Epes 1:7 - Maktubu dɨnə Mãr̰ĩduwa gɨ bii gɨ chibne

⁷ I dara də ɓamarang daa mɨn gandɨw me an̰ji kɨdəndɨ daa àcn̰a ɨnda lə di i gɨ bare gɨnə Jesu duwa gɨ bor dodə di me an̰ji kal dusɨw hɨlal mana gɨ àcn̰a ɨnda gɨ də àlɨw dɨwə. Ya ta di de me Mãr̰ĩ àl gɨl gɨ dusi dɨ lade duwa dɨ geche nan̰ dɨ an̰ji àl gɨ nare di.

Epes 1:7 Referans Kwoze

Matiyə 26:28

Dara ta di i bare ni gɨ Mãr̰ĩ yɨ gɨ mɨlan gɨ nare. I bare gɨ bor dodə dara nare nə gɨr̰e dɨdəgɨ dara Mãr̰ĩ kalna dusɨw hɨlalna àcn̰a day dɨwə.

Epes 2:7

An̰ji àl ganandɨ ladni yande gɨ Jesu Kris sumɨw, i dara ba gɨlgɨ nare nə wara pii ba yarna àla gɨ ladni duwa dɨ nan̰ di.

Epes 3:16

Mãr̰ĩ da, i geche, gasɨnani duwa da, ꞌyan̰a dɨra ilə bədə, nə amsɨw dara kal dwana dɨnə Dúndi duwa ꞌyànang dwana mana gɨ dusɨrəngə.

Matiyə 20:28

I yande me ɨndi gɨ Gun gorndɨw di kaw, nə hára i dara nare ba wanannə cendi bədə, me nə hára i dara wagɨ gɨ nare lə ɨndi me ꞌwoo gɨ sɨn ꞌyàdɨ made dara kɨdə gɨ nare nan̰ daa me ca.»

Epes 3:8

Ɨndi gɨ nə wor targɨn̰ geche nare nənə Mãr̰ĩ duwa taragɨ lə kaw, Mãr̰ĩ àl gandɨn dusi dɨ lade dara ba nə waynagɨ nare nə i Juwib bədə, gwale gɨ lade gɨnə Kris duwa. An̰ji i gun gɨ geche nan̰e, gun nem ꞌwacn̰a gɨndɨw pad bədə.

Markɨ 14:24

Mwom da, an̰ji waygɨ ba da: «Ta di, i bare ni. An̰ji bor dodə dara nare nə gɨr̰e dɨdəgɨ. I bare gɨ Mãr̰ĩ yɨ gɨ mɨlan gɨ nare duwa.

1 Timote 2:6

An̰ji gɨra u sɨw ꞌyàdɨ́ made dara kɨdə gɨ nare daa mana gɨ àcn̰a dayyə. Ta di me i mani nə àlal wála gɨ Mãr̰ĩ ɨrɨm lə gɨl ba a ùr bɨlə gɨ nare daa pad di.

Epes 2:4

Ɗɨm da, Mãr̰ĩ da, i aba yara nare n̰agɨni day nan̰e me, dwani dɨ an̰ji àl ganandɨ di i dɨ geche nan̰e me ca, wála gɨ də wunəng ya nare nə mare de dara àcn̰a ɨnda da, an̰ji ùrə gɨ an̰ji ùrndɨ nan̰ di cor ꞌyàndɨ bɨlə dara də ɓamarang daa gɨ Kris, i dara dusi dɨ lade duwa di me anə bɨl nɨm.

Maana dɨnə Jesu duwa dɨ Luk jangɨdɨ 24:47

me, ba gɨ ha àsagɨ nare nə gɨndəgɨ jiga jiga nə sɨn̰a gɨndɨdɨ lə pad berni gɨ sumɨw duwa, dara cendi ba kalna àcn̰a day bam me ba hane ꞌywana Mãr̰ĩ, me an̰ji ba ha kala dusɨw hɨlala àcn̰a day dɨwə sɨn̰. Berni dɨ ta di, gɨ ha diyə gɨndɨdɨ i mana gɨ Jursalem.

Maana dɨnə Jesu duwa dɨ Luk jangɨdɨ 1:77

Me mə ha gɨləgɨ nare duwa ba ꞌwacn̰ana an̰ji ba ha kala dusɨw hɨlala àcn̰a day dɨwə me ba ha ꞌyàgɨ́ bɨlə me ca.

Kɨrara gɨ daa (Exode) 34:7

Ladni ni di ha ꞌya lə gun dɨwə bɨraa mage duwa nə dubu lə bá. Gun gaba àláw jaw gun wamani labaa, gaba gɨn̰ə bii ni gɨ ꞌwoo bam labaa, gaba àla àcn̰a da, nə kal dusɨn hɨlal le dɨwə. Ɗɨm da, gun gaba àla mani nə ha lə bədə da, nə kalɨw pəgɨn̰ ya gun gaba àla mani bədə de bədə. Gun gɨ àlna mani nə hana lə bədə da, nə ha àsaw wamani dɨwə me, wamani gɨ ta di, ha pama dɨndaw bɨraa hára nɨm mage duwa nə dii subu labaa nə dii wodɨ lə bá.»

Epes 1:6

An̰ji àl yande dara ba də ꞌwagɨnaw ɨnda gɨ jilay dara dusi duwa dɨ lade nan̰ dɨ ɗoy mani bam pad dɨ an̰ji àl ganandɨ pəgɨn̰ di. An̰ji ꞌyàndɨ dusi dɨ lade pəgɨn̰ di i dara də ɓamarang daa mɨn gɨ gorndɨw gɨ an̰ji ùrɨw nan̰ di.

Jonas 4:2

An̰ji amsɨ Aba dama gɨ dɨrəw bɨr̰ɨn̰ me wayɨw ba da: «Ay, Aba dama gɨ dɨrəw bɨr̰ɨn̰, ta di me i mani nə nə wayagɨ mana gɨ nə wara nɨm sɨn̰a niyə sɨn̰ di bədə mo? Nə ꞌwocn̰ com: Mə i Mãr̰ĩ gaba àla dwani me, mə i aba yara nare n̰agɨni day me ca. Dusɨm kaw so kaláng bədə me. Mə i gun gɨ dusɨm ladɨ gɨ dɨrɨn̰ bɨr̰ɨn̰. Mə ɨrɨm dee ba mə àl wamani me, mə àl bədə. I ta di me nə ɨrɨm ba nə wà ha nɨm Tarsis di.

Matiyə 6:12

Kal dusɨm hɨlal àcn̰a nin gɨ nə àlɨ̀wnin di dɨwə ya ba nə kalnin gɨ dusɨrənin hɨlal nare àcn̰a day gɨ àl gandanin dɨwə ta de me ca.

Epes 1:8

Mãr̰ĩ ꞌyàndɨ dusi dɨ lade di nan̰ sɨdəndɨ lə me ꞌyàndɨ dɨrɨn̰ naa nan̰ me ꞌyàndɨ dwana dɨ idɨ yəə gɨ mani dɨdəndɨ lə me ca.

Epes 1:14

An̰ji ꞌyàndɨ dúndi duwa di pii pa, i tandi me ha gɨləndɨ mani nə lade nan̰ nə an̰ji biy gɨ bii ba a ha ꞌyàgɨ́ nare duwa di. Mani nə ta di darang ꞌywagɨ le wála gɨ an̰ji dara kɨdəndɨ daa bɨr̰ɨn̰ di, yande da, bwanaw jilay dara gasɨnani duwa dɨ nan̰ di.

Epes 1:18

Nə amsɨ Mãr̰ĩ ɗang dara ba tin̰ɨnəng dɨdəng bam dara banə ꞌwacn̰ana mani nə an̰ji ꞌwagan ba nə ha ꞌywagɨ le nə anə kal ɨrmə dan lə dɨdəgɨ lə di. Nə amsɨw ɗang dara banə ꞌwacn̰ana mani nə lade nan̰ nə woni same nə an̰ji gamgɨ dara nare nə duwa di.