Epes 2:2 - Maktubu dɨnə Mãr̰ĩduwa gɨ bii gɨ chibne

² Te ɓag da, anə pam i nare nə sɨn̰a dɨdə ka mani day nə àla me anə pam i dole gɨnə dúndi dɨ àcn̰e day gɨ dam mana gɨ sɨn̰a bulə day gɨ siyaya lə, tandi dúndi dɨ ta di àl giyə lə nare woni gɨn̰ə Mãr̰ĩ bɨw bam dusɨrəgɨ lə.

Epes 2:2 Referans Kwoze

Epes 6:12

Dara nendɨ da, də kwabang dɨm di i gɨ nare bədə, ɗɨm da, dɨm ɨnda da, də kwabang i gɨ dúndi dɨ àcn̰e dolgə day, me də kwabang gɨ dúndi dɨ lam dwãr̰ĩ mana gɨ sɨn̰a dɨdə dɨ dilɨmmə ka di me dúndi dɨ àcn̰e pad dɨ dam mana gɨ sɨn̰a bulə day gɨ siyaya lə me ca.

Epes 2:3

Tanga pii da, nendɨ kaw, də wunəng i ya nare nə ta di de me ca. Pii da, də àlang i mani nə àcn̰e nə də ꞌwacn̰arang nɨm nə doni gɨ sɨdəndɨ me dusɨrəndɨ me ùr cendi, dee nendɨ kaw, də ꞌyang i nare nə sariya dɨnə Mãr̰ĩ duwa ha yɨbəndɨ ya ba dɨ yɨbɨ nɨm gɨ cendi nə ɗang di de me ca.

Epes 5:6

Kal gun lamnang gɨ gwale gɨ gɨndɨw ilə bədə di bədə, dara mani nə àcn̰e nə ya ta de pad me Mãr̰ĩ dusɨw so nɨm mana gɨ nare woni gɨn̰ə bɨw bam dɨdəgɨ lə.

Epes 4:22

Ina yande da, kalna mani dan nə anə àlagɨ̀ pii wála gɨ anə ꞌwocn̰ gɨ Kris bədə sɨn̰ di bam. Cende dɨ idɨ àla mani nə àcn̰e ha gandang anə àla gɨ mani nə ta di, cende dɨ ta di lamang myandang bam.

Maktubu dɨnə Jak duwa 4:4

ꞌYeni nare woni cwaw Mãr̰ĩ tarang nə gá! Anə ꞌwocn̰ dara ùrə gɨ mani nə sɨn̰a dɨdə ka nan̰ mɨra da, i àla gɨ mar̰ande gɨ Mãr̰ĩ. Gun gɨ ùrnə mani nə sɨn̰a dɨdə ka nan̰ da, an̰ji gɨdɨ i Mãr̰ĩ aba mar̰ande duwa.

Matiyə 13:38

Daga di, i sɨn̰a gɨndɨdɨ pad. Swagə nə lade di, i nare nə kal Mãr̰ĩ lam dwãr̰ĩ duwa dɨdəgɨ lə. Barɨm di, i nare nənə Sidan dɨra.

Maktubu dɨnə Jak duwa 1:7

Gun gɨ ya ta de da, a ꞌwacn̰ana dara ba a ha ꞌywaa mani hin̰e mana gɨ Aba ciri gɨ Mãr̰ĩ ɨsəwə bədə.

Maana dɨnə Jesu duwa dɨ Luk jangɨdɨ 22:31

Ɨr̰ɨ Jesu wayɨw Piyer da: «Simõ, Simõ, àsɨ angal dɨma ladɨ le! Sidan ùr Mãr̰ĩ dara ba dɨ lugiyənge ya ba gɨ lugi gɨ swagə ɗagɨna lə de.

Maana dɨnə Jesu duwa dɨ Luk jangɨdɨ 16:8

Aba ciri di dam yər maché duwa gɨ àcn̰e di kojɨgə duwa dɨ an̰ji àldɨ̀ me bow sɨwə, dara an̰ji àla mani gɨ dɨrɨn̰ naa. I sɨdɨ, nare nə sɨn̰a dɨdə ka da, àl mani gɨ dɨrɨn̰ naa nan̰ gɨ kwandagɨ ɗoy nare nə dam mana gɨ ácn̰e gɨnə Mãr̰ĩ duwa lə bam.»

Matiyə 11:19

Me mana gɨ ɨndi gɨ Gun gorndɨw, nə gɨra da, nə wom mani me, nə chə̀ gani me ca da, cor nare way ba nə dam i dara wama me chàa gɨ gani me bɨr̰ɨn̰ ɗɨm, ba nə ɓamar i gɨ woni salaw dole gɨ geche gɨ Rom mani me, nare nə àcn̰e nə ɗang me ca. Me nə wayang da: Dɨrɨn̰ naa nənə Mãr̰ĩ duwa da, gɨ ꞌwocn̰ɨgɨ i gɨ mani day nə àla lə.»

Matiyə 13:22

Nə mɨn nə wujabar day bor mana gɨ chemde woni jimdi dwar̰agɨ lə da, i gun gɨ doy gwale gɨnə Mãr̰ĩ duwa di maa, ɨr̰ɨ an̰ji ɨrɨm mana gɨ wamani gɨ jiga jiga gɨ sɨn̰a dɨdə ka dɨwə, an̰ji kan̰jɨ ꞌywaa gɨ sɨn̰a dɨdə ka gɨ i mani nə pəgɨn̰ yag. I yande me ɨrmə pad gɨ an̰ji ɨrmɨw di da, yɨ gwale gɨnə Mãr̰ĩ gɨ dusɨwə di daa swamama ɨmɨw àla gandɨw giyə bam.

Markɨ 4:19

ɨr̰ɨ cendi ɨrɨm mana gɨ wamani gɨ jiga jiga gɨ sɨn̰a dɨdə ka dɨwə, cendi kan̰jɨ ꞌywaa gɨ sɨn̰a dɨdə ka gɨ i mani nə pəgɨn̰ yag, me cendi kal ɨrmə day mana gɨ mani nə ɗang ɗang dɨdəgɨ lə me ca. I yande me ɨrmə gɨ pad gɨ cendi ɨrmɨw di da, yɨ gwale gɨnə Mãr̰ĩ gɨ dusɨrəgɨ lə di daa swamama ɨmgɨ àla gandɨw giyə bam.

Epes 1:21

Mana gɨ ta lə da, an̰ji dam paja nə daa gechide day dɨdəgɨ lə me dúndi nə àcn̰e gechide day pad dɨdəgɨ lə me, sumɨw ꞌwogɨ ɗoy sumi gɨ ꞌwaga gɨ ɗang gɨnə mani nə caga ka day bam pad me, nə wara pii kaw day bam me ca.

Epes 2:11

Ina yande da, ꞌyeni anə i Juwib bədə dara anə wun i mɨnang jiga, nare woni saba ban̰a ꞌwagang ba anə i woni saba ban̰a bədə, ban̰a dɨ ta di cendi sabdɨ i doni day gɨ icheyə pəgɨn̰ gɨ ɨsɨragɨ day dara i mani day nə gɨndəgɨ ɓag. Yande da, kalna dusɨrəng gunəng mana gɨ dama dannə wála gɨ anə wor ꞌwacn̰a gɨ Mãr̰ĩ bədə sɨn̰ di dɨwə.

Epes 2:13

ꞌYeni nə tanga pii da, anə dam yə̄ gandɨw, ɗɨm da, caga da, anə yala ɓamar daa gɨ JesuKris mɨn me, anə chidɨ yala Mãr̰ĩ sɨwə ib di i dara Kris bare duwa gɨ bor dodə ya sarga de di.

Epes 4:17

Yande da, nə wayang gɨ dwana dɨ Aba ciri wun gandɨdɨ me nə ajɨmar lə diiyə di. Kalna ꞌwoo bɨrmə gɨnə nare woni ꞌwacn̰a Mãr̰ĩ gɨ ɓag bədə day ɗi, dara cendi ɨrmə day da, gɨndɨw ilə bədə.

Epes 5:8

Dara tanga pii da, anə dam ya banə dam i dilɨmmə de, me caga da, anə ɓamar daa gɨ Aba ciri mɨn da, ya ba də i nare nənə mana gɨ ácn̰e duwa de. Yande da, àlna mani nə wunnə ya nare nə dam mana gɨ ácn̰eyə day de.

Maktubu dɨnə Jak duwa 1:27

Yarna, pama gɨ bɨrmə gɨnə Mãr̰ĩ duwa gɨ ladɨ Abɨrandɨ gɨ Mãr̰ĩ dɨrəwə da, i wagɨ gɨ bagondə lə me namde nə wambɨ lə me mana gɨ jiba dayyə me, biyə gɨ sɨm bam mana gɨ mani nə àcn̰e nə sɨn̰a dɨdə woni lwabam gichɨni sɨmmə dwar̰agɨ lə me ca.