Sipolay 11:26 - Seysyo No Tao

²⁶ Apyapyahen na pa o kapeyrarahet na mahap so vazay no Misayya. So nilikodan na do aro a peymeymasaodan da no tao do Ayci a pamoonen da jya. Ta anoyngan na o kapyapya na pa no peymeymasaodan ni Ama ta do to a itoro na jya.

Sipolay 11:26 Referans Kwoze

Sipolay 11:6

No abo panganoyngan no tao am ji na narayan ni Ama ta do to. O mai do tangain ni Ama ta do to a tao am anoyngan da o keyyan ni Ama ta do to a macikaop jira a marilaw no komakzeb sya tao.

Sipolay 10:35

Am ori o ji nyo ablisi no onowned. Ta no si akman kamo sang so onowned am mahap nyo o rako a nakem na jinyo ni Ama ta do to.

Ipaziman 3:18

Am ori o ko pancyan ninyo a manazang jyaken so ovay a keynakem nyo na, a kapanazang nyo so malavang a ayob nyo a payoben nyo do kataotao nyo kaji nyo a nasnekan, a kapanazang nyo so kosozi a ilinas nyo do mata nyo a kapakacita nyo na.

1 Pite 4:14

Masaray kamo no amyan so peyleylakan da jinyo a mahap so vazay ni Kizisto. Ta padnadnahen na o nakem nyo no Seyzi na ni Ama ta do to a yamyan jinyo.

Sipolay 2:2

O nipeylimwang no tinsi do ineynapo ta a iwawalam na ni Ama ta do to am yamanoyong rana. Ta sira rana yaji ngahap so nanao eya am yarana nimeydedna jira o peyoyaoyyan na ni Ama ta do to.

2 Kedinto 6:10

Tana yamyan so namen ilavi so onowned am yamyan so namen isaray so onowned. Tana namen makcin am cyaha, ta namen avyain o pahad no aro a tao. Tana yabo o peymeymasaodan namen do karawan am cyaha, ta abo kalahen namen a yamacikaop ji Ama ta do to.

Locya 14:14

Ta ori o ikapya mo, ta sira rana ori am abo patoplis da jimo. No mirwa a mavyay o pipya so nakenakem am patoplisan na ni Ama ta do to.”

Matay 5:12

Somaray kamo an. Ta yamyan do teyngato o makdeng a azaw nyo a ipasaray na jinyo ni Ama ta do to. Nimakalapo no kakwa o kakman da sang no panoyonoywan na so ciring ni Ama ta do to a nipakakasi da no tao.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

2 Kedinto 12:10

Am ori an, ko na to meyhanhanan si Kizisto. So ji ko a raci nya no kangangay no yabo oyowyat ko, da avain yaken, no myan so rako a alalaw ko a kano peyrarehtan da jyaken do kahap ko so vazay ni Kizisto. Ta no abo oyowyat ko am na oyatan yaken ni Kizisto.

1 Pite 1:11

O Seyzi na ni Kizisto amyan jira am ori o nipaziman jira so keyyan no alalaw ni Kizisto a kapakaranes na rana no kazwayan na. Am ori o nipakanakman da no panoyonoywan na so ciring ni Ama ta do to so kapakateneng da do araraw na kano agcigcinan na no vazay ang.

Sipolay 13:13

Am ori o karwan ta na do adan a raralayan da ni Ama ta do to no tao do Yotay a kapacizanod ta ji Yeso Kizisto do alalaw na.

Sipolay 10:33

Tomakatakaw o kapasnesnek da jinyo a peyrarehten do tangain no aro a tao. Tomakatakaw o kapazasing da jinyo do peyrarehten da tao.

Veydipi 3:7

Am o ipanci ko no kakwa apiya am ko rana nilikodan a ko kararalay ni Kizisto sicyaikwaya.

Ivoso 1:18

Ko mapasyasi ji Ama ta do to a omiwang do onowned nyo a kapakateneng nyo na do peypeypangayan no na panopan jinyo a kapanta na ninyo so to meyyonong a ikavyay no pahad nyo do teyngato. So ikatey rako na no aryarilaw na so omanoyong jya tao.

Nimlivolivon 5:41

Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Matay 10:41

O tomaotao so lamlamsoy ni Ama ta do to am pazanoden na sira do yazaw na so lamlamsoy na. O tomaotao so ji meylimoteng so onowned a tao am pazanoden na sira ni Ama ta do to do yazaw na so ji meylimoteng so onowned a tao.

Matay 6:1

“Makapzat kamo. Ji nyo mapacitacittan o kakdekdeng nyo a manaralay do tangain no tao. Ta no si makman kamo so sang am ji nyo ngakzeba o keyyan no yazaw na jinyo ni Ama ta do to.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Locya 14:33

Akman kamo so sang an. Ta no si likodan nyo o makakaday a vazay nyo am ori o ikanoyong nyo a macilolo jyaken.