Nimlivolivon 28:9 - Seysyo No Tao

⁹ Mamizing da o vazay ni Pawlo no tao do dang am meykayyai o meykeyngeyngen a tao. So ikamimin da apya rana a nipeynozi ni Pawlo.

Nimlivolivon 28:9 Referans Kwoze

Nimlivolivon 5:15

Macita da o mapeyzokab a vazay da no nipamnekan ni Yeso a omlivolivon no ciriciring na am ori o nyangayan da no meykeyngeyngen a tao do ireyrayan da kapangay da sira do siri no rarahan. Ta tana avwavong na pa ni Pite a mangay jira am anoyngan da o kapya da.

Nimlivolivon 5:12

Aro mapeyzokab a vazay da no nipamnekan na ni Yeso a omlivolivon no ciriciring na a nimacita da no taotao. Mangday sira so araraw o omraralay ni Yeso a malwalovot do macinapnap do rako a panaralayan a ngaranan da so Vahay na ni Solomen.

Matay 4:24

So nipeyyamyamizngan da na do ngaran na ni Yeso do Sidiya. Am ori o nyangayan da no meykeyngeyngen a tao a kano kovotan no kalamsoyan ni Satan a tao a kano mamezamezay a tao a kano ji makapeygonagonay a tao. Nimimin da o akman sang a tao yangay do tangain na. So niteyteyhesan na sira niwakwakan so kataotao.

Nimlivolivon 13:6

Nilivolivon da o pongso do Saypolose. Makaranes sira do Pavo a ili am masazi da dang o asa ka tao do Yotay a meyngaran so Pa-Yeso a mamnek a tao. Ipanci na o kataotao na a panoyonoywan na so ciring ni Ama ta do to. Am malas ori.

Nimlivolivon 28:8

No kanang am nimeyngen o velek na ni ama na ni Popaydi a kapeyingwat na pa sya. Mangay jya si Pawlo am paoptahen na o lima na do kataotao na a meynozi nya. Ori o nikapya na rana.

Nimlivolivon 28:10

Nimacipinda no kanang o kanig da nyamen no tao. Karwan namen rana sira am aro o apzapzatan a nitoro da jyamen a paciralayan namen a mangay do asa ka avang.