Sipolay 1:9 - Seysyo No Tao

⁹ O yapya vazay o mo ikakza. Mo ikaoya o malas a vazay. Am ori an, na ika yaken a Tao do to mo no yanimamnek jimo a yanimanta nimo so azwazway mo a kano sarasaray mo. So da ikabo no kararay mo a makahap jimo.”

Sipolay 1:9 Referans Kwoze

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Loma 15:13

Inaoy no si itoro na jinyo o sarasaray na ni Ama ta do to. So ikanoyong nyo rana masaray so onowned a meyhanhan nya, do na kasidong jinyo no Seyzi.

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

Sipolay 7:26

So yana ikanoyong ni Yeso a ney manokdwan na a ta ipeyhanhan a mapatanatanang nyaten so nakem ta ji Ama ta do to. Ta yabo na karatan a yabo so raraten. Iya rana am na nipapinpin ni Ama ta do to do yameyraraten a tao. So ikanoyong na rana ney mazway na do teyrahem a kado teyngato.

Veydipi 2:9

Am ori an, nyazwazway na ni Ama ta do to si Yeso a kapanta na nya so ney mazway a ngaran na. O nitoro na jya a ngaran na am Panirsirngen.

Ivoso 1:3

Isaray ta ji Ama ta do to a Ama na ni Yeso Kizisto a Panirsirngen ta. Ta yatamo na macibedbed ji Kizisto. So yana rana nitorwan so makakaday a aglaglaw na jyaten a na ipasaray jyaten.

1 Kedinto 1:9

Abo kalalasan na ni Ama ta do to a nimamnek jinyo a meyhanhan nya. So ikanoyong nyo rana macikaop do Anak na si Yeso Kizisto a Panirsirngen ta.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Yowani 1:41

So nyangay na ni Antele a mangay komala si Simong. Maniring jya am, “Ko na nimacita o Misayya.” (O peypeypangayan no Misayya am Kizisto.)

Ipaziman 2:15

Yakman sang ta yamyan jinyo so yaomonot do nanao ni Nikela.

2 Kedinto 11:31

Si Ama ta do to a Ama na ni Yeso a Panirsirngen ta o makateneng jyaken a ji mangalalas. Iya o manoyong a azwazwain ta so ngaran mangay do kaidan no karawan.

Loma 12:9

Beken a hapet no onowned o ipangarilaw so tao. Ji nyo akzan o marahet a vazay, ta o kahap nyo so apiya vazay.

Nimlivolivon 10:38

Nioyatan na no Seyzi si Yeso a tao do Nasale. So nilivolivon na mangiwakwak so meykeyngeyngen a tao a mamozwaw so kalamsoyan ni Satan a komovot do tao, do kapacikaop na jya ni Ama ta do to.

Nimlivolivon 4:27

So nipangononong no nang a mina vazay da do Yelosaleng eya. Ta si Helote rana kani Pangsyo Pilato a kano karwan da tao do Yotay a kano beken a tao do Yotay am nimalovot sira nimnakenakem so kazakat da si Yeso a ji meylimoteng so onowned a nipamnekan mo a mahap so vazay mo.

Yowani 3:34

O nitovoy ni Ama ta do to o mapatwaw so ciriciring na ni Ama ta do to. Ta oyatan no Seyzi.

Sipolay 2:11

Na nivonas o raraten no tao do karawan. So yada rana ipacingay ji Kizisto a mapeyyama si Ama ta do to no yarana nimavonas so raraten a tao. Am ori o na rana ji macimasneki nira ni Yeso a akma ney kakteh do cinai.

Yowani 10:17

“Ikarilaw na yaken ni Ama. Ta ko ji macimamman o kangay ko no inawan nira. O ikakman na sang am meysinaoli pa jyaken o inawan ko.

Nimlivolivon 4:26

O kabtekan a panirsirngen rana do teyrahem a kano karwan da panipanirsirngen am malovot sira amnakenakem so kazazat da ji Ama ta do to a kano Misayya.’

Sipolay 2:9

Am o akman sang a vazay am nimangononong rana do mina katazak na tao ni Yeso a yamaveveveh pa kano tinsi. Am jya nimeyyonownay. Na pangozain ni Yeso o pangangasyan ni Ama ta do to so tao do karawan a mawakwak no raraten ta. So nipantan na nya ni Ama ta do to so azwazway na.