Yake 4:8 - Seysyo No Tao

⁸ Macikasngen kamo ji Ama ta do to a kapacikasngen na jinyo. Inyo a yameycyakawad so nakem ji Ama ta do to a tao am ablisan nyo na o malas a onowned nyo a kaji nyo na meylimotngan so onowned.

Yake 4:8 Referans Kwoze

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.

Sipolay 7:19

Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.

2 Kedinto 7:1

Am ori an manga kakteh an, no yamanoyong o akman sang a nakem na jyaten ni Ama ta do to am apzatan ta o onowned ta an. Ji ta mamyapyan o kataotao ta kano nakenakem ta a macizavoz do raraten. Ta naknakmen ta o kaji tamo meylimotngan so onowned a omraralay ni Ama ta do to.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.

Matay 12:33

“O kakanen so asi a kayo am kanen o asi na. O ji ngangana so asi a kayo am ji nganna o asi na. So to na macilociloloi do kakayokayo na no asi na.

1 Timotay 2:8

Inaoy no si katenngan da no kamahakayan do peycyakyokyokayan na o kapeyneynozi da a ji rana meylimoteng so onowned a ji oyaoyahen a ji maciskaskadan.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

Nimlivolivon 15:9

pacittan na no kapeyyangangay na jyaten a patazadangen do teyngato. Na nivonas o raraten da no beken a tao do Yotay, do da kanoyong rana ji Yeso.

Matay 15:2

“Ikongo da ji ngapi so iwawalam no ineynapo ta no macinanao jimo, do da kaji mavanawan no omanam sira a koman.”

Matay 27:24

Ileylamdamen na sira ni Pilato am katenngan na rana o kabo na rana no pasapahen na jira ciring, ta ikanyahey na kapeyzavozavoz da no aro a tao. Meyratateng am mangap so ranom a pangain na do tangain no aro a tao a kapavanaw na. Maniring am, “No si mawakwak ya am cyaha, ta beken a raraten ko, ta monganay jinyo.”

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.