Veydipi 4:8 - Seysyo No Tao

⁸ Am ori manga keypong an, ahapan nyo so apipiya vazay a isaray na ni Ama ta do to a kano ji meypareki so onowned a kano tey mazway a vazay. O akman rana sang am peyyanen nyo do onowned nyo a patwawen do icicirawat nyo.

Veydipi 4:8 Referans Kwoze

Yake 3:17

O apo rana do teyngato a teneng am o manma na vazay am ji meylimoteng so nakem. O tomonton am mapeypapya so onowned no tao. Apiya o nakem na do icyatatao na. Ji mapakarang so nakem. Mangarilaw so tao. Abo marahet do onowned na. Ji mapeycyakaban so tao. Ji mangalalas.

Tito 2:7

Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.

2 Kedinto 8:21

Beken a do tangain ni Ama ta do to o kapya namen so icicirawat. Ta akman sang do tangain no tao.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

Sipolay 13:18

Ji nyo amtadan yamen a ipeynozi. Ta namen anoyngan o kapya no vazay namen do tangain no tao a kani Ama ta do to.

1 Timotay 4:12

Tana malavayo ka am apzatan mo o ciriciring mo a kano icicirawat mo a kano pangangarilawan mo so icyatatao mo. Akman sang o onowned mo. Ta peycitacittan da imo no omanoyong ji Yeso, kaji da rana ngolalai so ipangnanao mo.

Ivoso 5:9

Ta o icicirawat no makateneng do ciriciring na ni Ama ta do to am ji meylimoteng so onowned. Omonod do manoyong a ciring. Ji mapowzib so nakem do icyatatao.

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

1 Yowani 3:3

O tao rana mapananala so araraw no yai ni Kizisto am ji meyraraten. Ta inarahen na si Kizisto a ji meylimoteng so onowned.

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

Tito 3:14

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.

Loma 13:13

To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet.

Yake 1:27

O ipanci na ni Ama ta do to a manoyong a omraralay nya tao am ji manginanahet do nimasbang a kano vao a mavakes a makapzat do onowned na, ji macikza do tao do karawan a meyraraten.

1 Yowani 3:18

Manga ovay, taosya o ciring so pangangarilawan an. Ta o manoyong a pangarilawan na am macita do icicirawat na o panidongan na so tao.

Tito 2:2

Vavagan mo sira o rarakeh a mahakay, ta apzatan da o onowned da an. Ji da pasala o nakenakem da ji Ama ta do to an. Ji sira hayo so nakenakem ji Ama ta do to. Ta naknakmen da o pangarilawan da so icyatatao da a kato da peykabobwan so alalaw da.

2 Kedinto 13:7

Namen ipeynozi ji Ama ta do to o kaji nyo mapeyvazayan so marahet a vazay a ikaoya namen no si makaranes namen jinyo. Ta namen ikakza o kanoyong nyo rana apiya so nakenakem. Tana abo rana o vazay namen jinyo am cyaha, ta manoyong kamo na omonot ji Kizisto.

Kelosi 4:5

Apzatan nyo o iwawalam nyo a kano ciriciring nyo, ta peycitacittan da inyo no ji manaralay so Tao do to. Makateteneng kamo a meylimwang no nanao ni Ama ta do to jira.

1 Pite 4:8

O ney makdeng na am ikarilaw nyo o kadwan jinyo. Ta o pangarilawan rana am mapeyyopowpas so makakaday a pasicyakaoyyan ta do karawan.

Loma 13:3

Ta o vazay no manyokod a tao am jyanyaheyan no apiya so ahahapan sya tao. Am ikanyahey ori no marahet so ahahapan sya tao. Mo ikanyahey o makayokod so tao ang? No si ikanyahey mo am mangasi ka so tao, ta ori o sarayan na nimo.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Veydipi 3:1

O ney manowji a ciring ko jinyo akma koy kakteh do cinai am somaray kamo, ta kamo macikaop rana ji Kizisto. So yako papirwan pa so mina ciring ko jinyo no kakwa pa. Ta beken a ikarahet nyo, ta ipeypapya nyo ori.

Loma 2:29

O manoyong a tao do Yotay am mamlis so onowned a omanoyong ji Ama ta do to. Ta ori rana am vazay na ori no Seyzi na ni Ama ta do to. So ikabeken a kahap so iwawalam na ni Ama ta do to a nitaid na ji Moyse. O mahap na azwazway no nimamlis so onowned a tao am beken a apo do tao, ta apo ji Ama ta do to.

1 Timotay 2:2

Ipeynozi nyo sira o kabtekan nyo a panirsirngen do teyrahem a kano aro a panipanirsirngen do peycyeylilyan na. Ipeynozi nyo sira a kateneng da tomalamozong no pongso da. Ta ori o ikapiya takamo do keymiminili ta, ji meyrahet so nakenakem.

1 Timotay 5:10

Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.

Ivoso 6:14

Am ori o ipeytataziman nyo a mapeyyabtek so manoyong a nanao na ni Ama ta do to. Kalokalen nyo o apya icicirawat nyo a omaing ji Kizisto.

1 Tesalonicya 4:12

So ji nyo meyhanhani no icyatatao nyo a mapatodeh jinyo. So ikanoyong nyo a ikanig da no ji manaralay a tao.

Ivoso 4:25

Am ori o ji nyo na mangononongi so malas. O manoyong a ciring o patwawen nyo do akma nyoy kakteh do cinai, ta tamo mamimin a akma ney peyvongvongwan no kataotao ni Kizisto.

2 Kedinto 6:8

Amyan so zomwazway jyamen am amyan so mapeyleylak jyamen. So ikanoyong namen a ipanci da no tao a mapeycyakawad so tao. Am abo akman sang a nakenakem namen.

Nimlivolivon 10:22

Maniring sira am, “Na nitovoy yamen ni Kenaylyo a panirsirngen da no asa lipenpenan a itaysang do Itadi. Iya rana am na iraralay si Ama ta do to. Da ikanig no tao do Yotay, ta tey yapya o nakenakem na so tao. Nipaziman na rana jya no asa ka tinsi o kai mo do vahay na. Ta amizngen na o inanao mo sya.”

Yowani 7:18

O mapagaz so ciring do kataotao na am manoyong o akman sang a mapazway. Am o tao a makza no kazwazway da so nimapahanhan sya am manoyong o akman sang a jyalas.

Locya 2:25

No kano nang do Yelosaleng am amyan so asa ka tao a meyngaran si Simoyang. Iya rana ori am makdeng so nakenakem ji Ama ta do to a oyatan no Seyzi. So to na pananalai so makayokod no Isedi a tao.

Make 6:20

ta ikanig na ni Helote si Yowani. Ta abo karatan na. Am ori o ji na gogaji nya. Ta ikakza na amizngen o ipangnanao ni Yowani. Am mangday no amizngen na o ipangnanao ni Yowani o kaji nangnedan so ninyakan.

Locya 16:15

Maniring jira si Yeso am, “Kanyo mapakapyapya so nakem do tangain no tao. Am si Ama ta do to rana am yamanita so onowned no tao an. Ta o ipanci no tao a ney makdeng na vazay am ipanci na ni Ama ta do to a jyakdeng.

1 Kedinto 4:5

Am ori an, ji nyo manamwaji so tao do ji na pa makaranesi no yai ni Kizisto. Ta si ipirwa mai si Yeso am ori o ipeytotwaw na rana no makakaday a nitayo a vazay a kano amyan do onowned no tao. No marateng rana ori am mamimin o tao a makahap so itoro na jira ni Ama ta do to a sarasaray da. Am palololwen na do mina vazay da.

Nimlivolivon 22:12

“Amyan dang so asa ka tao a meyngaran si Ananiya. Iya rana ori am manoyong a mahap so iwawalam ni Moyse. So kanigan da nya no tao do Yotay amyan do Tamaseke.

1 Yowani 4:1

Inyo rana manga keypong am ji nyo to peyzangkapa sira anoyngan o manci no keyyan na jira no Seyzi. Ta ileylamdamen nyo o kanoyong na, kalas na no ipanci da Seyzi a apo ji Ama ta do to. Ta yaro sira o yamangalalas no nanao da a tao.

1 Timotay 5:2

No nanawen mo sira o rarakeh a mavakes am to mo peynara sira do ina mo an. No nanawen mo sira o malalavayo a mavakes am makapya ka so nakenakem a omnanao sira. So ikanoyong nyo a akmey meyketeketeh.

Locya 23:50

Amyan so asa ka tao a meyngaran si Yoseyvo a tao do Yotay a meyvahay do ili a meyngaran so Adimatay. Iya rana ori am tey yapya o iyangay na no nang so icyatatao na a mapapanala so katalamozong na nyaten ni Ama ta do to. Tana mina saod na so keyyan na do asa ka panirsirngen am ji na nipya no nang o mina vazay da si Yeso.

1 Timotay 3:4

O vazay na rana do vahay da am pakapyahen na a makatalamozong no katovong na do vahay a kananao na so minapodpod jya. Ta ori o amizngen da so nanao na no minapodpod jya.

Nimlivolivon 6:3

Am ori o ipamnek nyo so papito a ka tao a katenngan no tao apiya so icicirawat a kano mateneng a oyatan no Seyzi, ta sira rana o to namen rana pahanhana a omvonong sya.

Matay 22:16

Meyratateng am mapahanhan sira so macinanao jira tao a macihza do macikagom ji Helote a tao a mangay ji Yeso. Maniring sira jya am, “Mo Mangnanao, namen katenngan imo a yaji mangalalas a tao. Ka ji mapeypilipili so tao no jyangowa Ciriciring na ni Ama ta do to.

Sipolay 11:2

O sarayan na no tao no kakwa ni Ama ta do to am nipeyhanhan da si Ama ta do to.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

2 Kedinto 8:18

Namen manovoy so yasa ka tao a macihza jya. Iya rana am da ikanig no tao do peycyakyokyokayan na a yameylimwang no Mapasaray a Ciriciring na ni Ama ta do to.

2 Pite 3:1

Manga kakteh, oya rana am ikadwa na ya no teygami ko jinyo. Yameynanod yadwa ka teygami a yana adketan no ciring a yako ipaziman jinyo, a yako ivavaga jinyo a peyparakwen so nakenakem.

Loma 14:18

Ori an o ahapan ta so vazay ta ji Kizisto an. Ta ori o sarayan na nyaten ni Ama ta do to a kano icyatatao ta.