Yake 1:4 - Seysyo No Tao

⁴ Manakem nyo o kato nyo nazibwan no alalaw nyo. Ta ori o ikanoyong nyo a meypahagnat so nakenakem a abo so karatan.

Yake 1:4 Referans Kwoze

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

Locya 21:19

Ipakowyowyat nyo pa a meyhanhan nyaken. Ta ori o ipakahap nyo so to meyyonong a ikavyay no pahad nyo.

Matay 5:48

Inarahen nyo si Ama nyo do to a tey yapya so ahahapan sya.

2 Timotay 3:17

Ta ori o ikateneng ta a ikowyat ta a mapeyvazay so makakaday a vazay na ni Ama ta do to.

Sipolay 13:21

Inaoy si itoro na jinyo ni Ama ta do to o makakaday a ileylamnay no nakem nyo a kowyat na jinyo a mahap so isaray na vazay. So ikanoyong nyo a mahap so nakenakem ni Ama ta do to, do nyo kararalay ni Yeso Kizisto. Inaoy si mangay o azwazway ji Kizisto mangay do kaidan no karawan. Amin.

Cyalatay 6:9

Am ori o ji ta macimaziknai a mapeyvazay so apya vazay. Ta no si to ta ngotokot a mahap so akman sang a vazay am no marateng o araraw no makwa am amyan so nakem na jyaten ni Ama ta do to.

Yake 3:2

Abo jyaten eya o jya nimalas so vazay. Am o tao a ji mapatwaw so marahet a ciring am manoyong o akman sang a abo so karatan, do kapakapzat na do lila na kano kataotao na.

Yake 1:5

No amyan jinyo so makza no karapa do teneteneng na am makowyowyat pa mapasyasi ji Ama ta do to a kapanta na nya ni Ama ta do to so teneng na. Ta iya rana am tey mazonos a apiya so nakenakem a marilaw no mapasyasi jya tao.

1 Kedinto 2:6

Am o yamakekdeng so nakem ji Ama ta do to am yako peylimwangan no yamakdeng a nanao. Am beken a monganay do tao do karawan o teneteneng. So ji ko makalavaci so teneteneng no panirsirngen do karawan. Ta amyan so kasaraw a kabo na no teneteneng da.

Kelosi 4:12

Si Ipava rana a keylyan nyo am yakman sang a yameyminaminasi ninyo. Iya rana am lamlamsoy ni Yeso Kizisto a masangib a meynozi ninyo. Ipeynozi na o kakdeng nyo so nakem ji Ama ta do to a meypahagnat so nakem a manoyong a omonot do nakem na ni Ama ta do to.

Locya 8:15

O nimakas do apya so tanatana am akman so tao a omamizing so ciring na ni Ama ta do to a meyngongyod a meyhanhan nya do onowned da.

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

2 Pite 1:9

O ji mangononong do akman sang a vazay a tao am akmey mavota, do kato na rana makahamangan do mina kavonas na rana no raraten na no kakwa.

Yowani 17:23

Ko macikaop jira. Yaka macikaop jyaken a da kakmey yasa rana. So ikanoyong da rana no tao do karawan a makateneng jimo a marilaw no omanoyong jimo a tao. Akman jyaken a yamo ikaglaw a kapakateneng da rana no tao do karawan do kanitomovoy mo jyaken do teyrahem.

Locya 18:22

Mamizing na ni Yeso o ciring na am patonggalan na. Maniring am, “Am yasa ka vazay pa o mo jya nimahap. Miminen mo a ipanazang o kangangay mo a itoro do ipangoyongoyod da tao. Ta ori o iyan na no keynakman mo do teyngato, a kapacilolo mo rana jyaken.”

Make 10:21

Citahen ni Yeso o tao ori am ikarilaw na. Maniring am, “Yasa pa mo jya nimapeyvazay. Ipanazang mo o peymeymasaodan mo. O ngina na nizpi am ipangarilaw mo so makasi a tao. Ta ori o iyan no kangangay mo do teyngato a kapacihza mo na jyaken.”

Matay 19:20

Maniring o mowva tao am, “Ko na nimamimin o aro a iwawalam na ni Ama ta do to a yanipeyvazay. Ikongo pa o peyvazain koo.”

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.