Veydipi 1:25 - Seysyo No Tao

²⁵ Katenngan ko o kasidong ko jinyo. So ikanoyong nyo a ikataid ko do karawan a peypakatkaten so nakenakem a kano pasarain so onowned.

Veydipi 1:25 Referans Kwoze

Veydipi 2:24

Ko anoyngan si Ama ta do to a makeykai rana tomovoy jyaken a mangay a tomita jinyo.

2 Kedinto 1:24

Beken a namen gacigatan inyo a manganoyong, ta yakamo na makdeng so nakem ji Ama ta do to. So namen kagagan ninyo a pacivazayan do namen kapasaray jinyo.

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

Nimlivolivon 20:25

“No keyyan ko pa jinyo am nipanci ko na jinyo o omagaz do italamozong na ni Ama ta do to. Am ko na to mancyan jinyo am ji nyo na cita yaken.

1 Pite 1:8

Tana nyo jyacita si Yeso Kizisto sicyaikwaya am nyo katenngan o nyo kararalay nya. Abo rana o ciriciring jinyo, ta kamo tey masaray rana so onowned.

Loma 15:29

Ko katenngan, ta si mangay ko jinyo do dang am arako o sarasaray ta a itoro na jyaten ni Kizisto.

Loma 15:18

O yamakdeng a yako ipanci am nioyatan na yaken ni Yeso Kizisto a yasomidong so beken a tao do Yotay a yaomanod ji Ama ta do to. Nisidong na yaken do makakaday a vazay a kano nipeylimwangan ko nya.

Nimlivolivon 14:22

So nikakadayan da so amraralay ni Yeso a tao a paiten so nakem a to ngotokot a amraralay ni Ama ta do to. Maniring sira jira am, “Yaten rana a yamraralay ni Yeso am aro masapa ta alalaw no macikaop ta do italamozong na ni Ama ta do to.”

Nimlivolivon 11:23

Makaranes rana am tey masaray, ta nimacita na o aryarilaw na sira ni Ama ta do to. Ori o nipaitan na sira to ngotokot so nakenakem ji Yeso.

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Veydipi 1:24

Am ko kapakanakem jinyo a yamakdekdeng pa a yako sidongen.

Veydimeng 1:22

Ipeykala mo pa yaken so asa ka vahay a isanan ko dang. Inaoy si amizngen na o inozi nyo ni Ama ta do to. So ipacitovong ko jinyo do dang.