Yake 3:15 - Seysyo No Tao

¹⁵ Ta o akman rana sang a teneng am beken a apo do teyngato, ta apo do tao do teyrahem. So ikamonganay na do karawan a kano kalamsoyan ni Satan.

Yake 3:15 Referans Kwoze

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Yake 1:17

O makakaday a yatey pipya a vazay am yamamimin a yapo ji Ama ta do to a yanimangamaog so araw a kano vehan a kano mata no hanit. Iya rana am jyabliblis so pamnemnekan.

1 Kedinto 3:19

Ta o ipanci no tao do karawan a mateneng am ipanci na ni Ama ta do to a jyateneng a tao. Akman so ciring do Seysyo. Maniring am, “O mateneng a tao am kalittan sira no teneng da kaji na mangononongan no vazay da.”

Veydipi 3:19

O mapeyvazay so sang a tao am mangay sira do kararatan. Ta o isovo da kanen o da naknakmen. Da azwazwain o yamacimanig a vazay. Da ji ngawawan o kasasaodan da do karawan.

1 Kedinto 2:14

O kabwan no Seyzi na ni Ama ta do to am ji na hap o itoro no Seyzi na ni Ama ta do to. Ta o akman rana sang a tao am ji da tenngi o akman sang a vazay. Ta ipanci da abo so angangayan. Ta o yanan no Seyzi na ni Ama ta do to o makateneng jya.

2 Kedinto 1:12

Namen isaray o na kapeypalanginan no nakenakem namen ni Ama ta do to do karawan. Am beken a teneteneng namen ori, ta namen pangozayan o teneteneng na kano pangangasyan ni Ama ta do to. Akman sang o na katey yapya no nakenakem ta so kadwan jyaten.

Yake 1:5

No amyan jinyo so makza no karapa do teneteneng na am makowyowyat pa mapasyasi ji Ama ta do to a kapanta na nya ni Ama ta do to so teneng na. Ta iya rana am tey mazonos a apiya so nakenakem a marilaw no mapasyasi jya tao.

1 Timotay 4:1

Nipaziman na rana no Seyzi o keyyan no tao no makwa a tomaosya so manoyong a nanao a kahap da so malas a nanao no kalamsoyan ni Satan.

Yota 1:19

So to na meyyangai ya kano mina ciring da jinyo. O akman rana sang a mapeyzavozavoz jinyo a tao am abo jira o Seyzi na ni Ama ta do to. Ta kapangozay da do onowned da a omnakenakem so kapeyvwak da so tao.

1 Kedinto 3:3

Ta inyo rana am nyo pa pangozayan o icicirawat no tao. Ta amyan pa jinyo so yamanginanahet a kano yamgalagal a tao. O na ikakman sang am kakownongan na no nyo kapacikaop pa do karawan.

Yowani 3:17

Ta o nitovoyan na so Anak na do teyrahem am beken a pasingsingtan na o tao do teyrahem. Ta patazadangen na sira do teyngato.

Ipaziman 12:9

kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 9:11

Amyan so asa ka panirsirngen a tomalamozong nira. Iya rana am tinsi a tomalamozong no abo so takadan a gazawagaw a jyatenngi so karaherahem. O ingaran da jya no Sipolay am Apaton. O ingaran da jya no tao do Sila am Apolon. O peypeypangayan no nang am Manbalinas.

Ipaziman 2:24

“ ‘Am inyo rana tatasa ka tao do Tiyatila a jya niomonot do malas a nanao a jya nimacinanao do matayo a iwawalam ni Satan am ji ko na norwan jinyo o masalit a ji nyo a patakan a vazay.

2 Tesalonicya 2:9

Ta no kapeyigegen na pa no irako na so raraten a tao am oyatan ni Satan a mai a kapeyvazay na so mapangyangyalak a vazay. So icyakma ney mowyat. Am jyanoyong ori,

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

1 Kedinto 1:27

Am nipamnekan na ni Ama ta do to o ipangoyongoyod da a jyateteneng a tao do karawan, mangay na ipeyleylak so mapahama so nakem a tao do karawan.

Loma 1:22

Sira mapakateneteneng. Am jyakman sang, ta yabwata da katatenngan.

Nimlivolivon 13:10

Maniring jya am, “Imo rana ya am kamo meyyangay so nakenakem a kani Satan a yaji ngahap so vazay ni Ama ta do to, do mo kapanlita a yaomalalas do ciriciring na ni Ama ta do to.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Locya 16:8

Mamizing na no lawpan na am isaray na o lamlamsoy ori, do katey mapatak na a mangamaog so vazay a ipeypapyan na so kataotao na.” Maniring pa si Yeso am, “Ko pa ciring jinyo am o ji manaralay a tao sicyakwaya am akman sang o ahahapan da so vazay da. So ikateneteneng da kano manaralay a tao.