Epes 2:10 - Maktubu dɨnə Mãr̰ĩduwa gɨ bii gɨ chibne

¹⁰ Dara an̰ji me i aba awandɨ an̰ju me, an̰ji bwandɨ də kɨdəng nare nə dɨrway dara ɓamara gɨ də ɓamarang gɨ Jesu Kris daa mɨn di, dara ba də àlnang mani nə lade. Mani nə lade nə ta di Mãr̰ĩ ɗangr̰ɨgɨ pii ɓɨg dara ba də àlnang gandagɨ le.

Epes 2:10 Referans Kwoze

Epes 4:24

Caga da, àlna mani nə dɨrway nə Mãr̰ĩ ùrgɨ nə bor gɨ mani nə ꞌyolɨw, yande da, mani dan nə anə ha àla ha ꞌya nə tɨba me, nə lade bɨr̰ɨn̰ me, dara mani nə ta di swaa gwale sɨw lə.

Epes 4:1

Ɨndi gɨ Pol gɨ gɨ yɨn dange dara giyə gɨnə àlɨw Aba ciri di da, nə ùrəng ajɨmar nɨm lə, kalna hára dan bwarna ya Mãr̰ĩ ꞌwaga duwa gɨ an̰ji ꞌwagang dɨ de.

Epes 1:4

Mãr̰ĩ piyndɨ mana gɨ sɨwə dara ba də kɨdɨnəng nare duwa dara də ɓamarang daa gɨ Jesu Kris di i pii pa gɨ an̰ji wor àsa sɨn̰a sɨn̰. An̰ji piyəndɨ yande dara ba də kɨdɨnəng nare nə dusɨrəgɨ wusɨbɨ nə mani nə àcn̰e hin̰e kaw ilə sɨdəgɨ lə bədə mana gɨ dɨrəwə. I dara dwani duwa di me

1 Timote 6:18

Waygɨ gɨ àlna mani nə lade me, mani day nə lade di, gɨ ꞌyarbarna le nan̰ nan̰ me ca. Gɨ ina i nare woni dwani me, gɨ ɨsɨnəgɨ kwandagɨ mani day di dɨban ɨrmə gɨ taragɨ.

Matiyə 5:16

ꞌYeni di kaw, kal ácn̰a dan di ácn̰ana le nare dɨrəgɨ lə yande me ca. Yande do me cendi ha yara gɨ mani dan nə àla nə lade ya ba gɨ yər nɨm gɨ ácn̰a gɨnə lamba dɨra di de, me cendi ha ꞌwaga gɨ Abɨrang gɨ Mãr̰ĩ gaba dama daa di sumɨw sɨn̰.»

2 Tesalonik 2:17

Kalgɨ gɨ hurnang abnani dusɨrəngə me, ꞌyànang dwana dɨ idɨ àla ladni jwab jwab mani dan nə àla lə me gwale dan gɨ waya lə me ca.

1 Timote 5:25

Mani nə àla nə lade di kaw, gɨl sɨdəgɨ daa pɨden̰yə ɗən̰. Nə gɨ yarnagɨ pɨden̰yə kaláng bədə kaw, ha budara dodə bɨr̰ɨn̰ bədə me ca.

1 Timote 2:10

Ɓag da, mani woni lada deme da, i àla gɨ mani nə lade. Namde woni waya ba gɨ àl i Mãr̰ĩ bɨw da, gɨ àlna mani nə lade di jang.

1 Timote 5:10

Kal nare ꞌwagɨnadɨ gɨ jilay dara mani dɨra nə àla nə lade: Mani nə lade nə ta di, i gama gɨ tandi gam dɨndadɨ me, yəə gɨ mɨje sɨdə me, wiyagɨ gɨ nare nənə Mãr̰ĩ duwa gɨdɨragɨ bam me, wogɨ gɨ nare woni n̰agɨni mani me, àlagɨ́ gɨ nare mani pad nə lade me ca.

Epes 2:2

Te ɓag da, anə pam i nare nə sɨn̰a dɨdə ka mani day nə àla me anə pam i dole gɨnə dúndi dɨ àcn̰e day gɨ dam mana gɨ sɨn̰a bulə day gɨ siyaya lə, tandi dúndi dɨ ta di àl giyə lə nare woni gɨn̰ə Mãr̰ĩ bɨw bam dusɨrəgɨ lə.

Epes 1:1

Ɨndi gɨ Pol gɨ Mãr̰ĩ gɨdɨn paja gɨnə Jesu Kris duwa i gɨ ɨrmə duwa. Nə jangɨgɨ i nare nənə Mãr̰ĩ nə ɗɨbɨ gwale day dɨwə jang nə dam mana gɨ ciri dɨ geche dɨ Epes lə.

Epes 2:6

I dara ɓamara gɨ də ɓamarang daa mɨn di me an̰ji dɨmdɨ nɨm daa munɨ lə gandɨw mɨn me ha chə́ndɨ daa dara ba də lamnang dwãr̰ĩ gɨ Jesu Kris mɨn me.

Epes 2:13

ꞌYeni nə tanga pii da, anə dam yə̄ gandɨw, ɗɨm da, caga da, anə yala ɓamar daa gɨ JesuKris mɨn me, anə chidɨ yala Mãr̰ĩ sɨwə ib di i dara Kris bare duwa gɨ bor dodə ya sarga de di.

Epes 2:15

An̰ji biy dwana dɨnə bii gɨ ꞌwoo gɨnə Juwib day me gwale duwa gɨlə dalawə pad me mani day nə gɨndəgɨ me bam, an̰ji àl yande dara ɓama nare nə Juwib me nə Juwib bədə me daa mɨn ba gɨdɨnə ya gun duwa gɨ dɨrway mɨn tenene de me ba damna gɨ hɨlala jwam me ca.