Veydipi 1:7 - Seysyo No Tao

⁷ Manoyong o kapaw ko ninyo. Ta tana ko na myan do pamemtengan sicyaikwaya, tana no kasaliway ko pa a macinekanekad no manoyong a Mapasaray a Ciriciring na ni Ama ta do to am yabo nyo jya nisidongan jyaken a mahap so vazay na ni Ama ta do to.

Veydipi 1:7 Referans Kwoze

2 Kedinto 7:3

O ko peycirngan so sang am beken a ko patwawen o nyo karatan. Ta nipanci ko na jinyo namen karilaw ninyo. Tana mavyay namen a tana mawakwak namen am abo makapeysyay jyaten so nakenakem.

Veydipi 1:5

Ta nimeycicinda no kakwa na kai sicyaikwaya o yanyo sidongan jyaken a yameylimwang no Mapasaray a Ciriciring na ni Ama ta do to.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

Kelosi 4:18

Yaken rana am si Pawlo ko. Ko meyvatvatek so yako peyminaminasyan ninyo. Ji nyo a hamangi yaken a da aptengen an. Inaoy si mangay jinyo o pangangarilawan na ni Ama ta do to.

Veydipi 4:14

Am tey yapya o nisidongan nyo jyaken do alalaw ko.

Ivoso 6:20

Ori an, yako iyan do pamemtengan. So yako alitan ji Kizisto a yameylimwang no Mapasaray a Ciriciring na. Ori o peynozyan nyo nyaken a kaji ko macimamman no ciriciring na ipeylimwang ko. Ta ori o peypeypangayan no na nipamnekan jyaken.

Ivoso 3:1

O peypeypangayan no ko iyan do pamemtengan am ko ipeylimwang no ciriciring na ni Yeso Kizisto jinyo a beken a tao do Yotay. Tana akman ko sang am yako jimtadan a meynozi ninyo.

Nimlivolivon 20:23

O ko katenngan am o na nipaziman jyaken no Seyzi do kapteng da jyaken, do karo no alalaw ko.

1 Yowani 3:14

Yata rana katenngan o yata kanimablis rana so onowned. O ta ipakateneng dang am ta ikarilaw o akma tey kakteh do cinai. O abo so pangarilawan na am mavaod pa ori no raraten.

2 Pite 1:13

Do ko iyan pa do karawan am jyabo kapacimaza ko jinyo a vavagan a peyparakwen so nakenakem a.

1 Pite 4:13

Kasaray nyo a macizanod so alalaw ji Kizisto. Ta ori o ikasaray nyo no mai rana si Kizisto.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

1 Tesalonicya 5:5

Am inyo rana am kamo amyan rana do kazngangan, do nyo kapakaziman rana sya.

Kelosi 4:3

Ipeynozi nyo yamen a kapeypalanginan na nyamen ni Ama ta do to a mangay meylimwang no ciriciring na. So ikanoyong na rana meylimwang no ji da pa nipatwaw no kakwa a nanao ni Kizisto. O yada aptengan jyaken sicyaikwaya am ko nyahap o vazay na ni Ama ta do to.

Ivoso 4:1

O yako iyan do pamemtengan sicyaikwaya am yako peyvazain o vazay na ni Yeso a Panirsirngen ta. So yako pancyan ninyo a omzat do icicirawat nyo. So ikanoyong nyo a macipayok so icicirawat ji Kizisto.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

2 Kedinto 3:2

Ta inyo rana am akma kamoy teygami a yongkad namen a yanivatvatkan do onowned namen a vilangan da no tao.

1 Kedinto 13:7

O mangarilaw so icyatatao na am to na peyyopowpasa o iraherahet da sya no icyatatao na. Anoyngan na o keyyan no kasaraw a ipamlis da. To peycyabobwa o makakaday a oyaoyyan da no kataotao.

1 Kedinto 9:23

Ko akmanan sang so vazay ko am ko ipatak o Mapasaray a Ciriciring na ni Ama ta do to. Ta ori o ipakarara ko so karwan no tao a macizanod a somaray no ciriciring na ni Ama ta do to.

Nimlivolivon 21:33

kangay na omrakep si Pawlo no panirsirngen da no itaysang kavaod da sya no nipeylalin da adwa ka vahalang. Maniring am, “Sino ka ya. Ikongo vazay mo ang.”

1 Pite 5:1

Inyo rana yakman jyaken a cyozo do kyokay am ko ipanci jinyo o kanimakacita ko si Yeso Kizisto a nipeyrarahet da kawakwak da sya. Ko ipanci jinyo o azwazway ta no makwa do teyngato.

Veydipi 1:12

Manga kakteh, ko kakdain inyo a makateneng jyaken a yamyan do pamemtengan. Cyaha, ta na ikapyapya a yasomidong jyaken a meylimwang no Mapasaray a Ciriciring na ni Ama ta do to.

Veydipi 1:13

Am ori o da ikaro no mamzat a tao do vahay no panirsirngen eya kano aro a tao do jya do Loma a yamamimin a yamakateneng jyaken a nipteng da do kahap ko so vazay na ni Yeso.

Veydipi 1:14

Ta yada ikowyowyat so nakenakem ji Ama ta do to no akma tey kakteh do cinai a yajyanyahey a meylimwang no ciriciring na ni Ama ta do to.

Veydipi 2:22

Nyo katenngan o mina vazay na ni Timotay. Ta yanamen akmey meyyama a yamazikna a yameylimwang no Mapasaray a Ciriciring.

Veydipi 4:3

Imo rana mo kahakay a kararay ko am sidongen mo sira an. Ta sira rana am mina kararay ko a kani Kedimong a kano kadwan jyamen. Sira ori o nimahap so vazay na ni Ama ta do to. Ta sira rana am yana domket o ngaran da do vakong na ni Ama ta do to a yamanoyong a makahap rana so to meyyonong a ikavyay no pahad da.

Veydipi 4:15

Naknakmen nyo a tao do Veydipi an. No ka ori pa so kapeylimwang ko no Mapasaray a Ciriciring am karwan ko o pongso do Maciton. No kano nang am sinjya nyo o nisomidong jyaken a mapatodeh jyaken.

Veydimeng 1:13

Ko kakdain o kato na ngyanan do katangked ko akmey kataotao mo a mapeyveyveken jyaken, do aptengan da jyaken a meylimwang no Mapasaray a Ciriciring.