Nimlivolivon 4:6 - Seysyo No Tao

⁶ O rako a panirsirngen no mapatanatanang so nakem da si Ama ta do to a meyngaran si Annase a kani Keyava kani Yowani a kani Yadisanta kano zipos na mahakay ni Annase am amyan sira do dang.

Nimlivolivon 4:6 Referans Kwoze

Locya 3:2

O meyngaran si Annase a kani Keyava am panipanirsirngen da no mapatanatanang so nakem da si Ama ta do to. No kano nang am nioyatan na o ciring na ni Ama ta do to do meyvahay do kabwan no nihakawan a meyngaran si Yowani a anak na ni Sacyadiya.

Yowani 18:24

Meyratateng am ipanci na ni Annase o tao a mangay ni Yeso do tao a meyngaran so Keyava a panirsirngen da no mapatanatanang so nakem da si Ama ta do to. Am no kanang am mavaod pa si Yeso.

Matay 26:3

No kano nang am o panipanirsirngen no mapatanatanang so nakem a kano kamanrarakehan da am malovot sira meysirisiring do vahay no kabtekan da panirsirngen no mapatanatanang so nakem da si Ama ta do to a meyngaran so Keyava.

Yowani 11:49

Amyan jira ang so asa ka tao a meyngaran so Keyava. Iya rana ori am panirsirngen da no mapatanatanang so nakem da si Ama ta do to no kano nang. Maniring ori am, “Yabo nyo katenngan.

Nimlivolivon 4:7

Nyangay da sira Pite a kani Yowani do tangain da a kapacici da sira. Maniring sira am, “Do wanjin na kapwan no oyowyat nyo a yaniomiwakwak do nimapilay a tao ang. Sino yanimanta ninyo so oyowyat nyo.”

Nimlivolivon 5:21

Madagdag rana am somdep sira do rako a panaralayan a mangnanao. Meyratateng am o rako a panirsirngen da no mapatanatanang so nakem da si Ama ta do to a kano kararay na am lovoten da sira o kamanrarakehan da no tao do Yotay a kapanovoy da so tao a mai no amyan do pamemtengan a nipamnekan ni Yeso a omlivolivon no ciriciring na.