Veydipi 4:5 - Seysyo No Tao

⁵ Manakem nyo o kapangarilaw nyo so tao an. Ta yana makeykai si Yeso a yamai.

Veydipi 4:5 Referans Kwoze

Matay 6:25

Maniring si Yeso do macinanao jya am, “Ko pa ciring jinyo am ji nyo a ratan o kanen nyo a kano ayob nyo. Ta maharahara pa o ipeyigegen nyo do karawan a kano kanen nyo. Meyneynakem pa o kataotao nyo a kano ayob nyo.

Tito 3:2

Vavagan mo sira ji manamwad so icyatatao da, kaji da macivaivaitan. Manganyanig sira so tao. Ji sira mapahama so nakem do icyatatao da.

Sipolay 10:37

Ta o ciring do Seysyo am, “Maniring si Ama ta do to am, ‘Makeykai rana a kapakaranes na rana no pananalahen nyo a mai. So ji na mapainini jya.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

1 Kedinto 6:7

O yongkad no nyo karatan am nyo kapaciraherahet. Ikeykong kamo a yajya todalpid so nakenakem.

Sipolay 10:25

Ji ta nginara sira o yatatasa ka tao a yato nazibo no da kararalay ni Ama ta do to do kalwalovotan no tao. So ipasipapait ta, ta tamo na katenngan o na kasngen rana no araraw na no na yai ni Yeso. So ikakdekdeng tamo pa a mapait so kadwan jyaten.

Ipaziman 22:7

Maniring si Yeso am, “Amizngen nyo an. Ta makeykai ko na mai. O mangozay do ciring eya yadomket do vakong eya am manoyong o akman sang a tey yapya.”

1 Kedinto 8:13

Am ori o no si ikarahet da o kanen ko no akma koy kakteh do cinai am ji ko na nganna o akman sang a kanen mangay no makwa. Ta maraherahet o kapacinara da jyaken no akma koy kakteh do cinai a marahet nya so onowned.

Matay 6:34

Am ori o ji nyo alawi no vazay nyo simaraw. Ta mapinpin o vazay simaraw. So ji mapazavozi so ikeykalaw do kasaraw.

Ipaziman 22:20

Si Yeso a yamacyanoyong do aro a ciring eya am na ipanci, “Yamanoyong o kakeykai ko na a mai.” Amin. Mo Yeso Kizisto a Panirsirngen, mai ka rana.

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

1 Kedinto 9:25

O abwangen da macipalalayo a tao am tey mazikna sira ori. Ta ori o ipakahap da so azaw da. Am o yata kakzeben am jyararalaw a azaw ta ji Ama ta do to.

2 Tesalonicya 2:2

ji kamo tey makeykai a marahet nya so nakenakem no mamizing nyo o ipanci da no mangononong so malas do mina kapakaranes na rana no araraw na ni Yeso Kizisto a Panirsirngen ta. Tana mangamaog sira o tao so ciring a manci no kapo na do Seyzi a tana nipatolin da jyamen no tao a mapeyciring sya, tana ipanci da ciring namen do teygami am,

Locya 21:34

“Am ori o apzatan nyo do onowned nyo an. Ta ji kamo to ngyop so saki a maozoz no meykamadadayan a ikeykakza nyo. Ta ji nyo a tenngi o araraw na no ipeydedna na jinyo.

1 Kedinto 16:22

No myan so ji raralay ni Yeso Kizisto a tao am manoyong kapeygegcin na jya no oyaoya na ni Ama ta do to. Mo Yeso Kizisto, inaoy si mai ka na.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.