Nimlivolivon 5:11 - Seysyo No Tao

¹¹ Mamizing da ori no omraralay ni Yeso a kano karwan no tao am tey maonib sira.

Nimlivolivon 5:11 Referans Kwoze

Nimlivolivon 5:5

Mamizing na ni Ananiya o ciring ni Pite am mavazakwang a kawakwak na. So nikamogaw da no tao a makamizing sya.

Sipolay 4:1

Am ori o naknakman nyo so kato nyo ngotokotan so nakem a omanoyong ji Ama ta do to. Ta no si ji kamo manganoyong am ji kamo macikaop ji Ama ta do to.

Nimlivolivon 19:17

Mamizing da no meyvahay do Ivoso a tao do Yotay a kano tao do Sila o akman sang a vazay am manyahey sira. Niminda dang o kapeypakdeng da rana omraralay ni Yeso.

Veydipi 2:12

Manga kakteh, no kapacikaop ko pa jinyo am masangib kamo a omamizing jyaken. Am ori o ikakdekdeng nyo pa omahap so ciring ko do ikabo ko jinyo do dang an. Makapzat kamo an. Makowyowyat kamo a mahap so vazay na ni Ama ta do to. Ta ori rana am manoyong a vazay no nimamlis so nakenakem a tao.

Sipolay 12:15

Makapzat kamo, ta mapehes jinyo o pangangarilawan ni Ama ta do to. Makapzat kamo, ta amlida do onowned nyo o raraten nyo. Ta no meyparako ori am makangingit so tao a meyraraten.

Sipolay 12:28

Am ori o sarayan ta no to meyyonong a ji rana gonagonay a italamozong na ni Ama ta do to a yanan ta do teyngato. To ta mangozai o isaray na ni Ama ta do to a peyvazain, kowyat ta amraralay nya.

Ipaziman 15:4

Mo Panirsirngen, sino makadket jimo a ji raralayan. Sino ji nganood so ngaran mo. Imo saon o ji meylimoteng so onowned a Tao do to am. So ikamimin no tao do peycyamahamahatawan na a mangay do tangain mo a omraralay nimo. Ta yarana nimamimin o tao a yarana nimeymatamata do iwawalam mo a yaji mapeycyakaban so tao.”

1 Pite 1:17

No kamo meynozi am nyo abneken si Ama ta do to a Ama nyo. Iya rana am ji mapeycyakaban a yamanita so mina vazay no tao. Am ori o panadnadan nyo sya an, do iyan nyo pa do karawan.

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

Nimlivolivon 2:43

So ikaro no mapeyzokab a vazay da no nipamnekan na ni Yeso a omlivolivon no ciriciring na a mapacita no rako a oyowyat na ni Ama ta do to. So ikaro no tao a somavasavak nya.

Nimlivolivon 9:31

No kanang rana am abo rana o ikalaw da no omraralay ni Yeso a tao do Yotay a kado Cyadidi a kado Samadiya. So nikakdeng da rana so nakem ji Yeso. Ta arako o nisidongan na sira no Seyzi. Am ori o nikaro no tao a omanoyong ji Yeso. So nikapiya no icicirawat da rana omahap so vazay na ni Ama ta do to.