jiga me ca.”»

Kɨrara gɨ daa (Exode) 9:18

sanga gɨ dawa dɨ ya ka de da, nə ha ꞌwāa gɨna gɨ gabe gɨ dwana. Mana gɨ nare diy gɨnɨn̰ dam nɨm sɨn̰a dɨ Ejibtɨ lə bá da, mãr̰ĩ ꞌwāa duwa gɨ dwana gɨ ya ta de di, dii mɨn kaw, gun yərɨw bədə sɨn̰.