Sipolay 6:4 - Seysyo No Tao

⁴ Ta o yamlikod do nanao ni Ama ta do to a tao am makongo sira ori a mamlis, do katenngan da rana si Ama ta do to, a nimakahap rana so karilawan na nira ni Ama ta do to, a yanan rana no Seyzi.

Sipolay 6:4 Referans Kwoze

Matay 5:13

“Inyo rana am akma kamoy asin no tao do karawan. Am no si tomavang ori am ikongo pavowin a kapait na. So ikabo rana no angangayan na. So to rana walici nya zazasagan no tao.

Yowani 15:6

O komaro jyaken a tao am kapalangayan na o yangaw no kayo a nimapolcing a kawalit nya a karokop na rana a kabedbed da sya no tao a ipanotong a katemtem na rana.

Ivoso 2:8

Na nyahap inyo do peyraratenan nyo, ta nyo rana ipeyhanhan si Kizisto. O nyo ipakahap so sang am beken a oyowyat nyo, ta omagaz do pangangarilawan na ni Ama ta do to a na yazaw jinyo.

Yowani 3:27

Maniring si Yowani am, “No abo si Ama ta do to a omoyat do tao am abo do tao o makapakavos so vazay.

Sipolay 10:32

Manakem nyo no kakwa. Tana aro o alalaw nyo no kavayo nyo pa a omanoyong ji Yeso am jyabo kanimaharag nyo no alalaw nyo a.

Matay 12:45

So nyangay na manara so papito a masozisozi pa ka nya a kalamsoyan ni Satan a mangay komovot jya. Manngo o tao ori a. Jyabo kaji na raherahetan pa sicyaikwaya kano kakwa no nakenakem na. To ko macitangayan jinyo am o raraten da rana no tao sicyaikwaya am maraherahet pa kano kakwa.”

Cyalatay 3:2

Pancyan kamo pala jyaken. Iwawalam na ni Moyse o yanyo ipakahap so Seyzi na ni Ama ta do to? No yapo do yanyo nimamizing a Mapasaray a Ciriciring na ni Ama ta do to.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

1 Yowani 5:16

No makacita kamo so akma nyoy kakteh do cinai a meyraraten am ipeynozi nyo ji Ama ta do to a kavonas na jya kapanta na nya so to meyyonong a ikavyay no pahad na. Am o omalalas do Seyzi am ji ko na mancyan o kapeynozi nyo nya. Ta manoyong o akman sang a peydednan no peyoyaoyyan na ni Ama ta do to.

Sipolay 2:4

Yakman sang, ta nioyatan na sira ni Ama ta do to a mapeyvazay so makakaday a yamapeyzokab a vazay a yongkad no kanoyong no ipangnanao da. So yana ikakman sang ni Ama ta do to a yamangozay do nakem na a yamvonong so teneteneng a kano oyowyat no Seyzi do omanoyong jya tao a isidong da so icyatatao da.

1 Timotay 4:14

Ji mo to nazibwan o oyowyat na jimo no Seyzi a tomalamozong no kyokay. Ta ori rana am nitoro na jimo do kanimanlanlag da nimo no lima da ipeynozi no tomalamozong no kyokay, do mina kapamnek da jimo a mapeyvazay eya.

Nimlivolivon 11:17

So nikanoyong ni Ama ta do to a yatomoro no Seyzi do beken a tao do Yotay, akman jyaten a nipanta na so Seyzi no kanoyong ta ji Yeso Kizisto a Panirsirngen ta. A yako ikongo a kato ko makazazatan do vazay ni Ama ta do to.”

Ivoso 4:7

Am yameykataretarek o na nitoro jyaten ni Yeso Kizisto a teneteneng ta. Am na to mangozai o nakem na a yatomoro nya jyaten.

Ivoso 3:7

Na nitenngan yaken ni Ama ta do to a lamlamsoy na a meylimwang no Mapasaray a Ciriciring na. Am pangangarilawan ni Ama ta do to a kano oyowyat na o yasomidong jyaken a yamahap so vazay na.

Nimlivolivon 10:45

Am ori o nipeyzokab da no tao do Yepey a omraralay ni Yeso a nimacihza ji Pite, ta nipanta na sira ni Ama ta do to so Seyzi o beken a tao do Yotay.

Nimlivolivon 8:20

Maniring si Pite am, “Paciralay do nizpi mo a matemtem, ta yamalas o aktokto mo do kanginangina mo so oyowyat na ni Ama ta do to no nizpi mo.

Yowani 6:32

Maniring si Yeso jira am, “To ko na macitangayan jinyo am jya nimapakas so kanen si Moyse, ta o apo do teyngato a kanen am si Ama ta do to o nitomoro nya.

Cyalatay 3:5

Na nitoro ni Ama ta do to o Seyzi jinyo a yamapeyvazay so mapeyzokab a vazay. Am manngwa, yamonganay ori do yanyo kahap so iwawalam na ni Moyse? No yamonganay do yanyo kanimakamizing so Mapasaray a Ciriciring na ni Ama ta do to.

Nimlivolivon 15:8

Si Ama ta do to rana am katenngan na o onowned no tao. So nitorwan na no Seyzi do beken a tao do Yotay, akman jyaten a nitorwan na nya,

Yowani 4:10

Maniring si Yeso am, “No mo katenngan o itoro na jimo ni Ama ta do to a mo kapakateneng do yamacyami jimo so ranom am ka ji mapasyasi jya. Ji na mantan imo so to meyyonong a ikavyay no pahad mo a ranom a.”

2 Timotay 4:14

O mapakapkapya so vahalang a meyngaran si Yadisanta am tey rako o nyalalawan na jyaken. Cyaha, ta ji ngyan so ipasingkad na sya ni Ama ta do to a.

Loma 1:11

Inaoy si macita ko inyo a kananao ko jinyo a kowyat nyo na meyhanhan ni Ama ta do to, do kasidong na jinyo no Seyzi.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.