Yake 4:11 - Seysyo No Tao

¹¹ Ji kamo maciraherahet, manga kakteh an. No amyan so tao a amraherahet so kakteh na do cinai am akma ney to rehrehta o Ciriciring na ni Ama ta do to. No rehrehten nyo o Ciriciring na ni Ama ta do to am manoyong o kapasobna nyo ji Ama ta do to.

Yake 4:11 Referans Kwoze

1 Pite 2:1

Am ori o karwan nyo do makakaday a marahet a vazay. Taosya o kapangononong so malas. Taosya o kapakatanteneteneng nyo. Taosya o kapanginanahet nyo. Taosya o kapanraherahet nyo so tao.

Loma 2:1

Yata katenngan o kanoyong na no oyaoyyan na ni Ama ta do to no akman so sang a tao. Am no si manamwad ka so tao am raraten mo ori. Ta o peyraratenan mo so sang am mo ipanci o kataotao mo a abo so karatan.

Yake 5:9

Ji nyo oyyan o kadwan jinyo, manga kakteh an, ta ioya na inyo ni Ama ta do to. So na rana ikakeykai a mai no yamapeykapyapinpin jyaten a Panirsirngen ta.

Locya 6:37

“Ji kamo manraherahet so icyatatao nyo an. No si manraherahet kamo so icyatatao nyo am akman kamo sang a raheraheten da. Ji nyo mancyan o karatan no tao, ta ori o icyakman nyo sang a ji da raheraheta no tao. Peykabobwen nyo o raraten da jinyo an. So icyakman nyo so sang a peykabobwen da so raraten no tao an.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

Ivoso 4:31

Ablisan nyo na o oyaoyyan nyo no kadwan jinyo. Ji nyo macizagzagi o icyatatao nyo a meyoyaoyan. Ji kamo na lololos a mangavay. Taosya rana o kapeyyan nyo sya do onowned nyo so pacioyyan nyo do tao.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

2 Timotay 3:3

Abo rana o pangarilawan da so tao. Abo o pangangasyan da so icyatatao da. Mananamwad sira. Masosozi sira. Mangangamo sira. Ikaoya da o apya vazay.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

Loma 7:7

No akman sang am manngwa, ipanci ta o iwawalam na ni Moyse a yapwan no raraten? Jyabo kakman na sang a. Ta o iwawalam na ni Moyse am ipakateneng ta do raraten. No abo iwawalam a yamanci no kaji mangagoman am jyabo ko kapakateneng do karahet no mangagom a.

Loma 2:13

Beken a omamizing sya o abneken na ni Ama ta do to abo so raraten do tangain na. Ta o mangozay do iwawalam na a peyvazain o abneken na abo so raraten do tangain na.

Yake 1:25

Am beken a kamizing ta so Ciriciring na ni Ama ta do to. Ta peyvazain ta o nimamizing ta a Ciriciring na a yamapahawa jyaten do peyraratenan ta. Ta o manoyong a mangozay jya tao am isaray na ni Ama ta do to o akman sang.

Tito 2:3

Vavagan mo sira o rarakeh a mavakes a kapiya da so nakenakem. Ji sira manamwad. Ji da macikeyyani o saki. Ta naknakmen da o kapeycitacita da jira no malalavayo a mavavakes.

Yake 1:16

Manga kakteh, naknakmen nyo an.

Yake 1:19

Manga kakteh, no mangamizing kamo so ciring no tao am taosya o kato nyo maciogtwan do ciring da jinyo. Ji kamo to meyoyaoya.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.

Yake 5:7

Am ori manga kakteh an, ji nyo macimangsahi a omapananala si Yeso Kizisto a Panirsirngen ta mai. To nyo nita o omhakakaw a tao a ji macimangseh a mapanala so cimoy a mapasaod so nihakawan na.

Yake 5:10

Naknakmen nyo sira o yamangozay do ngaran na ni Ama ta do to a yamnoyonoyo so ciring na tao an. Ta inarahen nyo sira a tongbo so alalaw da an.