Sipolay 9:18 - Seysyo No Tao

¹⁸ Akman sang o ney manma na pangozayan a ciring na ni Ama ta do to no kakwa. Ta no abo o rala amvoyog a patanangen ji Ama ta do to am abo oyowyat no adan a pangozayan a ciring na ni Ama ta do to.

Sipolay 9:18 Referans Kwoze

Sipolay 9:22

To da mangozai o iwawalam da somaboy no rala so makakaday a ipanaralay da. No abo rala am jyavonas o raraten.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Sipolay 9:17

Ta no mavyay pa tao a kataid na so ciring na am abo peypeypangayan no ciring na. Ta no si mawakwak rana o tomaid so ciring na am pangozayan da na o ciring a nitaid na jira.

Sipolay 9:19

O ney manma na am ipeylimwang ni Moyse o iwawalam ni Ama ta do to do aro a tao a kapangap na rana so rala no baka kano kagling pazavozen do ranom, kapangap na rana so akmey vangkoro a milakayob a pinabedbed do akmey kamanakaoy a kasaboy na so aro a tao a kano vakong a adketan no nanao ni Ama ta do to.