Yake 1:1 - Seysyo No Tao

¹ Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

Yake 1:1 Referans Kwoze

1 Pite 1:1

Yaken rana am si Pite ko a lamlamsoy na ni Yeso Kizisto a nipamnekan na a omlivolivon no ciriciring na. Yako ipeyteygami inyo a yana yaponged ni Ama ta do to a nikomaro do ili nyo a yameyvahay do Pento a kado Cyalatay a kado Kapatocya kado Yasiya kado Potiniya.

Yowani 7:35

Maniring sira o panipanirsirngen da no tao do Yotay do kadwan jira am, “Do wanjin na angayan a ji tamo makakalai sya. Yamangay saon a yameyvahay do Sila a amnanao sira so kasina ta no inawan?

Nimlivolivon 8:1

Yamyan so amraralay ni Yeso a nimonong do inawan na ni Setiven. So nizezezeng da amlavi jya. Am si Sawlo rana am nisaray na o kazakat da sya. Nimapo no kano nang o kakdekdeng da pa a mapakakasi so amraralay ni Yeso a tao do Yelosaleng. Tey makdeng si Sawlo a mapakakasi sira, kakakaday na so kavahayan da peycyarakrakpen so mavakes a kano mahakay a kalolo na sira a pasasaziden a yangay na do pamemtengan. Am ori o nipeyvwak da rana no amraralay ni Yeso a mangay do peycyeylilyan na do Yotay a kado Samadiya. Am o nipamnekan ni Yeso a omlivolivon no ciriciring na am todavezed do Yelosaleng.

Nimlivolivon 26:7

Iya o yata pananalahen a sivosivovoong da no rarwa so ikakarwan a ineynapo ta, do ta kararalay ni Ama ta do to. Mo panirsirngen, ori o peypeypangayan no da rakpan jyaken no keylyan ta.

Nimlivolivon 15:23

O peypeypangayan no domket a ciring do teygami ori am: “Kokay kamo akma nameney kakteh do cinai a beken a tao do Yotay a yamyan do Antia ka ninyo a yamyan do Sidiya ka ninyo a yamyan do Cidicya. Yamen a kakteh nyo a nipamnekan ni Yeso a omlivolivon no ciriciring na kano panipanirsirngen do kyokay am namen meyteygami jinyo.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

Nimlivolivon 15:13

Mateyka sira a mangononong am meyzezyak si Yake. Maniring am, “Manga kakteh, amizngen nyo an.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Nimlivolivon 21:18

Ikadwa na araw am macihza namen ji Pawlo a mangay tomita si Yake. O panipanirsirngen rana do kyokay am amyan sira dang.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Matay 19:28

Maniring si Yeso jira am, “To ko na macitangayan jinyo am no makwa am no amlisna o Nipamnekan na ni Ama ta do to a tao do lilisnan na do teyngato am inyo rana yanimacilolo jyaken am amlisna kamo do adwa so icyarwa lilisnan no panirsirngen a tomalamozong no sivosivovoong da no rarwa so ikakarwan a ananak ni Yakebo.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Cyalatay 2:12

Ta no keyyan na rana ni Pite do Antia am nimacyakan do beken a tao do Yotay a sinjya. Am makaranes rana sira o nitovoy ni Yake a tao do Yotay am ji na ranadkeci ni Pite o kapacyakan na do beken a tao do Yotay. Ta ihawa na sira o tao do Yotay a mazyak nya. Ta sira rana am pangozayan da pa o iwawalam ni Moyse a amyongkad do kataotao da.

Cyalatay 1:19

So ji ko nimakacitai so karwan da nipamnekan na ni Yeso Kizisto a amlivolivon no ciriciring na. O wari na ni Yeso a Panirsirngen ta a meyngaran so Yake o nimacita ko. So ji ko nimakacitai so karwan da a nipamnekan na ni Yeso Kizisto a amlivolivon no ciriciring na.

Nimlivolivon 15:21

Ta nimakalapo no kakwa do ipeywalam no tao o keyyan no tao do peyneynozyan amvilang do iwawalam ni Moyse. So na icyakman sang do peycyeylilyan na a yada ipeylimwang do tao.”

Nimlivolivon 1:13

Makaranes sira do Yelosaleng am somdep rana sira do kavava no vahay a peyvahayan da. Sira rana am si Pite a kani Yowani a kani Yake a kani Antele a kani Veydipo a kani Tomase a kani Patolomaw a kani Matay a kano anak na ni Alevey a si Yake a kano ipanci da macikagom do macioya do Loma a meyngaran so Simong a kano anak na ni Yake a si Yota.

Matay 13:55

Beken a anak na ori no meykeykawaz asyo? Beken a ina na si Madiya asyo? Beken a wari na si Yake a kani Yoseyvo a kani Simong a kani Yota asyo?

Nimlivolivon 12:17

Kasdep na ni Pite am patalahen na o lima na. Maniring jira am, “Ji kamo meyzezyak, ta ononongan ko na o panpandan no na nipasawayan jyaken ni Ama ta do to do pamemtengan.” Maniring pa jira am, “Ipanci nyo pa ji Yake a kano akma nyoy kakteh do cinai.” Teyka na ononongan ni Pite o cinasasaodan na am mangay rana do asa ka ili.

Ipaziman 7:4

O nimamizing ko pa am o nipadketan do iteytetngehan da no Isedi a tao am yamyan so ikakapatan da ranaw so ikalima da zivo no ikadwa da latos (144,000) no tao.

Nimlivolivon 2:5

No kano nang am amyan so tao do Yotay apo do peycyamahamahatawan na kano meyvahay do Yelosaleng a makekdeng so nakenakem ji Ama ta do to.

Locya 22:30

So ipacihanghang nyo jyaken do teyngato no makwa a kalisna nyo do lilisnan no pakaizain a tomalamozong no sivosivovoong da no rarwa so ikakarwan a ananak na ni Yakebo.”

Matay 10:3

a kani Veydipo a kani Patolomaw a kani Tomase kano mapeyvazay so deyking a tao a meyngaran si Matay a kani Yake a anak ni Alevey a kani Tatay,

2 Timotay 4:21

Imo rana am makeykai ka mai do jya, do yana ipeypamyan rana, ta marekmeh rana. Yopolo a kani Poteng a kani Dino a kani Kelawtiya kano aro a akma tey kakteh do cinai o yameyminaminasi nimo.

Nimlivolivon 23:26

“Yaken rana am si Kelawti Disiya. Ko ipeyteygami imo a panirsirngen namen. Maran kong mo Veydise.

Locya 6:15

a kani Matay a kani Tomase a kano anak ni Alevey a meyngaran si Yake a kano ipanci da macyagom do macioya do Loma a meyngaran si Simong,

Make 3:18

a kani Antele a kani Veydipo a kani Patolomaw a kani Matay a kani Tomase a kani Yake a anak ni Alevey a kani Tatay a kani Simong a macikagom do macioya do Loma a tao,