Sipolay 1:8 - Seysyo No Tao

⁸ Am pagazen na ni Ama ta do to o ciring na do Anak na am, “Oyowyat mo a Tao do to a tomalamozong no tao do karawan am todangay do kaidan no karawan. Ta yaka ji mapeycyakaban so tao.

Sipolay 1:8 Referans Kwoze

Yowani 10:30

Namen akmey yasa si Ama.”

Loma 9:5

Sira rana am sivosivovoong da sira no katenngan a ineynapo namen no kakwa. So ipacitetngehan na jira ni Kizisto. Am si Kizisto rana am makarakarang pa kano meycyamadadayan. So ikanoyong na paingan ta so ciring a Tao do to. Amin.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

1 Kedinto 15:25

Tana abo pa o akman sang a vazay am jyablis si Yeso Kizisto a Panirsirngen do yanam na pa ni Ama ta do to ambalinas so kavosoyan na.

Yowani 20:28

Maniring si Tomase ji Yeso am, “Mo Panirsirngen a Tao do to ko.”

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Yowani 10:33

Maniring sira o tao do Yotay am, “Beken a vazay ang o namen agsahan jimo. Ta imo rana am mo jyasnesnekan si Ama ta do to. Ta yamo paka Tao do towen o kataotao mo a todna ka tao.”

2 Pite 1:11

a macikaop rana do to meyyonong a italamozong na ni Yeso Kizisto a Panirsirngen ta a mapatazadang jyaten do teyngato.