Biblia Todo Logo
Bib sou entènèt

- Piblisite -




Tito 3:8 - Seysyo No Tao

8 So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

Gade chapit la Kopi




Tito 3:8
26 Referans Kwoze  

Ipanci mo do kakteh ta do cinai o kowyat da omhakakaw a amyaw no velek da a kasidong da so makasi a tao. Ji da nginara o to meyyowyaw a abwata so angangayan a tao.


Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.


Pangozayan na o manoyong a nanao a apo ji Ama ta do to. Ta ori o ipakananao na so amraralay ni Yeso a tao a kano mangalalas a ji manganwanoyong a tao.


Pazimanen mo jira o kownot da do vazay no makayokod nira tao. Amizngen da o pipya vazay a ipanci da.


Iya o yanyo ipakateneng rana ji Ama ta do to a nimapeyvangon sya do heseb na a nimanta nya so azwazway na. Am ori o nyo rana to ngotokoci so nakem ji Ama ta do to a omanoyong do akman sang a oyowyat na a mapeyvangon jinyo no makwa.


Yamanoyong o ciring eya an. Inaoy no si mamimin o tao a omahap so sya. Nimai si Yeso Kizisto do teyrahem a mahap so meyraraten a tao. Yaken rana am ney rako o raraten ko.


Am o nakenakem na jyaten ni Ama ta do to am beken a akman sang. Ta o meyhanhan nya tao am beken a monganay do kapya no icicirawat na. Ta o abnekan na sya abo so raraten ni Ama ta do to am monganay do kapeyhanhan na nya.


Maniring si Yeso a amlolos am, “Omanoyong jyaken am beken a yakehen o anoyngan da. Ta akman sang si Ama a nimapahanhan jyaken o anoyngan da.


To ko na macitangayan jinyo am omamizing so ciring ko a tao a omanoyong do yanitomovoy jyaken am mahap na o to meyyonong a ikavyay no pahad na. So ikanoyong na ji na meydednai no peyoyaoyyan na ni Ama ta do to. Ta nimaliklik na rana o apwa kawakwakan no pahad na.


No kakwa pa am abo o ilamnayan na jimo. Am sicyaikwaya am yana ilamnain rana imo a ka nyaken.


Ta maniring do Seysyo am, “Ko anoyngan si Ama ta do to an. Am ori o ko peylimwangan nya.” Namen akman so sang a meyhanhan nya. Am ori o namen peylimwangan nya.


Maniring sira jya am, “Ka zomyak ang.” Am ji na ablisi o ipanci na. Maniring pa sira jya am, “Ala pahad na ori ni Pite.”


O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.


Inaoy no si katenngan da no kamahakayan do peycyakyokyokayan na o kapeyneynozi da a ji rana meylimoteng so onowned a ji oyaoyahen a ji maciskaskadan.


Katenngan da no tao apya so vazay, makananao so anak na, mateneng a manaotao so apo do teysa ka ili a tao. Ji mapahama so nakenakem, kasidong na so amyan so alalaw a tao a kowyat na mahap so apya vazay.


Ori o yana niyapwan no alalaw ko. Am cyaha, ta yako katenngan si Yeso a yako ipeyhanhan. So ko anoyngan ji Yeso a makasidong jyaken a mapeyvazay so vazay na mangay do araraw no ikeypirwa na mai.


Imo rana am tana makakaday o vazay mo am ji ka rahet so icicirawat an. Ta manakem mo o kapeycitacita da jimo no tao. Makapiya ka so nakenakem a omnanao sira an.


Manakem ta o kapait ta so nakenakem do kadwan jyaten. Manakem ta o kasidong ta so kadwan jyaten a mapatwaw so pangangarilawan na ni Ama ta do to.


Maniring jira am, ‘Mai kamo a meyvazay do nihakawan ko an. Cyaha, ta panizpin ko inyo.’


Swiv nou:

Piblisite


Piblisite