Sipolay 1:1 - Seysyo No Tao

¹ No kakwa pa am masangib si Ama ta do to a somapasapa so pazyazimanan na so ciriciring na do ineynapo ta. O ciriciring na rana am patwawen da no panoyonoywan na so ciring ni Ama ta do to.

Sipolay 1:1 Referans Kwoze

Locya 24:27

Meyratateng am pangozayan na o nivatvatkan ni Moyse a kano panoyonoywan na so ciring ni Ama ta do to a kaononong na rana do mina ciring da sya do Seysyo a omagaz do kataotao na.

Nimlivolivon 2:30

No kapeyigegen na pa do karawan ni Tawey am panoyonoywan na so ciring ni Ama ta do to. So ipakateneng na do nipanci na jya ni Ama ta do to. Ta amyan do sivosivovoong na so macipalit jya a asa ka Panirsirngen.

Locya 1:55

akman so nipanci na do ineynapo ta, aryarilaw na si Apolahan a kano apwapo na, mangay rana do kaidan no karawan.”

Nimlivolivon 13:32

Sicyaraw rana ya am namen ipeylimwang jinyo o Mapasaray a Ciriciring na ni Ama ta do to. O nipanci na pa ni Ama ta do to do ineynapo ta am yana nimangononong jyaten an. Ta na nivyay si Yeso ni Ama ta do to akman so nivatvatkan do ikadwa na no Anwanood. Maniring am, ‘Imo am Anak ko imo an. So peylimwangan ko nimo sicyaraw eya do yamo kapeyyama jyaken.’

Sipolay 2:2

O nipeylimwang no tinsi do ineynapo ta a iwawalam na ni Ama ta do to am yamanoyong rana. Ta sira rana yaji ngahap so nanao eya am yarana nimeydedna jira o peyoyaoyyan na ni Ama ta do to.

Locya 1:72

So nikarilawan na no ineynapo ta, do na kahap sya do kanitomoyotoyon na sira.

Nimlivolivon 28:23

Meyratateng am mamnek sira so kasaraw a ipeylovolovot da so tao a omamizing so ciring ni Pawlo. Marateng rana o araraw na am aro sira o tao a nimai a omamizing so ciring ni Pawlo. Meyratateng am papwen na ni Pawlo do penzak a kangay na nya do mahep a omononong do italamozong na ni Ama ta do to a mapanod sira. Meyratateng am vilangan na o iwawalam na ni Moyse a kano vakong da no panoyonoywan na ciring ni Ama ta do to no kakwa a mapanop sira a omanoyong ji Yeso.

Yowani 9:29

Namen katenngan o kanimacisirsiring ni Ama ta do to ji Moyse. Am o tao ori am tamo jyatenngi o na nikapwan.”

Yowani 7:22

Am nipanci na inyo ni Moyse a amyongkad do kataotao nyo. Am beken a nimapo ji Moyse o kayongkad do kataotao, ta nimapo do ineynapo nyo. Ta yanyo yongkadan o ananak nyo do yaipeywalam no tao.

Locya 24:44

Meyratateng am maniring jira si Yeso am, “O aro a vazay rana ya am nimalavat ko na jinyo no kakwa pa. O nivatvatkan ni Moyse a kano panoyonoywan na so ciring ni Ama ta do to a kano nivatvatkan a Anwanood a yaomagaz jyaken am yarana nimangononong.”

Yowani 16:13

No mai rana o Seyzi a yamapatwaw so manoyong a nanao ni Ama ta do to am ipeypalanginan na inyo. Am ji na mangozai o oyowyat na. Ta nimamizing na o ipanci na jinyo. So pancyan na nya jinyo so omanam pa vazay.

Nimlivolivon 3:21

Am to ngyan pa do teyngato si Yeso a mangay no si yavaywen ni Ama ta do to o makakaday amyan do teyrahem eya. Ta oya rana am nipanci ni Ama ta do to no kakwa pa do panoyonoywan na so ciring na.

Sipolay 2:3

No yamanoyong o akman sang am no si to ta nazibwan si Ama ta do to a mapatazadang jyaten do teyngato am makongo ta tomayo no peyoyaoyyan na ni Ama ta do to. Ta nipeylimwang na rana jyaten ni Yeso a Panirsirngen ta o kavyay na jyaten ni Ama ta do to. So nipancyan da rana nya jyaten no nimakamizing sya tao.

Sipolay 3:5

Ji mapasalasala si Moyse a lamlamsoy ni Ama ta do to do vazay na. So ikanoyong na no ciring na ni Moyse a meylimwang no meypanam pa ciring na ni Ama ta do to.

Sipolay 4:8

No si manoyong si Jyesoya a nimangay no aro a tao a mamahamaha do nipanci ni Ama ta do to a pamahamahan da am jyabo o kapakalavat na pa so kasaraw a ipakahap ta so nakem na jyaten ni Ama ta do to a.

Sipolay 5:5

Yakman sang si Kizisto a yaji nimamnek do kataotao na a panirsirngen no mapatanatanang so nakem ta si Ama ta do to, ta nakenakem na ni Ama ta do to a nimamnek jya. Ta maniring si Ama ta do to jya am, “Imo am Anak ko imo an. So peylimwangan ko nimo a mapeyyama jyaken sicyaraw eya.”

Sipolay 9:19

O ney manma na am ipeylimwang ni Moyse o iwawalam ni Ama ta do to do aro a tao a kapangap na rana so rala no baka kano kagling pazavozen do ranom, kapangap na rana so akmey vangkoro a milakayob a pinabedbed do akmey kamanakaoy a kasaboy na so aro a tao a kano vakong a adketan no nanao ni Ama ta do to.

Sipolay 11:2

O sarayan na no tao no kakwa ni Ama ta do to am nipeyhanhan da si Ama ta do to.

Sipolay 11:18

O mina ciring na jya ni Ama ta do to am, “O apwapo mo am mapo ji Isa.”

Sipolay 12:25

Am makapzat kamo. Ji nyo to nazibwan o ciriciring na ni Ama ta do to amnanao jinyo. Sira rana ya a to nazibo no yanipeylimwang ni Moyse a ciriciring na ni Ama ta do to am abo taywan da do peyoyaoyyan na ni Ama ta do to. No si to ta nazibwan o ciriciring na ni Ama ta do to a yapo do teyngato am teywara rana o raraten ta.