Yake 2:21 - Seysyo No Tao

²¹ Nimakongo si Apolahan a ineynapo ta kabnek na sya ni Ama ta do to a abo so raraten do tangain na. Manngwa, yaji monganay do kaniomonot na ji Ama ta do to a nitomoro no anak na a meyngaran so Isa?

Yake 2:21 Referans Kwoze

Yowani 8:39

Maniring sira am, “Si Apolahan am ineynapo namen.” Maniring si Yeso am, “No kamo manoyong a komownongan ji Apolahan am ahapen nyo o vazay ni Apolahan.

Loma 4:16

O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

Matay 12:37

Ta to na palololwa ni Ama ta do to do mina ciring nyo o keyyan no raraten nyo a kabo no raraten nyo.”

Yake 2:24

Am ori an, o abnekan na jyaten a abo so raraten ta do tangain na ni Ama ta do to am omagaz do kapatwaw ta sya do icicirawat ta. So ji na veyvowi no nakenakem ta sya, ta pazagomen ta o kapeyvazay ta sya.

Yake 2:18

Ala no maniring o tatasa ka tao am, “Imo am ka makdeng so nakenakem ji Ama ta do to. Yaken am yako apiya so vazay.” No si maniring ko am, “Pacittan pala jyaken o nakenakem mo si Ama ta do to. Am yaken am to mo na cita do apya vazay ko. Ta ori o ipakateneng mo do nakenakem ko si Ama ta do to.”

Loma 4:12

Akman sang, ta yada akmey ama no yarana niyongkadan do kataotao da tao. Am beken a yada kanimyongkad rana do kataotao da, ta yada inarahen pa si Apolahan a yameyhanhan ni Ama ta do to.

Loma 4:1

Naknakmen ta pala si Apolahan a manoyong a ineynapo namen a tao do Yotay.

Loma 3:20

Abo asa ka tao a mangozay do iwawalam na ni Moyse a manoyong a manci no kabo no raraten na do tangain na ni Ama ta do to. Ta o iwawalam na ni Moyse am kapanidong na so tao a makateneng do raraten da.

Nimlivolivon 7:2

Pasapan na ni Setiven am, “Manga maran, manga kakteh, amizngen nyo yaken an. No kakwa pa am nimapacita o mazway a si Ama ta do to ji Apolahan no keyyan na pa do Meysopotamiya a meypanam pa a meyvahay do Alan a ili.

Yowani 8:53

Yamo kadketan a ipanci o mo kahamahama pa kani Apolahan a inapo namen? Yana nimawakwak si Apolahan a kano panoyonoywan na so ciring ni Ama ta do to. Ikongo mo ahahapan so kataotao mo.”

Locya 16:30

Maniring o nikatenngan a tao am, ‘Ji kakman sang mo akay, ta jyabo kaji da panoyngan so nimeyvangon a tao a mangay jira. Am ori o ipamlis da rana.’

Locya 16:24

Meyratateng am tawagan na. Maniring am, ‘Mo Apolahan, kasyasi mo pa yaken an. Tovoin mo pa si Lasalo a mapaiteng so likta ranom a itneb ko so tetehnan ko, ta ko tey rahet so kataotao do apoy eya.’

Locya 1:73

Akman so kanitomoyotoyon na so ineynapo ta si Apolahan no ciriciring na,

Matay 3:9

Ji nyo mancyan o kapakaliklik nyo so peyoyaoyyan na ni Ama ta do to, do nyo kapeyineynapo si Apolahan. To ko na macitangayan jinyo am makamaog si Ama ta do to do vato ito so sivosivovoong na ni Apolahan.

Sipolay 11:17

No keyleylamdam na si Apolahan ni Ama ta do to a tomoro no anak na a meyngaran so Isa a wakwaken a patanangen ji Ama ta do to am ji na nikamama, do kapeyhanhan na nya. Ta ipeyhanhan na si Ama ta do to a manta nya so aro a sivosivovoong na.