Sipolay 11:8 - Seysyo No Tao

⁸ Si Apolahan rana am nionotan na si Ama ta do to do kapeyhanhan na nya. Am ori o nikarwan na do keymiminili da a mangay do tovoyan na sya ni Ama ta do to a pongso a itoro na jya ni Ama ta do to. Am no kakaro na do keymiminili da am ji na tenngi o angayan na.

Sipolay 11:8 Referans Kwoze

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

Loma 10:16

Am beken a todamimin o tao a omanoyong do Mapasaray a Ciriciring na. Maniring si Isayya am, “Mo Panirsirngen, sino omanoyong do yanamen ipeylimwang a ciriciring mo.”

1 Pite 4:17

Yarana marateng sicyaikwaya o araraw no yana ipeykapyapinpin so tao ni Ama ta do to. Am papwen na do omanoyong jya tao o pacicin na. No si panmahen na yaten a pacicin ni Ama ta do to am makongo paro sira so wanjin o jya niomanoyong do Mapasaray a Ciriciring na ni Ama ta do to a tao.

Sipolay 11:33

Ikongo do nipeyhanhan da si Ama ta do to, am ori o nipakahap da so mina ciring na jira a somidong sira. So nibalinasan da so tao do livolivon no ili da. So nikapiya na rana no nyahahapan da sya. So icyakma dey nisomengseng do ngongoy no kokoman so tao, do kapeyhanhan da ni Ama ta do to a somidong sira.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

1 Pite 3:1

Inyo rana mavakes am onotan nyo o kahanghangan nyo. Ta no si amyan jira ori so ji nganoyong do Ciriciring na ni Ama ta do to am anoyngan da rana, do pakacittan da so apiya icicirawat nyo. So ikapyapya no apya icicirawat nyo a kano aro a ciring nyo a inanao nyo sira.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

2 Kedinto 10:5

Namen pahawahen so makakaday a mapazway a ciriciring a kano malas a nakenakem a yada izazat do tao a makateneng ji Ama ta do to. So namen pangozayan do oyowyat ni Ama ta do to a yamapanod so ji manaralay a tao ji Kizisto.

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Matay 2:21

Makarahan am ipeysinaoli na rana ni Yoseyvo sira meyina yangay do Isedi.