Nimlivolivon 4:29 - Seysyo No Tao

²⁹ Am ori o pakatenngan mo jira so onowned a yaomalalaw jyamen. So sidongan mo jyamen, mo Panirsirngen a mahap so vazay mo a kaji namen a mogawan a meylimwang no ciriciring mo.

Nimlivolivon 4:29 Referans Kwoze

Nimlivolivon 4:13

Macita da no panipanirsirngen do peykeykaygyan si Pite a kani Yowani a mowyat so onowned am manakem da rana sira todna ka tao a jya nimeyvatvatek. Am ori o nipeyzokaban da nira. Meyratateng am katovilan da rana sira nimacilocilolo ji Yeso.

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Veydipi 1:14

Ta yada ikowyowyat so nakenakem ji Ama ta do to no akma tey kakteh do cinai a yajyanyahey a meylimwang no ciriciring na ni Ama ta do to.

Nimlivolivon 4:31

Mateyka sira meynozi am todagoyogoyon o peynozyan da a kamimin da nioyatan no Seyzi. Ori o nikowyat da a meylimwang no ciriciring na ni Ama ta do to. Ori ji da rana mogawi.

2 Timotay 4:17

Am si Ama ta do to o yamyan do katangked ko a somidong jyaken a manta nyaken so oyowyat ko a meylimwang no ciriciring na do beken a tao do Yotay a kavyay na pa jyaken no kavovo da jyaken a wakwaken.

Nimlivolivon 28:31

a kapangnanao na no italamozong na ni Ama ta do to a kano omagaz ji Yeso Kizisto a Panirsirngen ta. So ikabo no ikamogaw na. So ikabo rana no itaysang a omza sya a meylimwang no ciriciring na ni Ama ta do to.

Nimlivolivon 19:8

So nipakatlo na vehan dang ni Pawlo a to ngyan do peyneynozyan a macinekanekad jira a manci no agagazan no italamozong na ni Ama ta do to a mapanod so tao a omanoyong ji Yeso Kizisto.

Nimlivolivon 13:46

Am ikakdekdeng ni Pawlo a kani Parnapo a meyzezyak a omnanao sira. Maniring sira am, “O ciriciring na ni Ama ta do to am nimanma kamo a peylimwangan nya. Am nyo kaji nganoyngan jya. Nyo to nazibwan o na kapanta ninyo ni Ama ta do to so to meyyonong a ikavyay no pahad nyo. Am ori o namen karwan rana jinyo a mangay do beken a tao do Yotay.

Nimlivolivon 9:27

Am kanisomidong na sya ni Parnapo a mangay tomita so nipamnekan ni Yeso a omlivolivon no ciriciring na a kapanci na nya jira so mina kapakacita na ni Sawlo si Yeso do rarahan a nisomirisiring sya a kapanci na pa nya jira so kaji na mogawan ni Sawlo a meylimwang ni Yeso do Tamaseke.

1 Tesalonicya 2:2

Nyo katenngan an, ta no kaji namen angayan pa jinyo do dang am amyan rana so alalaw namen do kapeymetdeh da jyamen do Veydipi a ili. Am na mina kapanta nyamen so oyowyat ni Ama ta do to. So namen jyanyahei no meykamadadayan a da izazat jyamen a yameylimwang no Mapasaray a Ciriciring na ni Ama ta do to jinyo.

Nimlivolivon 4:21

Meyratateng am peyparowen da o ciring da yalalaw da sira kapasaway da rana sira. Ta ji da kala o karatan da, a macyoman pa o kanyahey da no aro a tao ang a somaray nya ji Ama ta do to, do mapeyzokab a vazay na do nimapilay ang.

Nimlivolivon 26:26

Maniring si Pawlo ji Aglipa am, “Mo katenngan o akman sang a vazay. Am ori o ko jyamogawi a yamapatwaw sya jimo. Ta o akman rana sya a vazay am abo makatayo sya.

Nimlivolivon 9:28

Am ori o nikabwangan da rana ji Sawlo no nipamnekan ni Yeso a omlivolivon no ciriciring na. So ji na nimamogawi a meylimwang ni Yeso do Yelosaleng.

2 Kedinto 3:12

Yanamen manoyong a meyhanhan no akman sang. Am ori o yanamen jyaonibi rana a meylimwang no ciring na ni Yeso Kizisto.

1 Kedinto 14:13

Am ori an. Ta o makza no kapeyciring so macitarek a ciring am ipeynozi na o kapakateneng na jya peyvaliwen.