Veydipi 1:21 - Seysyo No Tao

²¹ Ta o ko ikakman sang no nakenakem am si Yeso Kizisto o ney makdeng na a yako naknakmen. Si mawakwak ko am apyapya pa, ta ahapen na yaken a mangay a macitovong jya.

Veydipi 1:21 Referans Kwoze

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

2 Kedinto 5:8

So ikanoyong ta rana jyavokahaw a toda ji ngamaog so kataotao ta do karawan a mangay a macitovong ji Yeso a Panirsirngen ta.

2 Kedinto 5:1

Tamo katenngan o na kakmey vahay no kataotao ta do karawan eya a mababalinas. Am no makwa am ipanta na yaten so asa ka vayo a kataotao ta do teyngato ni Ama ta do to. Am beken a nyamaog no tao, ta nyamaog ni Ama ta do to. Am ori o to na meyyonongi.

Veydipi 1:23

Ko ikakza o ko kakaro rana do karawan a mangay a macilovot rana ji Kizisto. Ta abo rana o apyapyan pa kano nang.

Kelosi 3:4

Si Yeso Kizisto rana am yapwan no to meyyonong a ikavyay no pahad nyo. Si mirwa mai si Yeso am ipanta na inyo so vayo a kataotao nyo a pazanoden do azwazway na.

2 Kedinto 5:6

Am ori an, yaten rana a meyhanhan ni Yeso Kizisto a tao am ji tamo a ratan no onowned no amyan so alalaw ta an. Ta tamo katenngan no mavyay pa o kataotao ta am marai pa o kapacikaop ta ji Yeso do teyngato.

Veydipi 1:20

Ko ipeyhanhan si Ama ta do to a somidong jyaken a mapeyvazay so isaray na vazay. Tana sicyaikwaya kano kakwa am meyyangay o kaji ko anyaheyan. Tana mavyay ko a tana mawakwak ko am jyabo kaji ko azwazwayan si Kizisto do kataotao ko a.

Ipaziman 14:13

Makamizing ko pa so ciring a apo do teyngato. Maniring am, “Amyapo sicyaraw eya o katey rako na rana no sarasaray da no mawakwak no vazay ni Yeso a tao. So vatvatkan mo do ciring eya.” Maniring o Seyzi am, “Manoyong o kakavos na rana no zikzikna da. So ipeywalam da rana, ta amyan so kakownongan no mina zikna da.”

Cyalatay 6:14

Am yaken rana am yabo ikadwa na no yako pazwain, ta si Yeso Kizisto a Panirsirngen ta o yako pazwain a yanimawakwak nyaten do jyojika. O peypeypangayan no jyojika jyaken am yanimavonas rana o marahet a nakenakem ko. O peypeypangayan no nang am yako na nimamlis.

1 Kedinto 1:30

Am si Ama ta do to o yanimapanop jinyo ji Yeso Kizisto. So na ikanoyong a na yapwan no teneng ta. Iya o na niyapwan no yamvonas so raraten ta. Am ori o na abnekan jyaten ni Ama ta do to a abo so raraten do tangain na. So icyakma tey matnaw a ranom so onowned a macilovot ji Ama ta do to a ji na rana nalamozongan no raraten.

Veydipi 2:21

O karwan no tao am o kataotao da o da naknakmen. Da jyanakem o vazay na ni Yeso Kizisto.

1 Kedinto 3:22

Yamen rana si Apolo a kani Pite am namen meyyangangay a nitovoy na ni Ama ta do to a somidong jinyo. Tana karawan a tana mavyay kano mawakwak a tana sicyaikwaya kano makwa am o yamakakaday rana ya am nitoro na ni Ama ta do to a ipeypapya nyo.

Veydipi 1:22

Am no si mavyay ko pa am apiya pa, ta makapeyvazay ko pa. Am ko jyatenngi sicyaikwaya o ko pamnekan.