Sipolay 7:18 - Seysyo No Tao

¹⁸ So na rana ikablis no adan a iwawalam ni Moyse, ta yabo oyowyat na mapatazadang jyaten do teyngato.

Sipolay 7:18 Referans Kwoze

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

Sipolay 7:19

Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.

Cyalatay 4:9

Am nyo katenngan si Ama ta do to sicyaikwaya. So na ipakateneng jinyo ni Ama ta do to a akma ney anak. Am ikongo kamo a yapa mangay amwoli so makanyaw a iwawalam nyo a abo so peypeypangayan. Manngwa, nyo apyapyahen pa o kakma nyoy lamlamsoy no makanyaw?

1 Timotay 4:8

Manoyong kapya na no mapazigton so kataotao am makdekdeng pa o kapeypahagnat ta so nakenakem ji Ama ta do to. Ta ori o makasidong jyaten sicyaikwaya kano makwa no myan ta na do teyngato.

Sipolay 13:9

Taosya o kapeycyakawad na jinyo no makakaday a malas a nanao da no tao. Ta kapangozay nyo do pangangarilawan ni Ama ta do to a mapahadpet so onowned nyo. Ji nyo meyhanhanan o pamarmarngan da so kanen. Ta ji na sidong inyo a makahap so to meyyonong a ikavyay no pahad nyo.

Cyalatay 3:17

O peypeypangayan no ciring ko am ji meyyopowpas o nimanmanma a nipamnekan na ni Ama ta do to a ciring na. Tana nimanownowji o iwawalam ni Moyse so atlo a poo so ikasikalima ranaw (430) so awawan am jyablis o mina ciring na ni Ama ta do to ji Apolahan.

Cyalatay 4:21

Inyo rana yamangozay do iwawalam ni Moyse sicyaikwaya am manngwa, nyo katenngan o ciriciring a yadomket do iwawalam na ni Moyse an?

Cyalatay 3:15

Manga kakteh, o ahahapan sya no tao am no meysirisiring o rarwa ka tao do vazay da am to da na mamneki o apyahen da. So ikabo rana no mapasobna do nipamnekan da vazay, do kabo rana no nipeyras da vazay.

Loma 3:31

No akman sang am manngwa, todabo rana o oyowyat na no iwawalam na ni Moyse? Jyabo kakman na sang a. Ta o manoyong a meyhanhan ni Yeso Kizisto a tao am ori o ipanci a manoyong a mangononong do iwawalam na ni Moyse.

Cyalatay 3:21

No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.