Sipolay 5:2 - Seysyo No Tao

² Amyan so karatan na no mapatanatanang so nakem da tao, ta meyyangay sira tao. Am ori o kanigan na no amyan so kalasan a tao a mapasyasi nira ji Ama ta do to.

Sipolay 5:2 Referans Kwoze

Sipolay 4:15

Si Yeso Kizisto am panoyngen na yaten a tao do karawan a ji makanet so nakenakem. Ta iya rana am nimasapa na o makakaday a ilita na jya ni Satan. Am jya nikalittan. Iya am abo o raraten na.

Sipolay 2:18

Ikongo do nimapeyneynara na rana o alalaw na kano littan na jya ni Satan, am ori o na ikanoyong a makasidong so littan ni Satan a tao.

Sipolay 7:28

O nipamnekan no iwawalam ni Moyse a mapatanatanang so nakem am tao sira. So iyan no karatan da. Am o nipamnekan ni Ama ta do to a mapatanatanang so nakem am Anak na. So ikabo no karatan na. So to na meyyonongi a makasidong so tao no vazay na mangay do kaidan no karawan.

Sipolay 12:13

Ji nyo pasala o pangonongan nyo. Ta ori o ji da tahaciji no makasapa so ai a tao. So ikanoyong nyo na karapan so onowned.

Cyalatay 4:13

Ta no keyngen ko am nipeyveyveken nyo yaken no ka ori pa so kapeylimwang ko no Mapasaray a Ciriciring na ni Ama ta do to jinyo.

2 Kedinto 12:5

O akman rana sang a tao am ko pazwain. Am yaken rana am yabo ko pazwain do kataotao ko. Ta o yamakakaday a alalaw ko am ori o yako pazwain.

1 Timotay 1:13

Am tana niraherahet ko si Yeso no kakwa pa a kapakakasi ko sira pasnesneken so omanoyong jya am na ikarilaw yaken ni Ama ta do to, ta no kanang am ji ko nganoyngi pa si Yeso. So ji ko makatenngi do vazay ko.

2 Kedinto 11:30

Si zowain ko o kataotao ko am apyapya pa kapazway ko so makakaday a alalaw ko.

Locya 22:32

Am ko na nipeynozi imo. So ji na ablisi no nakenakem mo jyaken. No mamlis ka so nakenakem am vavagan mo sira o akma moy kakteh do cinai an.”

Ivoso 4:18

Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Sipolay 9:7

Am o Panirsirngen no mapatanatanang so nakem am no somdep do katangked na vahay am abo ikararwa na. Ipisa do kasa kawan a somdep. No somdep am mangap so rala no kagling a kano baka a patanangen na a ivonas na so monganay jya raraten na kano ji da ningongyod a raraten da no macikeylyan a tao.

Yake 5:19

Manga kakteh, no si myan jinyo so nimavozaw a nikomaro rana do nanao na ni Ama ta do to a keyyan no tao a mapeysinaoli sya am,

1 Pite 2:25

Kamo akmey mavozaw a kagling a ji makateneng do rarahan. Am na rana nipaoli inyo. So yanyo ipacilolo rana jya a yana apzatan so pahad.