Yake 5:20 - Seysyo No Tao

²⁰ manakem nyo an. O tao a nimapaoli so akma ney kakteh do cinai a apo do peyraratenan na am manoyong o akman sang a tao a niomagag sya do peyoyaoyyan na ni Ama ta do to, do kanimavonas na rana no aro a raraten na.

Yake 5:20 Referans Kwoze

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.

1 Timotay 4:16

Meypepzat ka so kataotao an. Akman so sang o ipangnanao mo an. Ji mo macimazai o vazay mo. Ta ori o ipatazadang na jimo ni Ama ta do to do teyngato. So ikakman da sang no pamizngen mo a tao a patazadangen na.

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

Yake 5:19

Manga kakteh, no si myan jinyo so nimavozaw a nikomaro rana do nanao na ni Ama ta do to a keyyan no tao a mapeysinaoli sya am,

Yake 1:15

No amlida do onowned na o marahet a ikeykakza na am meytotwaw rana o raraten na. Ori rana am yapwan no kangay na do makotokotod a lila no apoy a mangay do kaidan no karawan.

1 Kedinto 9:22

No macikaop ko do malelma so nakenakem a tao am panadnaden ko sira do kahap ko sira panopen. Am ori o panadnadan ko so iwawalam da no pacikaopan ko a tao, ta ori o ipanop ko sira a omanoyong ji Yeso.

Yowani 5:24

To ko na macitangayan jinyo am omamizing so ciring ko a tao a omanoyong do yanitomovoy jyaken am mahap na o to meyyonong a ikavyay no pahad na. So ikanoyong na ji na meydednai no peyoyaoyyan na ni Ama ta do to. Ta nimaliklik na rana o apwa kawakwakan no pahad na.

Veydimeng 1:19

So to ko na padkeci sya do teygami ya. Cyaha, ta yaken o tomoro jya. O ko ipanci a paolin mo jyaken am tana ji ko mancyan jimo am to mo na tenngi do onowned mo.

Ipaziman 20:6

O nimacizanod do ipisa pa kapeyvangon a tao am manoyong sira akma ney anak ni Ama ta do to a tey yapya. Ta ji na rana nalamozongan sira no ipirwa kawakwak. Ta sira rana am abneken na rana sira ni Ama ta do to a kani Kizisto a to ngonongonong do kangay da do tangain na ni Ama ta do to a amraralay nya. So ipacizanod da ji Kizisto a meypanirsirngen so asa zivo (1000) a awawan.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

Yake 1:21

Am ori an, vonasan nyo so marahet a nakenakem nyo a kano marahet a icicirawat nyo a omonot ji Ama ta do to a omahap so ciriciring na a na akmey nipamowa do onowned nyo a mapatazadang jinyo do teyngato.

Yake 5:15

No ipeyhanhan nyo o ngaran na am mavoga na o ingingnen na no makaliliw sya tao. So ikanoyong na rana nikeywakwakan so kataotao. No myan so raraten no tao ori am todavonas rana.