Tito 3:5 - Seysyo No Tao

⁵ na patazadangen yaten do teyngato, do na karilaw nyaten. So ikabeken na omaing do apya icicirawat ta. O Seyzi na ni Ama ta do to am ori o nikaro ta do raraten ta. So icyakma tey nimalikey a avayo rana so aktokto. So iyan na rana jyaten no to meyyonong a ikavyay no pahad ta.

Tito 3:5 Referans Kwoze

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

1 Kedinto 6:11

Yamyan jinyo so nimakman so sang no kakwa. Am kanivonas na rana so raraten nyo ni Ama ta do to. So nyo rana ipacikownongan ji Ama ta do to a kabnek na rana ninyo a abo so raraten do tangain na, do kapeyhanhan nyo ni Yeso Kizisto a Panirsirngen ta kano katalamozong na jinyo no Seyzi na ni Ama ta do to.

1 Pite 3:21

O henep rana am kehngehngay na no ranom a da itaktak jyaten do kyokay. Am sicyaikwa rana ya am nyo rana ipeyhanhan si Yeso Kizisto a nimirwa a mavyay a mapatazadang jinyo do teyngato. So ji na monganai do kanownaw no kataotao nyo. Ta monganay jyaten a manci nya ji Ama ta do to so kanoyong ta na mahap so vazay na.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

Loma 12:2

Ji nyo to panwanoda o kataotao nyo do yamarahet so yahahapan sya tao do karawan. Ta apyapya pa o kablis na so onowned nyo ni Ama ta do to. Ta ori o ipakateneng nyo do apya nakenakem na jinyo ni Ama ta do to a kano isaray ni Ama ta do to a vazay.

Ivoso 2:4

Am tana akman ta sang a meyraraten a tao no kakwa am yatey rako o na karilawan nyaten ni Ama ta do to, do kanimanta na nyaten so to meyyonong a ikavyay no pahad ta a macikaop rana ji Kizisto. So ta ikanoyong a yana nipatazadang no pangangarilawan na.

Ivoso 5:26

O na peyvazayan jyaten ni Kizisto am na toda ji ngamoga jyaten a yaponged na ni Ama ta do to. Nivonas na o raraten ta a kayavayo na so onowned ta, do yata kahap so ciriciring na.

Sipolay 4:16

Am ori an, ji tamo a mogawi a omasngen do tangain ni Ama ta do to a omahap so itoro na jyaten a pangangasyan na kano pangangarilawan na a isidong ta so kataotao ta no makasazi ta so alalaw ta.

Kelosi 3:10

kapalit nyo rana so vayo a onowned nyo apo ji Ama ta do to, do na kaji amtadan a yasomidong jinyo a yaomyavayo so icicirawat nyo. Am ori o ikanoyong nyo rana meypahagnat a makateneng ji Ama ta do to.

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

Loma 3:20

Abo asa ka tao a mangozay do iwawalam na ni Moyse a manoyong a manci no kabo no raraten na do tangain na ni Ama ta do to. Ta o iwawalam na ni Moyse am kapanidong na so tao a makateneng do raraten da.

1 Pite 2:10

No kakwa am beken a italamozong na inyo ni Ama ta do to. Am sicyaikwaya am na rana italamozong inyo. No kakwa am ji nyo a tenngi o pangangasyan ni Ama ta do to. Am sicyaikwaya am nyo na nimahap o pangangasyan na.

Ivoso 4:23

So alitan nyo na do adan a nakenakem nyo.

Loma 3:28

O ikabo no raraten no tao do tangain ni Ama ta do to am meykasaha. Ori rana am ipeyhanhan si Yeso Kizisto. So ikabeken a kahap ta so iwawalam na ni Moyse.

Loma 9:11

Am ikongo do nipamnekan na o asa ka anak na, am ori o nipacisirsiring na ni Ama ta do to ji Leypeycya. Maniring am, “Allamen na no rakrakeh o ananak.” Am no kapacisirsiring na jya am abo pa dang o marahet a kano apya a vazay. Ta ji sira pa nimalikey o meyketeh ang. Am ori o ikanoyong na ni Ama ta do to a mangozay do nakenakem na. So ji na monganai do kapyapya no icicirawat no tao o pamnekan na ni Ama ta do to.

Locya 1:78

ta oya rana am omaing ya do pangangarilawan na ni Ama ta do to a tomiray jyaten,

Locya 1:54

So ninaknakman na so pangangarilawan na kasidong na so omraralay nya Isedi a tao,

Locya 1:50

O pangangarilawan na am jyablis sicyakwaya, kangay na do kaidan no karawan a itoro na do omraralay nya tao.

Tito 3:4

O ipakateneng ta do pangangarilawan na kano pangangasyan na ni Ama ta do to am

Loma 9:30

O makdeng do jya am sira rana beken a tao do Yotay a yaji meyhanhan no apya icicirawat da am yana sira nivonas so raraten. Na abneken rana sira apya do tangain na do yada kapeyhanhan nya.

Loma 9:16

O makahap so pangangasyan na ni Ama ta do to am ji monganai do nakenakem a kano vazay no tao, ta monganay do pangangarilawan na ni Ama ta do to.

Loma 4:5

Am o nakenakem na jyaten ni Ama ta do to am beken a akman sang. Ta o meyhanhan nya tao am beken a monganay do kapya no icicirawat na. Ta o abnekan na sya abo so raraten ni Ama ta do to am monganay do kapeyhanhan na nya.

Locya 1:72

So nikarilawan na no ineynapo ta, do na kahap sya do kanitomoyotoyon na sira.

Sipolay 6:6

Sira rana ya a to ngaro do manoyong a nanao ni Ama ta do to am abo rana o tao a makapeysinaoli so nakenakem da. Ta sira rana am akmey to da oliya o Anak ni Ama ta do to a padketen do jyojika a peyleylaken do tangain no tao.

Matay 3:11

Ko taktakan inyo no ranom do nyo na kapamlis. Am o manownowji pa ka nyaken a yamai am taktakan na inyo no Seyzi a kano apoy. So ikaizaizay na pa ka nyaken. So ji ko macingai jya.

Loma 11:14

Ala ikeynanahet da yaken no tao do Yotay a kasina ko no inawan. Am cyaha, ta ipakasidong na so karwan da a kaji na meydednan jira no peyoyaoyyan na ni Ama ta do to.

Sipolay 10:22

Am ori o ikanoyong ta jyablis so onowned a akmey nioyasan so onowned a kano kataotao a omanop ji Ama ta do to.