Epes 4:11 - Maktubu dɨnə Mãr̰ĩduwa gɨ bii gɨ chibne

¹¹ I an̰ji me ɨsɨgɨ nare mani nə lade mani nə di i giyə duwa gɨ jiga jiga di: nə mɨn i nare nə Jesu kɨjɨgɨ me, nə mɨn i woni waya Mãr̰ĩ bɨw me, nə mɨn i woni wayagɨ nare Nõ dɨ lade me, nə ɗang da, i woni ɗɨbə Egɨlis dɨrədɨ lə gɨləgɨ nare gwale gɨnə Mãr̰ĩ duwa me ca.

Epes 4:11 Referans Kwoze

Epes 2:20

ꞌYeni da, anə ilə mani nə Mãr̰ĩ aw gɨ kulu dwar̰agɨ lə me nare nə Jesu kɨjɨgɨ me woni waya gwale gɨnə Mãr̰ĩ duwa me da, cendi i kulu gɨndɨw dɨ dodə cendi, me Kris da, i ya kur̰a dɨ gɨ chidɨ dugdɨyə pii pa dara yəə gɨ kulu di waya nɨm daa mɨjag de.

Matiyə 28:20

Gɨlnəgɨ kalgɨ gɨ àlna bɨn gɨ nə wayang gandɨw di bá bá. Me dwayna: Ɨndi da, nə ilə gandang gɨ wála wála bɨraa dɨr̰ɨn̰a ꞌyan̰a dɨra lə bá.»

Epes 4:8

Ta dɨ me i gwale gɨ Maktubu dɨ Diri way da: «An̰ji hagɨ mana gɨ daa cog me, yɨbə nare bwagɨ tarɨwə hára nɨm me, ɨsəgɨ nare mani nə lade me ca.»

Epes 3:5

Mani nə budɨ lə nə ta di Mãr̰ĩ gɨləgɨ gandagɨ nare nə pii di daa bədə, ɗɨm da, caga da, Dúndi gɨləgɨ gandagɨ nare nə Mãr̰ĩ kɨjɨgɨ me woni waya Mãr̰ĩ bɨw, i cendi ca dayyə me Mãr̰ĩ chɨ́gɨ jiga dara giyə duwa di.