Veydipi 2:15 - Seysyo No Tao

¹⁵ So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

Veydipi 2:15 Referans Kwoze

1 Pite 2:12

Ji nyo nginara o icicirawat da no ji nganoyong ji Ama ta do to a tao, ta arako o kapyapyan no iwawalam nyo a ka nira. Ta no si macita da inyo apiya so icicirawat no yatomamwad jinyo a kano yamazyak ninyo a tao am azwazwain da na si Ama ta do to no mai si Yeso Kizisto.

Matay 5:45

Ta ori o ipeyngongyod nyo a akma ney anak ni Ama ta do to. Ta yameyyangay sira o apya so nakenakem a tao a kano marahet so nakenakem a tao a na cirain ni Ama ta do to no araw. So na icyakman sang no cimoy a na itoro do apya so nakenakem a kano marahet so nakenakem a tao.

1 Tesalonicya 5:23

Ko ipeynozi inyo ji Ama ta do to a yamanta ninyo so apiya nakenakem nyo a kapzat na do onowned nyo a kano pahad nyo a kano kataotao nyo. So ikanoyong na amzat jinyo a kabo no karatan nyo a mangay do ikeypirwa na mai ni Yeso Kizisto a Panirsirngen ta.

2 Pite 3:14

Am ori an manga kakteh an, no kamo manoyong a yamapananala so araraw ori am makowyowyat kamo pa mapeyvazay so apya vazay a abo so karatan a macikaop ji Ama ta do to.

1 Kedinto 1:8

Jyabo kaji na ngoyatan jinyo ni Yeso a. So ikanoyong nyo na abo rana so karatan do tangain na, no si mai si Yeso Kizisto a Panirsirngen ta.

Tito 2:10

Ji sira manakaw, ta ori o peyhanhanan da nira no mapeyvazay sira mahap so vazay na. No akman sang o makakaday a vazay a apiya am jyabo kaji da azwazwayan so nanao na ni Ama ta do to a mapatazadang jyaten do teyngato a.

1 Pite 2:9

Am inyo am na nipamnekan inyo a yasa so inawan a mapatanatanang so nakem ji Ama ta do to a Panirsirngen ta. So ikanoyong nyo a abo so karatan a asa ka mahataw a italamozong ni Ama ta do to, a na nipamnekan a meylimwang no yamapeyzokab a vazay na. Ta inyo am na nyagag inyo do kasarisaryan a yameyraratenen. So nyo rana iyan do kazngangan.

Matay 5:48

Inarahen nyo si Ama nyo do to a tey yapya so ahahapan sya.

1 Timotay 3:10

Am citahen pa o icicirawat da. No si abo o karatan da am apya rana o kahap da so vazay do kyokay.

1 Timotay 3:2

O tomalamozong rana no kyokay am abo oyaoyyan da nya no tao an. Asa o katovong na do vahay. Ji na peyzavozavoza o vazay na. So apzatan na do kataotao na, katwatonton na so vazay na. Ikanig na o icyatatao na, kasaray na manaotao so apo do teysa ka ili a tao a kateneng na mangnanao so tao,

Veydipi 1:10

So ipakateneng nyo rana do ney yapiya na vazay. No si makman kamo sang am manoyong kamo na a ji meylimoteng so onowned a abo so karatan do araraw no ipirwa na mai ni Kizisto.

Ivoso 5:27

O peypeypangayan no vazay na ni Kizisto am isaray na yaten a tey yapya a abwata so karatan do tangain na ni Ama ta do to.

Loma 16:19

Yabo yaji makateneng jinyo so nakenakem a yamahap so ciriciring na ni Ama ta do to. Am ori o ko sarayan ya jinyo. O yako kakzeben jinyo am makakdeng kamo do apya vazay. O marahet a vazay am ji nyo macikasngeni.

Nimlivolivon 2:40

So ikaro na pa no ciring na ni Pite a pakoyokoin na jira. Maniring pa am, “Inyo rana am macisyay kamo do meyraraten a tao an. Ta ori o ji nyo macizanoji do balinasen na ni Ama ta do to a tao.”

Matay 10:16

“Amizngen nyo an, ta akma kamoy kagling a ko tovoin do kokoman so tao. Am ori o ipeytataziman nyo a makapiya so nakenakem jira.

Sipolay 7:26

So yana ikanoyong ni Yeso a ney manokdwan na a ta ipeyhanhan a mapatanatanang nyaten so nakem ta ji Ama ta do to. Ta yabo na karatan a yabo so raraten. Iya rana am na nipapinpin ni Ama ta do to do yameyraraten a tao. So ikanoyong na rana ney mazway na do teyrahem a kado teyngato.

Tito 2:15

Nanawen mo sira no yamakakaday a vazay. No myan so ivavaga mo jira kano oyaoyyan mo nira am manakem mo o yada kownot jimo a yamizngen so ciring. Ta ji mo akwan o kalavayo mo.

Tito 1:6

O tomalamozong rana no kyokay am abwata o karatan na. Asa o kahanghangan na. O ananak na am mamimin sira omanoyong ji Yeso. Abwata o iraherahet da sira no tao a kamizing da so ciring no inyapwan da.

1 Timotay 5:20

No amyan so meyraraten a tomalamozong no kyokay am vavagan nyo sira do ipacikaop no aro a sinjya. Ta ipaziman so aro a tao.

Nimlivolivon 20:30

Ta no makwa am amyan do tangain nyo so mangononong so malas amlita do amraralay ni Yeso Kizisto a tao. No amyan so akman sang a tao am ji nyo ngonoci.

Yowani 5:35

Kapalangayan no zampo si Yowani a amlila maniray. Am ji meyyonownay o sarayan nyo no zezak na.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Matay 17:17

Maniring si Yeso am, “Kamo tey yalikey pa so nakenakem ji Ama ta do to a tao sicyaikwaya do yanyo kapeyraraten. Akman rana so wanjin o kownownay ko a macikaop jinyo. Akman ko rana so wanjin a marilaw ninyo. Ayyan kamo o kanakan do jya.”

Ipaziman 3:9

Citahen nyo sira o kalavongan ni Satan a yamanci no yada ka tao do Yotay a yamangalalas. Ipanci ko sira mai a meylilitod do tangain nyo a kapakateneng da na jyaken a marilaw ninyo.

1 Timotay 5:14

Am ori o ko apyapyan so malavayo a vao a mavakes a mirwa pa macivahavahay a mangahanas a kapeyveyveken da so kavavahay da. Ta ori o ikabo no iraherahet da jyaten no ji nganoyong ji Yeso a macioya jyaten a tao.

1 Timotay 5:7

Ipanci mo jira do omanoyong ji Yeso o akman sang a nanao, ta ori o ikabo no tao a omraherahet sira.

2 Kedinto 6:17

Am ori o ji nyo pehngai so onowned nyo do ji manaralay a tao. Ji kamo macizanod jira. Ji nyo nginara o malas a vazay da. Ta ori o sarayan ko ninyo.”

Locya 1:6

Acyacilban na ni Ama ta do to am katenngan na sira meyyaven do vahay apiya so nakenakem a tao a omahap so inanao na sira ni Ama ta do to.

Veydipi 3:6

No hapen ta do kakdekdeng ta no onowned am nimacivosoy ko rana do niomanoyong ji Yeso a tao. Am no si pangozayan ta o iwawalam na ni Moyse a cittan ta so kapyapya ta am jyabo karatan ko a.

Ipaziman 2:5

To nyo rana naknakma o yanyo nikahahan no nakenakem an. So ipamlis nyo a amwoli so kararalay nyo nyaken an. Ta no si ji kamo mamlis am to ko nangai a mehes so peyzeyzampwan nyo.