Nimlivolivon 5:41 - Seysyo No Tao

⁴¹ Karwan da o rako a peykeykaygyan am masaray sira. Ta nakenakem na ni Ama ta do to o karahet da sira a meyhanhan ni Yeso.

Nimlivolivon 5:41 Referans Kwoze

Yake 1:2

Manga kakteh, tana amyan so alalaw a mangay jinyo am somaray kamo an.

Locya 6:22

“No ikaoya da inyo a ji da raralayan a kapanyanig da jinyo do kararalay nyo nyaken a Nipamnekan na ni Ama ta do to a tao am manoyong o kasaray nyo an.

Veydipi 1:29

O na nipamnekan jinyo am beken a nyo kanoyong ji Kizisto an, ta ahapen nyo o alalaw na a mahap so vazay na,

Yowani 15:21

Mamimin o akman sang a alalaw a mangay jinyo, do kamonganay nyo jyaken. Ta ji da tenngi o nimapahanhan jyaken.

2 Kedinto 12:10

Am ori an, ko na to meyhanhanan si Kizisto. So ji ko a raci nya no kangangay no yabo oyowyat ko, da avain yaken, no myan so rako a alalaw ko a kano peyrarehtan da jyaken do kahap ko so vazay ni Kizisto. Ta no abo oyowyat ko am na oyatan yaken ni Kizisto.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Loma 5:3

Tana amyan so alalaw ta am masaray ta. Ta ori ipakateneng ta rana do ahapan ta sya no myan so alalaw ta.

Sipolay 10:34

Akma kamoy to macizanod so alalaw do paneban da tao. No katakaw da so kangangay nyo a nyahap no tao am mina to nyo peykabobwa do onowned nyo. Ta katenngan nyo o kapakahap nyo so apyapya pa a peymeymasaodan nyo do teyngato.

Nimlivolivon 5:21

Madagdag rana am somdep sira do rako a panaralayan a mangnanao. Meyratateng am o rako a panirsirngen da no mapatanatanang so nakem da si Ama ta do to a kano kararay na am lovoten da sira o kamanrarakehan da no tao do Yotay a kapanovoy da so tao a mai no amyan do pamemtengan a nipamnekan ni Yeso a omlivolivon no ciriciring na.

Nimlivolivon 21:13

Am maniring si Pawlo am, “Ikongo nyo lavyan jyaken a ko ikarahet no onowned. Cyaha, ta ko ahapen o vazay ni Yeso a Panirsirngen ta. Tana vaoden da yaken do Yelosaleng a mawakwak do dang am cyaha, ta nakenakem ko an.”

3 Yowani 1:7

Ta o ipangilili da nira ori am ciring na ni Yeso Kizisto. Am yabo da nyahap a da isidong sira no ji manaralay a tao.