Veydipi 4:19 - Seysyo No Tao

¹⁹ Si Ama ta do to o tomoro no makakaday a apyahen nyo no nakem, ta kamo na macikaop ji Yeso Kizisto. Ta ji nyo a giji o kangangay na ni Ama ta do to a itoro na jinyo.

Veydipi 4:19 Referans Kwoze

1 Pite 5:10

Si Ama ta do to am yana yapwan no rako a pangangarilawan, do na kapazanod jinyo do azwazway na. Ta inyo rana am kamo rana macikaop ji Kizisto. Am ori an, no si mavitos rana o yaji meyyonownay a alalaw nyo am manoyong kamo na oyatan ni Ama ta do to, kahadpet nyo na so nakem.

1 Timotay 6:17

Pazimanen mo do aro so kangangay sicyaikwaya an, ta ji sira mapakazwazway. Ji da meyhanhanan o aro a apzapzatan da, ta ji da tenngi o kato na meyyonongan no nang a ikapya da. Ta si Ama ta do to o ipeyhanhan da yamanta nyaten so meycyamadadayan.

Kelosi 1:27

O nakenakem na ni Ama ta do to am ikakza na o kapakateneng da no tao do karawan so mapeyzokab a nanao na. Ori rana am si Yeso Kizisto a yarana macikaop jyaten. So yata ikanoyong a macizanod do azwazway na ni Ama ta do to no makwa.

Ivoso 3:16

Ko ipeynozi ji Ama ta do to o kowyat na jinyo no Seyzi a meypakdeng so nakem ji Ama ta do to. Ta iya rana am yatey mowyat a yatey mazway a Tao do to.

Kelosi 3:16

Pakolivavahen nyo do onowned nyo o nanao ni Kizisto. Pangozayan nyo o teneng a nitoro na jinyo ni Ama ta do to a macinanannao. Meyyanwanood kamo so Anwanood ni Tawey a kano meyngongyod apo do onowned nyo a yanood nyo si Ama ta do to.

Loma 8:18

Ko naknakmen o alalaw ta sicyaikwaya am jyabo kapakataha na so yaomanam a azwazway ta no makwa.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

2 Kedinto 4:17

O yaji meyyonownay a alalaw namen eya am ipakahap namen so maharahara pa, a to meyyonong a azwazway namen ji Ama ta do to.

Loma 9:23

Am na kapacita nya jyaten so rako a pangangasyan na. Ta yaten rana ya am nipamnekan na yaten a macikazway jya no makwa.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Ivoso 2:7

O ikakman na sang ni Ama ta do to am ipacita na do kaidan no karawan o mapeyzokab a pangangarilawan na kano pangangasyan na jyaten a yamacikaop ji Yeso Kizisto.

Loma 2:4

Manngwa, mo jyatenngi o pangangarilawan na ni Ama ta do to a yameypalanginan nimo a yamamlis? Am yamo kato nazibwan no rako a pangangasyan na yamvonas so raraten mo, do yana kakzeb jimo a yamamlis so onowned.

Loma 11:33

Yatey rako o pangangasyan na ni Ama ta do to. Ta yabo o makahap so teneteneng na. Sino makapatak no ahahapan na sya ni Ama ta do to. Sino makateneng do vazay na.

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

1 Tesalonicya 2:12

a yajimtad a yamnanao jinyo a yamapait so onowned nyo a yamapadnadna so nakem nyo. So ikanoyong nyo a isaray na ni Ama ta do to. Na nipamnekan inyo a macizanod do oyowyat na kano azwazway na.

Loma 1:8

Ney manma na am ko isaray ji Ama ta do to si Yeso Kizisto, ta o nyo peyhanhanan nya am yada rana peyrengarengayan no tao do peycyamahamahatawan na.

Yowani 20:27

Maniring ji Tomase am, “Patozey o lima mo do jya. Cita pala o lima ko. Pacisngen a kapinan mo do tagtagzang ko. Taosya rana kaji mo manganwanoyngan an. So ipanganoyong mo an.”

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Veydimeng 1:4

Imo rana akma nameney kakteh do cinai mo Veydimeng am no ko ipeynozi imo am yako isaray imo ji Ama ta do to.

2 Kedinto 12:21

Ko ihawa o kapacimasesnek ko ninyo do tangain ni Ama ta do to no ipisa mangay ko jinyo. Jyabo kaji ko lavyan a makacita so aro a somagpyan a kano mangzakza no kakwa pa a ji mamlis so nakem a tao a.

Matay 6:32

Ta o akman rana sang a vazay am da kalahen no yaji manaralay a tao. Na katenngan ni Ama ta do to o nyo kakzeben a makakaday.

Veydipi 4:7

Ta itoro na jinyo o ikapiya no onowned nyo a ji da tenngi no karwan no tao. Mangay na irapa do nakenakem nyo do nyo kararalay ni Yeso Kizisto.