Sipolay 8:3 - Seysyo No Tao

³ O vazay da no panipanirsirngen no mapatanatanang so nakem ji Ama ta do to no kakwa am patanangen da o nakem da a sarayan da ni Ama ta do to, a kapatanang da so rala no kagling a kano baka a ivonas da so raraten da. So icyakman na sang ni Yeso a mapatanang ji Ama ta do to.

Sipolay 8:3 Referans Kwoze

Sipolay 5:1

O nipamnekan da no tao do Yotay a panirsirngen no mapatanatanang so nakem da si Ama ta do to am mapasyasi nira ji Ama ta do to, a mapatanang nira so makakaday a sarayan da ni Ama ta do to, kapatanang na so rala no kagling a kano baka a ivonas na so raraten da.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Sipolay 9:14

Kakwakwan na rana no rala no kagling a kano baka a ipanci da makavoga so nikaratan da. Imanngo rana o oyowyat no rala ni Kizisto. Ta nioyatan no Seyzi a mapatanang so abo so karatan a kataotao na ji Ama ta do to. Jyabo kaji na haraharan pa makavonas so marahet do onowned ta a ombalinas so malas a icicirawat ta. No si manoyong o kakman ta sang am manoyong ta pahanhanen na ni Ama ta do to do vazay na.

Sipolay 7:27

Iya am yamacitarek a kano aro a panipanirsirngen no mapatanatanang so nakem, do yana kaji mangdayan so araraw a yamapatanang so nakem da a ivonas so raraten da no tao. Iya rana am ipisa mapatanang so nakem na kato na rana ngavosan. O na nipatanang am kataotao na.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Yowani 6:51

Yaken rana am akma koy kanen a apo do teyngato a yapwan no to meyyonong a ikavyay no pahad nyo. O koman so kanen eya a tao am mahap da o to meyyonong a ikavyay no pahad da do teyngato. O itoro ko do tao a kanen da am kataotao ko, ta yangay ko inyo no inawan. Ori rana am ipakahap no tao so to meyyonong a ikavyay no pahad da.”

Loma 4:25

Nimawakwak si Yeso no raraten ta a kapirwa na rana mavyay. So ikanoyong ta na ipanci ni Ama ta do to abo so raraten do tangain na.

Loma 5:6

No kakwa pa am abo oyowyat ta a komaro do peyraratenan ta. Am kanimangozay na jya ni Kizisto do nipamnekan ni Ama ta do to a araraw a mangay mawakwak nyaten.

Loma 5:8

Am no kapeyraraten ta pa am nikawakwak na yaten ni Kizisto. Ori rana am yongkad na ori ni Ama ta do to, do na karilaw nyaten.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.

Sipolay 8:4

No yamyan pa si Yeso do teyrahem am ji na peyvazaya o kapatanatanang na so nakem no tao ji Ama ta do to, ta amyan rana so mapeyvazay sya a mangozay do iwawalam no tao do Yotay.