Yake 5:3 - Seysyo No Tao

³ Mangay karaci no nizpi nyo. O raci no nizpi nyo am yongkad no kababayo nyo. So icyakma ney apoy no nizpi nyo a ombalinas jinyo. Ikeykongo kamo a yato ngimong no kangangay nyo, do yana ikakeykai rana no araraw no peyoyaoyyan na ni Ama ta do to.

Yake 5:3 Referans Kwoze

Loma 2:5

Am yamo kakmey mavota so onowned a yaji mamlis. Am no si marateng rana o araraw na no peyoyaoyyan na ni Ama ta do to am jyabo kaji nakdekdengan pa no ipasingsingkad na jimo no ji mapeycyakaban so tao a Tao do to a.

Ipaziman 21:8

Am sira rana manyahey a tao a kano ji nganoyong jyaken a tao a kano somagpyan a kano manwakwak a kano mangzakza so icyatatao da kano manlita no oyowyat ni Satan a kano manaralay so malas a iraralay a kano mangalalas a tao am amyan so akmey awa so karakorako a lila no apoy a omapanala sira. Ori rana am ipirwa kawakwak ori.”

Ipaziman 20:15

O abo so ngaran do vakong a adketan no ngarangaran da no yanan na rana no to meyyonong a ikavyay no pahad da am iwalit na sira do akman so awa so karakorako a lila no apoy.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

2 Timotay 2:17

Ta o ipangnanao da rana am akmey noka jyapya a makatotoin. Yamacyangay jira ang si Siminay a kani Veydito.

Ipaziman 17:16

O yasa ngarnan a ozong a kano omalalam am ikaoya da o mavakes. Am ori o nipehes da so kangangay na. So ikabo na rana no aywayob na a kakan da pa so asisi na a kasleb da rana sya temtemen.

Nimlivolivon 2:17

‘O ciring na ni Ama ta do to am: No marateng rana o araraw ko no makwa am tovoin ko o Seyzi a macikaop do aro a tao. O anak nyo a mahakay a kano mavakes am mangay o kapanoyonoyo da so ciriciring ko. So iyan no malavayo a mahakay a makacita so mapangyangyalak a ipacita ko jira do akma dey tateynep. So iyan no rarakeh a mahakay a meytateynep so mapeyzokab a ipatateynep ko sira.