Nimlivolivon 5:42 - Seysyo No Tao

⁴² Mangday so araraw kangay da do rako a panaralayan a kado kavahayan a mangnanao so tao a meylimwang no Mapasaray a Ciriciring ni Yeso, do kanoyong na Misayya a nitovoy ni Ama ta do to do teyrahem.

Nimlivolivon 5:42 Referans Kwoze

Nimlivolivon 2:46

So ipangday da mangay a malwalovot do rako a panaralayan a meyyangangay so nakenakem. So ikasasaray da no onowned a koman so pang do kavahayan da. So icyakman da sang a mahahanghang do kanen da,

Nimlivolivon 20:20

Nyo katenngan manga keypong, no ko myan do peylovolovotan no tao a kado peycyakavakavahayan am ko nanawen inyo. Ko miminen o apya ciring a yako ivavaga jinyo. So ikabo no ko taywen jinyo.

2 Timotay 4:2

Am ori o peylimwangan mo no ciriciring na ni Ama ta do to. Tana amizngen da, tana ji da ngamiznga am ji ka hayo so onowned a amvavaga jira kano mapait sira a omnanao sira.

Nimlivolivon 8:35

Karahan am ipanci na ni Veydipo o ka si Yeso na no agagazan no nivilangan na a kananao na sya no Mapasaray a Ciriciring ni Yeso.

Locya 21:37

No maraw am mangnanao do rako a panaralayan si Yeso. No mahep am mangay do Kanlan a tokon a kaitkeh na do dang.

Nimlivolivon 17:3

a kaononong na ji Kizisto a nipakakasi da a wakwaken a kavyay na rana sya ni Ama ta do to. Maniring pa am, “Si Yeso rana ko ipeylimwang jinyo am manoyong a Misayya a nitovoy ni Ama ta do to do teyrahem.”

Nimlivolivon 9:20

a kangay na do aro a peyneynozyan a meylimwang ni Yeso a manoyong a Anak na ni Ama ta do to.

Nimlivolivon 4:29

Am ori o pakatenngan mo jira so onowned a yaomalalaw jyamen. So sidongan mo jyamen, mo Panirsirngen a mahap so vazay mo a kaji namen a mogawan a meylimwang no ciriciring mo.

Cyalatay 6:14

Am yaken rana am yabo ikadwa na no yako pazwain, ta si Yeso Kizisto a Panirsirngen ta o yako pazwain a yanimawakwak nyaten do jyojika. O peypeypangayan no jyojika jyaken am yanimavonas rana o marahet a nakenakem ko. O peypeypangayan no nang am yako na nimamlis.

1 Kedinto 2:2

Ta mina to ko na mamneki do kabo no yamatarek a yako inanao jinyo. Ta si Yeso Kizisto a nipadket da do jyojika o yako inanao jinyo.

Nimlivolivon 17:18

Amyan dang so mangnanao no nanao ni Ipikolo a kani Sitoke. Sira rana am nimai sira macinekanekad ji Pawlo. Maniring o kadwan jira am, “Ikongo na ipanci no nya a yajyapsepsek ang.” Amyan so manci no, “Yana ipanci o da iraralay no tarek a pongso.” Ta o ipeylimwang na ni Pawlo am si Yeso a kano keypirwa na nimavyay.

Nimlivolivon 11:20

Am o tatasa ka tao do Saypolose a pongso a kado Cidinay am nimangay sira do Antia a meylimwang no ciriciring ni Yeso do beken a Yotay.

Nimlivolivon 8:5

O asa jira am si Veydipo am nimangay do asa ka ili do Samadiya a meylimwang no kanoyong na ni Yeso a Misayya a nitovoy ni Ama ta do to do teyrahem.

Nimlivolivon 4:20

Jyabo kaji namen mancyan no namen nimacita kano namen nimamizing a.”

Locya 22:53

Ko mangday so araraw a yamacitovong jinyo do rako a panaralayan am yanyo ji ngapa yaken. Am na karateng rana no araraw a yanyo yahap jyaken do na katalamozong ninyo ni Satan.”

Nimlivolivon 13:32

Sicyaraw rana ya am namen ipeylimwang jinyo o Mapasaray a Ciriciring na ni Ama ta do to. O nipanci na pa ni Ama ta do to do ineynapo ta am yana nimangononong jyaten an. Ta na nivyay si Yeso ni Ama ta do to akman so nivatvatkan do ikadwa na no Anwanood. Maniring am, ‘Imo am Anak ko imo an. So peylimwangan ko nimo sicyaraw eya do yamo kapeyyama jyaken.’

Cyalatay 1:16

Nipacita na jyaken o Anak na. Am ori o nipakateneng ko do Mapasaray a Ciriciring na ni Kizisto a ipeylimwang do beken a tao do Yotay. So ikabo no tao a nipacyamizngan ko.