Sipolay 10:23 - Seysyo No Tao

²³ Am ori o ji ta na ablisi so nakem a to ngotokot no kararalay ta ni Ama ta do to. Ta o mina ciring na jyaten ni Ama ta do to am abo kalasan na.

Sipolay 10:23 Referans Kwoze

1 Tesalonicya 5:24

Si Ama ta do to rana a yanimamnek jinyo a omanoyong jya am yatey manoyong a makasidong jinyo.

1 Kedinto 1:9

Abo kalalasan na ni Ama ta do to a nimamnek jinyo a meyhanhan nya. So ikanoyong nyo rana macikaop do Anak na si Yeso Kizisto a Panirsirngen ta.

2 Tesalonicya 3:3

Am yabo na kalalasan ni Yeso a Panirsirngen ta. Iya rana am ikakoyapet nyo so nakenakem a kaji na makagogadan jinyo ni Satan.

Sipolay 6:18

a ipadnadna na so nakem ta a yameyhanhan nya. Ta iya rana am jyabliblis o ahahapan na sya.

Tito 1:2

O peypeypangayan na rana no nanao eya am ipakahap ta so to meyyonong a ikavyay no pahad ta. Manoyong o nipanci na a itoro na jyaten no kaji na pa mangamaogan so karawan. Ta si Ama ta do to rana am abo kalalasan na.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

1 Kedinto 10:13

O yana ilita jinyo ni Satan am yabo dang vayo. Am katey manoyong na ni Ama ta do to a mapahawa so ikarahet nyo a ilita na jinyo ni Satan. Ta oyatan na inyo ni Ama ta do to no littan na inyo ni Satan. So ikapiya nyo a ipeypalanginan na ni Ama ta do to a mahap so apiya vazay.

Ipaziman 3:11

Ko na makeykai a mai. Am ori o ji nyo amtaji no kapangononong nyo do ciring ko an, a ji mamyapya no tao a mehes so azaw nyo a jyablis so onowned.

Yake 1:6

Am no meynozi kamo am to kamo ngotokot so onowned an. Ta o ji ngotokot so nakem a tao am akman so azda a ji meyhanahanang a pavyovyoten no pagpag.

Sipolay 11:11

Tana rarakeh si Salay rana abo so kanen sospa am nimeytaodtod, do kapeyhanhan na ni Ama ta do to a mangononong do mina ciring na sya.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

Sipolay 3:1

Inyo rana akma koy kakteh do cinai a yana rana nipamnekan ni Ama ta do to a omanop jya am naknakmen nyo si Yeso a yana nitovoy ni Ama ta do to do teyrahem. Iya rana am ney manhama na mapatanatanang so nakem ta ji Ama ta do to a yata pangozayan a yamraralay ni Ama ta do to.