Yowani 3:3 - Seysyo No Tao

³ Maniring si Yeso am, “To ko na macitangayan jimo am no si ji mirwa a matazak a tao o tao am ji macikaop do italamozong na ni Ama ta do to a tao.”

Yowani 3:3 Referans Kwoze

2 Kedinto 5:17

Ta o macikaop ji Yeso Kizisto a tao am vayo rana o onowned na. Ta nipeymakarwan na rana o adan a icicirawat na. So ikamimin na rana vayo.

1 Yowani 3:9

O anak na rana ni Ama ta do to am ji da rana ngakdaya o kapeyraraten da. Ta macikaop jira si Ama ta do to. Am ori o ji da rana meyrarateni, ta Ama da rana si Ama ta do to.

1 Yowani 5:1

O tao rana omanoyong ji Yeso Kizisto a Misayya am manoyong o akman sang a anak na ni Ama ta do to. O tao a omraralay ni Ama ta do to am akman sang a marilaw no akma ney kakteh do cinai, ta meyyangangay sira anak na ni Ama ta do to.

Tito 3:5

na patazadangen yaten do teyngato, do na karilaw nyaten. So ikabeken na omaing do apya icicirawat ta. O Seyzi na ni Ama ta do to am ori o nikaro ta do raraten ta. So icyakma tey nimalikey a avayo rana so aktokto. So iyan na rana jyaten no to meyyonong a ikavyay no pahad ta.

Yowani 1:13

Am beken a meyngongyod sira ori a nimapodpod so kataotao ji Ama ta do to, ta omaing do kanoyong da ji Ama ta do to. Am ori o abnekan na sira akma ney anak.

1 Yowani 2:29

Katenngan nyo o kabo no kararatan ni Kizisto. O tao rana abo so karatan a mangozay do nanao ni Ama ta do to am manoyong a anak ni Ama ta do to.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

Cyalatay 6:15

So ji na ranakdengi no kayongkad do kataotao. Ta makdekdeng o vazay no Seyzi a omyavayo so onowned ta.

1 Yowani 5:18

Yaten rana anak ni Ama ta do to am ji ta rana ngakdaya o kapeyraraten ta. Ta apzatan ni Yeso Kizisto o onowned ta. So ji na rana makagogaji nyaten ni Satan.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

Yowani 12:40

“Si Ama ta do to o icyakma dey mavota. Icyakma ney vato o onowned da do kaji da mamlisan. Maniring si Ama ta do to am, ‘Yabo da kasngesngenan jyaken. Makongo ko so wanjin a mapatastas sira do teyngato.’ ”

Ivoso 2:1

No kaji nyo pa manaralayan am pasobnan nyo pa o ciriciring na ni Ama ta do to a meyraraten.

Yowani 1:5

O zezak am cirain na o kasarisaryan. So ji na makahespi so mazngang no masari.

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Yowani 1:51

Maniring pa jira si Yeso am, “To ko na macitangayan jinyo am macita nyo na o teyngato a kacyangan a kapakacita nyo na so aro a tinsi ni Ama ta do to a meygegcin jyaken a Nipamnekan na ni Ama ta do to a meysisinaoli sira do teyngato.”

Matay 16:17

Maniring si Yeso am, “Imo rana Simong a anak ni Yowani am ka tey yapya so ngilin. Ta o nanao rana ya am beken a tao yanimapahap sya jimo. Ta si Ama ta do to o yanimapatwaw sya jimo.

Matay 5:18

To ko na macitangayan jinyo am tana todangay do kaidan no karawan am abo asa ka ciring ni Ama ta do to a mabalinas.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am:

Matay 19:24

Ko pa ipanci jinyo am mowwamek pa o meykavokovokoz so likod a baka a lomyos do lala no rayom a kano aro so peymeymasaodan a macikaop do italamozong na ni Ama ta do to.”

Matay 21:31

Manngwa, sino jira ang o nimahap so ciring no ama da.” Maniring sira am, “O rakerakeh ang.” Maniring si Yeso am, “To ko na macitangayan jinyo am manmanma pa sira ka ninyo o mapeyvazay so deyking a tao a kano somagpyan a mavakes a macikaop do italamozong ni Ama ta do to.

Make 9:47

No si asa ka mata mo o nipeyraraten mo am to rana ngoswa. Tana asa mata a kapakasalap do italamozong ni Ama ta do to am apyapya pa ori a kano meynanod so mata mangay do kararatan.

Make 10:14

Macita na sira ni Yeso o macinanao jya omza sira am maoya o aktokto na. Maniring jira am, “Pancyan kamo sira o kanakan a mai jyaken. Ji nyo ngaza sira, ta o italamozong na ni Ama ta do to a tao am akman sira so kanakan eya.

Yowani 3:4

Maniring si Niketemo ji Yeso am, “Makongo so wanjin o rarakeh rana mangay pa matazak a tao. Manngwa, meysinaoli pa malikey ahanasen da?”

1 Yowani 5:4

Mamimin o anak ni Ama ta do to o makaharag so marahet a vazay do karawan. O ipakaharag da so marahet a vazay am voovoo da o kapeyhanhan da ni Yeso Kizisto.