Veydipi 2:3 - Seysyo No Tao

³ Ji nyo pakaranga o nakenakem nyo an. Ji nyo akzan o keynakem nyo a tao an. Ikanig nyo o kadwan jinyo an. Naknakmen nyo o keyyan no tao a apyapya pa ka ninyo an.

Veydipi 2:3 Referans Kwoze

Loma 12:10

Masicyakarilaw kamo an. Ta inyo rana am akmey meyketeketeh kamo do tangain na ni Kizisto. So ipasikakanig nyo.

Cyalatay 5:26

Ji ta mapahama so nakem. Ji ta pasozisozya o kadwan jyaten. Ji ta manginanahet.

Ivoso 5:21

Masicyakanig kamo, akman so nakenakem nyo si Yeso Kizisto a yamanig nya.

Ivoso 4:2

Taosya o kapahama nyo so nakem nyo. Apyapya pa kapiya no nakem nyo do icyatatao nyo. Ji kamo meyoyaoya. Ta karilaw nyo no kadwan jinyo.

1 Pite 5:5

Inyo rana a malalavayo a tao am onotan nyo o apya ciring da jinyo no rarakeh. So ko to zagomi jinyo a yapancyan no kapaveveh nyo so aktokto nyo a somidong so vazay no kadwan jinyo. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

Veydipi 2:14

O makakaday a vazay nyo am ji nyo a ratan. Ji nyo a zyakan.

Cyalatay 5:15

Am no si akman kamo so omalalam a somongisongit so kadwan jinyo am jyabo kapya nyo a.

1 Timotay 6:4

o akman rana sang a tao am mapahama, abwata so katatenngan. So ikanoyong da makza no kapaciskaskad da a manamwad. So iyan na rana do onowned da no panginanehtan da, pacililimanan da, ji da manganoyngi.

Locya 18:14

Maniring pa si Yeso am, “Ko pa ciring jinyo am no si mangay sira o yararwa ka tao ori am o abneken a apya so iyangay a tao do tangain na ni Ama ta do to am o yamapeyvazay so deyking a tao ori an. So ikabeken a tao a macyagom do Vadisay ori. Ta si Ama ta do to am peypavevehen na sira o mapakarakarang so nakem a tao a kapeypakatkat na sira so ji makazyazyak a tao an.”

Kelosi 3:8

Am sicyaikwa rana ya am zavaten nyo na o akman sang a vazay. Ji nyo na peyneynama o karahet no iyangay nyo abo so panganyanigan a mapeyyan do onowned so oyaoyyan nyo no tao a mangangavay a mapatwaw so makararahet a ciring.

2 Kedinto 12:20

O ko ihawa si mangay ko jinyo do dang am macita ko inyo a macitarek rana so nakenakem. Macita nyo yaken a macitarek so nakem jinyo. Ko ihawa ko kapakacita so manginanahet a kano maciskaskad a kano maoyaoyahen a kano mabayo a kano manamwad a kano mangamizing so ciring do palawawan, mapazway a kano mapeyvonag so tao.

1 Kedinto 3:3

Ta inyo rana am nyo pa pangozayan o icicirawat no tao. Ta amyan pa jinyo so yamanginanahet a kano yamgalagal a tao. O na ikakman sang am kakownongan na no nyo kapacikaop pa do karawan.

1 Kedinto 15:9

Ta ney marahet ko na jira nipamnekan na ni Yeso a amlivolivon no ciriciring na. So ikanoyong ko a ji na abneka ni Yeso a lamlamsoy na, ta niraherahet ko o kyokay na ni Ama ta do to.

Loma 13:13

To ta peynara o icicirawat do maraw. Ji ta to ngyop so saki. Ji pasagpyana o aktokto. Ji maciskaskad. Ji manginanahet.

Loma 2:8

Am o yatomaosya so manoyong a nanao na ni Ama ta do to a yaomonot do malas a vazay da am meydedna jira o peyoyaoyyan na ni Ama ta do to.

Kelosi 3:12

Si Ama ta do to o yamarilaw ninyo a nimamnek jinyo a akma ney anak. Am ori o ipangarilaw nyo a mapanalawbo so aktokto nyo, ta kapiya nyo so nakem do tangain no tao a jyahayo so onowned.

1 Pite 3:8

Ko pakoyokoin jinyo am akma kamoy asa so ahahapan sya masicyakarilaw. Akman so aryarilaw nyo so kakteh nyo o karilawan nyo no akma nyoy kakteh do cinai. Makapiya kamo so nakem do kadwan jinyo. Masicyakanig kamo.