Biblia Todo Logo
Bib sou entènèt

- Piblisite -




Yake 1:12 - Seysyo No Tao

12 No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.

Gade chapit la Kopi




Yake 1:12
49 Referans Kwoze  

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.


Ji nyo anyaheyan o yaomanam a alalaw nyo. Citahey kamo si Satan a yaomileylamdam so nakem nyo si Ama ta do to. So ikanoyong no tatasa jinyo a mangay na alyowen do pamemtengan. So ikasa ngarnan (10) no araraw na no peyrarehten no kataotao nyo. Am to kamo ngotokot so nakem. Ta ori o pantan ko ninyo so to meyyonong a ikavyay no pahad nyo.


Tamo ipanci sira tey masaray a tao an, do da kajya haywan no yamyan so alalaw da an. Nimamizing nyo rana si Yepo a jya nimablis so onowned no keyyan no alalaw na. So nyo ipakateneng do kato na ngavosan no alalaw na nisidong na ni Ama ta do to. Ta si Ama ta do to rana am tey rako o pangangarilawan na kano pangangasyan na.


Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.


Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.


O abwangen da macipalalayo a tao am tey mazikna sira ori. Ta ori o ipakahap da so azaw da. Am o yata kakzeben am jyararalaw a azaw ta ji Ama ta do to.


Tana meyrarahet kamo do kanoyngan nyo am somaray kamo. Ji nyo anyaheyan o tatasa ka tao a omalalaw jinyo. Ji kamo a rahet so onowned.


Am ori o na iyan no azaw ko apo ji Ama ta do to. Ta si mai rana o yamapeyyangangay a mapacici a Panirsirngen ta am itoro na rana jyaken. Am beken a yaken o torwan na nya. Ta itoro na ori do tao a amraralay nya kano somaray a amnanala sya a mai do teyrahem.


Amizngen nyo manga keypong an. Na nitenngan ni Ama ta do to sira o makasi a tao do karawan a makdeng so nakem a omraralay nya. So da ikanoyong a makahap so nakem na sira ni Ama ta do to a macikaop rana do italamozong na.


Ta no si makaranes rana o araraw ni Yeso Kizisto a yaomaponged ninyo am manoyong o kapakahap nyo rana so yazaw na jinyo a to meyyonong a azwazway nyo do teyngato.


Akman so ciring do Seysyo. Ta maniring am, “O nakem na ni Ama ta do to a itoro na do amraralay nya tao am ji da pa nimacita no mata da. Ji da pa nimamizing no cicilwan da. Ji da pa nimanakem no tao.”


O jya nimablis so onowned a tao am ipanta ko so oyowyat na a kapacitangked na jyaken do lilisnan ko. So icyakman na jyaken sicyaikwaya a nimakata yamacitangked ji Ama do lilisnan na.


Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.


Am o amraralay ni Ama ta do to a tao am ori o ipanci na ni Ama ta do to a anak na.


O ikarilaw ko a tao am miminen ko sira vavagan. Am ori o ipeypakdeng nyo so nakem a komaro do raraten nyo.


Manakem nyo no kakwa. Tana aro o alalaw nyo no kavayo nyo pa a omanoyong ji Yeso am jyabo kanimaharag nyo no alalaw nyo a.


Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.


Karahan am maniring o panirsirngen do amyan do wanan na tao am, ‘Inyo rana yana nipanlanlag ni Ama am sijya kamo do italamozong na ni Ama ta do to, ta amoonen nyo o nakem na jinyo no kapangamaog na pa so karawan.


No keyleylamdam na si Apolahan ni Ama ta do to a tomoro no anak na a meyngaran so Isa a wakwaken a patanangen ji Ama ta do to am ji na nikamama, do kapeyhanhan na nya. Ta ipeyhanhan na si Ama ta do to a manta nya so aro a sivosivovoong na.


O ta ipangarilaw am nimanmanma si Ama ta do to a nimarilaw nyaten.


Manngwa, nyo na todahamangi o na ivavaga jinyo akman so inyapwan a amvavaga do anak na? Ta no maniring am, “Imo rana anak ko am azimanen mo o nanao ni Ama ta do to. Ji ka todarahet rana so onowned a nanawen na.


“No ikaoya da inyo a ji da raralayan a kapanyanig da jinyo do kararalay nyo nyaken a Nipamnekan na ni Ama ta do to a tao am manoyong o kasaray nyo an.


Ta si myan rana so peyneynaran ta sya do alalaw ta am mowyat ta na so onowned a omnanala so itoro na jyaten ni Ama ta do to sarasaray ta,


Makowyowyat ka pa do tangain na ni Ama ta do to a mapacita no kaji mo ablisan no nakenakem jya a abo so karatan a mahap so vazay na a mapatak a mangnanao no manoyong a nanao na.


Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.


Swiv nou:

Piblisite


Piblisite