Veydipi 1:1 - Seysyo No Tao

¹ Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Veydipi 1:1 Referans Kwoze

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

Loma 1:1

Yaken rana am si Pawlo ko a lamlamsoy ni Yeso Kizisto. Na nipamnekan yaken ni Yeso Kizisto a amlivolivon no Mapasaray a Ciriciring na ni Ama ta do to.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

1 Timotay 3:8

O somidong rana so tomalamozong no kyokay a tao am akman sang, ta apiya o icicirawat da. So ji da mangononongi so malas a ciriciring. Jyasakisakin. Beken a nizpi o manakem da.

2 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a yamacikaop rana ji Ama ta do to a kani Yeso Kizisto.

1 Tesalonicya 1:1

Yaken rana am si Pawlo ko. Yamen rana sira Sila kani Timotay am namen ipeyteygami inyo a kyokay do Tesalonicya a omanoyong ji Ama ta do to a kani Yeso Kizisto a Panirsirngen ta. Inaoy si itoro na ni Ama ta do to o pangangarilawan na jinyo a katoro na nya jinyo so ikapiya no onowned nyo.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

2 Pite 1:1

Yaken rana am si Simong Pite ko a nipamnekan na ni Yeso Kizisto a amlivolivon no ciriciring na a lamlamsoy na. Yako ipeyteygami inyo a yana rana nipatazadang ni Yeso Kizisto a Tao do to ta. Ta tamo na meyyangay a yamraralay ni Yeso, do kaji na mapeycyakabanan jyaten ni Ama ta do to.

Yake 1:1

Yaken rana am si Yake ko a lamlamsoy na ni Ama ta do to a kani Yeso Kizisto a Panirsirngen ta. Yako ipeyminaminasi o yamavonong do peycyavanovanwan na a yamraralay ni Ama ta do to a tao.

1 Timotay 1:2

Ko ipeyteygami imo, mo Timotay, akma koy manganak do ta kapeyyangay a omanoyong ji Yeso Kizisto. Inaoy no si itoro na jimo ni Ama ta do to a kani Yeso Kizisto o pangangarilawan na kano pangangasyan na kano ikapiya no onowned mo.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Ipaziman 1:1

O vakong rana ya am na adketan no nipatwaw ni Yeso Kizisto a vazay. O na nitorwan nya jya ni Ama ta do to so akman sang a vazay am mangay na ipanci do aro a lamlamsoy na o yarana makeykai a makaranes a vazay. Si Kizisto rana am nimapahanhan so tinsi a mangay mapacita no aro a vazay eya do lamlamsoy na si Yowani.

Yota 1:1

Yaken rana am si Yota ko a lamlamsoy na ni Yeso Kizisto a kakteh na ni Yake. Ko ipeyteygami inyo a nipamnekan na rana ni Ama ta do to a yamahap rana so pangangarilawan na ni Ama ta do to a yamanoyong a yana rana apzatan ni Yeso Kizisto.

1 Pite 2:25

Kamo akmey mavozaw a kagling a ji makateneng do rarahan. Am na rana nipaoli inyo. So yanyo ipacilolo rana jya a yana apzatan so pahad.

Tito 1:7

Ta o manoyong a yamahap so vazay na ni Ama ta do to a yatomalamozong no kyokay am abo o karatan na. Ta iya rana am ji mapahama so nakem. Jyaoyaoyahen. Ji mapeyvazay so keyyop so saki. Ji mamakbak so tao. Ji mangamkam so nizpi no icyatatao na.

Sipolay 13:23

Ko kakzeben inyo a makateneng do na kanimakowbot rana no kakteh ta a si Timotay do pamemtengan. No si makeykai rana mai am macihza jyaken a mangay tomita jinyo.

2 Tesalonicya 1:10

O araraw na no ipeygegcin na am mamimin sira omanoyong jya tao a omazwazway sya a somaray nya. Inyo rana am macyangay kamo do dang, ta nyo anoyngan o nipeylimwang namen jinyo a ciriciring na ni Ama ta do to.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

Ivoso 1:15

Am ori an, mamizing ko na inyo a meyhanhan rana ni Yeso a Panirsirngen ta a marilaw no akma nyoy kakteh do cinai am,

1 Kedinto 16:10

No si mangay si Timotay jinyo dang am taotawwen nyo an, a kapiya na no onowned na an. Ta yanamen meyyangay a yamahap so vazay na ni Ama ta do to.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Nimlivolivon 9:13

Maniring si Ananiya am, “Mo Panirsirngen, ko nimamizing rana do aro a tao o marahet a vazay na do keyyan da no aro a nipakakasi na a omraralay nimo do Yelosaleng.

Yowani 12:26

O mahap so vazay ko am macilocilolo jyaken. O yanan ko am amyan sira dang o kahanhanan ko. O mahap so vazay ko am azwain na ni Ama.

Make 13:34

Akman so tao a mangay mangilili a tomoro no makakaday a vazay do lamlamsoy na peyvazain da a kapanci na rana no mangiwangiwang so pazevngen a lamlamsoy na a ji mapaitkeh so kataotao na.

Ipaziman 22:9

Am maniring jyaken am, “Ji ka akman sang. Ta yaken rana ka nimo a kano akma moy kakteh do cinai a yana panoyonoywan so ciring a kano yamangozay do ciring do vakong eya am to meyyangangay a lamlamsoy na. So ikapyapya na pa ni Ama ta do to a iraralay mo.”

Ipaziman 2:12

“Ipeyteygami mo o yamimong no kyokay do Peycyamo. Si maniring ka am, ‘Yamaniring o yameypinan so yamatarem a ipangan am:

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am:

Ipaziman 1:20

O peypeypangayan no yapito a ka peyzeyzampwan a ovay a macita mo do wanan ko am yapito a ka kyokay. O yapito a ka mata no hanit am panipanirsirngen no yapito a ka kyokay.”

Nimlivolivon 1:20

Maniring pa si Pite am, “O nivatvatkan rana ni Tawey do Anwanood a omagaz ji Yota am oya o nipanci na, ‘Inaoy no si abo o tao a meyvahay do dang.’ Maniring pa am, ‘Inaoy no si macipalit o tao a omahap so vazay na.’ ”

Cyalatay 1:10

Manngwa, ko kakzeben o kazwazway da jyaken no tao a kapanci ko no akman sang? Jyabo kakman na sang a. O ko ikakza am azwain na yaken ni Ama ta do to. Manngwa, ko ikakza o kazwazway da jyaken no tao? No ikakza ko o tao a omazway jyaken am beken a lamlamsoy na yaken ni Kizisto.

Cyalatay 3:26

Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Ivoso 6:24

Inaoy no si itoro na ni Ama ta do to o pangangarilawan na jinyo a yajyahayo a yamraralay ni Yeso Kizisto a Panirsirngen ta.

Veydipi 2:5

Inarahen nyo si Yeso Kizisto an.

Veydipi 2:19

No si apyahen na ni Yeso a Panirsirngen ta am makeykai ko a tovoin si Timotay a mangay jinyo do dang. So ipakateneng ko do vazay nyo do dang.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Veydipi 3:8

Beken a ori an. Ta yamaharahara rana o nakem ko ji Yeso Kizisto sicyararalay ko na nya. Yako ipanci o makakaday a vazay a yabwata so angangayan, do yako kapyapya pa so ko kapakateneng ji Kizisto a Panirsirngen ko.

Veydipi 3:12

O ko peycirngan sang am beken a ko rana nimimin a yamahap o yamakakaday a yamyan ji Ama ta do to. So ko ikakdekdeng pa yaominara si Yeso Kizisto do na katalamozong nyaken.

Veydimeng 1:1

Yaken rana am si Pawlo ko. Yako akmey nimanakaw a tao a yada aptengen do yako kahap so vazay na ni Yeso Kizisto. Yaken a kani Timotay am namen ipeyteygami imo a akma nameney kakteh do cinai, mo Veydimeng,