Yake 5:11 - Seysyo No Tao

¹¹ Tamo ipanci sira tey masaray a tao an, do da kajya haywan no yamyan so alalaw da an. Nimamizing nyo rana si Yepo a jya nimablis so onowned no keyyan no alalaw na. So nyo ipakateneng do kato na ngavosan no alalaw na nisidong na ni Ama ta do to. Ta si Ama ta do to rana am tey rako o pangangarilawan na kano pangangasyan na.

Yake 5:11 Referans Kwoze

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

2 Pite 2:9

Am katenngan na ni Ama ta do to a pahawahen sira o jyablis so onowned a makanakem sya a tao do alalaw da. So ipakateneng na ni Ama ta do to do meyraraten a tao a pasingsingtan no marateng o araraw na no peykapyapinpinan na so tao.

1 Pite 1:13

Am ori o ipeytataziman nyo a mahap so vazay na ni Ama ta do to a meyhanhan nya a manta ninyo so aryarilaw na no mai rana si Yeso Kizisto.

Locya 6:36

So inaran nyo si Ama nyo do to a tey yapya so nakenakem an.

Sipolay 10:39

Jyabo kapya ta so kapeydedna na jyaten no peyoyaoyyan na ni Ama ta do to, do kalikod ta jya. Ta yaten rana am ta anoyngan o kapatazadang na jyaten ni Ama ta do to do teyngato.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

Ivoso 2:4

Am tana akman ta sang a meyraraten a tao no kakwa am yatey rako o na karilawan nyaten ni Ama ta do to, do kanimanta na nyaten so to meyyonong a ikavyay no pahad ta a macikaop rana ji Kizisto. So ta ikanoyong a yana nipatazadang no pangangarilawan na.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Ivoso 1:6

So ikanoyong ta somaray no akman sang a pangangarilawan na ni Ama ta do to, do na kabo no ngina na no Anak na, na to norwan jyaten.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

Locya 1:50

O pangangarilawan na am jyablis sicyakwaya, kangay na do kaidan no karawan a itoro na do omraralay nya tao.

Yake 1:2

Manga kakteh, tana amyan so alalaw a mangay jinyo am somaray kamo an.

1 Pite 3:14

Tana meyrarahet kamo do kanoyngan nyo am somaray kamo. Ji nyo anyaheyan o tatasa ka tao a omalalaw jinyo. Ji kamo a rahet so onowned.

Locya 11:10

Ta o mapasyasi jya kano komala sya kano tomawag jya am sidongen na sira.