Sipolay 5:1 - Seysyo No Tao

¹ O nipamnekan da no tao do Yotay a panirsirngen no mapatanatanang so nakem da si Ama ta do to am mapasyasi nira ji Ama ta do to, a mapatanang nira so makakaday a sarayan da ni Ama ta do to, kapatanang na so rala no kagling a kano baka a ivonas na so raraten da.

Sipolay 5:1 Referans Kwoze

Sipolay 8:3

O vazay da no panipanirsirngen no mapatanatanang so nakem ji Ama ta do to no kakwa am patanangen da o nakem da a sarayan da ni Ama ta do to, a kapatanang da so rala no kagling a kano baka a ivonas da so raraten da. So icyakman na sang ni Yeso a mapatanang ji Ama ta do to.

Sipolay 10:11

O yamapatanatanang nira so nakem da no tao do Yotay am mangday so araw sira a yameytatanek a yamahap so vazay ni Ama ta do to a mapatanang so kagling a kano baka. Am yameyyangangay do araw o da patanangen. Tana todangay no makwa am ji na vonas o raraten no tao no rala no kagling a kano baka.

Sipolay 11:4

O nikapyapya na no nipatanang ni Yapo a kani Kayin ji Ama ta do to am nipeyhanhan na ni Yapo si Ama ta do to. Ori o nisarayan na nya ni Ama ta do to. Ori o nyabnekan na sya abo so raraten do tangain na, do kanoyong na meyhanhan ni Ama ta do to. Tana yana rana mownay si Yapo a nimawakwak am nitaid na jyaten o kakdeng ta a meyhanhan ni Ama ta do to.

Sipolay 9:9

O peypeypangayan no yanimalavat ta makakaday a vazay ori am ipakateneng ta do kaji na makanetan no patanangen da kagling a kano baka ji Ama ta do to a ivonas so raraten no tao.

Sipolay 7:27

Iya am yamacitarek a kano aro a panipanirsirngen no mapatanatanang so nakem, do yana kaji mangdayan so araraw a yamapatanang so nakem da a ivonas so raraten da no tao. Iya rana am ipisa mapatanang so nakem na kato na rana ngavosan. O na nipatanang am kataotao na.

Sipolay 2:17

O peypeypangayan no kapeyngongyod na tao ni Yeso Kizisto am amyan rana so peyneynaran na sya do alalaw no tao do karawan a kapakateneng na rana do ahahapan na sya a marilaw nyaten a mapasyasi nyaten ji Ama ta do to, do ka iya na no ney manhama na mapatanatanang nyaten so nakem ta ji Ama ta do to. Am ori o ikanoyong ta na nivonas na rana ni Ama ta do to so raraten.

Loma 15:17

Yako na macilovot ji Yeso Kizisto. Am ori o ko ikazway a yamahap so vazay na ni Ama ta do to.

1 Kedinto 15:3

Ninanao ko na jinyo o yaney makdeng na nimahap ko ji Yeso. Ori rana am nimawakwak si Yeso no raraten ta. So na idket do Seysyo no ciring eya.

Sipolay 8:4

No yamyan pa si Yeso do teyrahem am ji na peyvazaya o kapatanatanang na so nakem no tao ji Ama ta do to, ta amyan rana so mapeyvazay sya a mangozay do iwawalam no tao do Yotay.

Sipolay 10:12

Am o nipatanang na ni Kizisto a kataotao na am ipisaha. Am tey rako oyowyat na amvonas so raraten ta mangay do kaidan no karawan. So yana ilisna do wanan ni Ama ta do to.